A- Húnavatnssýsludeild Rauða krossins var stofnuð 30. ágúst 1975 og mættu þeir Björn Tryggvason formaður Rauða krossins og Eggert Ásgeirsson framkvæmdastjóri á fundinn. Fyrsti formaður var sr. Árni Sigurðsson.
Helsta tilefni stofnunar deildarinnar var að það bráðvantaði sjúkrabíl en á þessum tíma var einungis lögreglubifreið staðarins, frambyggður rússajeppi, nothæfur til sjúkraflutninga.
Deildin á húsnæði að Húnabraut 13 og einnig sjúkrabílageymslu við heilbrigðisstofnunina á Blönduósi.
Deildin sinnir helstu verkefnum svo sem neyðarvörnum og skyndihjálparfræðslu.
Starfssvæði deildarinnar er Austur Húnavatnssýsla að frátöldu starfssvæði Skagastrandardeildar.