Á árunum 2002-2006 átti Kópavogsdeild í vinadeildasamstarfi við Rauða kross deild í bænum Gjirokastra í sunnanverðri Albaníu. Kópavogsdeild studdi við albönsk ungmenni í vanda og tók þátt í að fjármagna heilbrigðisverkefni í Albaníu sem miðaði að því að stemma stigu við útbreiðslu öldusóttar og fleiri smitsjúkdóma. Verkefnið var unnið í samstarfi við Rauða kross deildirnar í Kjósarsýslu, Garðabæ og Bessastaðahreppi. Vinadeildasamstarfið leiddi líka af sér bekkjarsamstarf milli bekkjar í Lindaskóla og bekkjar í skólanum Shkolla Koto Hoxhi í Gjirokastra.