Vinkonurnar María Helena Mazul, Katrín Jónsdóttir, Lilja Björg Geirsdóttir, Marý Lind Rúnarsdóttir og Elísabet Ásta Ólafsdóttir stóðu fyrir tombólu við verslun Samkaupa í Hrísalundi á Akureyri og söfnuðu með því 1.123 krónum til styrktar Rauða krossinum.

Framlag þeirra rennur í sameiginlegan sjóð á landsvísu sem ráðstafað er einu sinni á ári til erlendra verkefna í þágu nauðstaddra barna. Í desember ár hvert er tilkynnt hvaða verkefni fær stuðning.

Rauði kross Íslands færir stúlkunum innilegar þakkir fyrir stuðning þeirra.

Á  myndinni eru frá vinstri; María, Katrín og Lilja.