Ungmennahreyfing Rauða Kross Íslands Hafnarfirði er félagsskapur krakka sem vilja vinna að mannúðar- og mannréttindarmálum í bland við að skemmta sér saman. Starfið er ætlað öllum 10 ára og eldri og er skipt í hópa eftir aldri.

Hvað gera félagar URKÍ-H?
URKÍ-H félagar í 5-7.bekk(10-12 ára) hittast á nýjum tíma á fimmtudögum kl. 15:30-17:00, 8.-10.bekk (13-15 ára)  á sama tímanum á  fimmtudögum kl. 17:30-19:00 og 16 ára og eldri fimmtudögum kl. 19-21.
Hóparnir hittast í Sjálfboðamiðstöðinni að Strandgötu 24 og gera ýmislegt skemmtilegt s.s. halda spilakvöld, videokvöld, fræðast um mannúðarmál og framandi menningarheima, vinna í fataflokkun, safna fyrir hjálparstarf og margt fleira.

Helstu verkefni og áherslur í starfi URKÍ-H
Byggjum betra samfélag: vitundarvakning geng fordómum og mismunun í samfélaginu. Fatasöfnun: kynnast þessu verkefni Rauða krossins. Ferðalög: förum a.m.k. í eitt ferðalag á ári auk þess sem ýmist er boðið uppá alþjóðlegar sumarbúðir eða landsmót á sumrin. Fjáraflanir: leggjum okkar af mörkum til að safna pening til verkefna Rauða krossins jafnt innanlands sem utan Hlutverkaleikurinn "Á Flótta": þar sem þáttakendur fá að kynnast veruleika flóttamanna Vegabréfaverkefni: félagar í URKÍ-H hafa farið á „hugarflug“ þegar góðir gestir hafa komið í heimsókn og kynnt okkur menningu og siði annara þjóða og kynnt okkur starf Rauða krossins eða Rauða hálfmánans í sínu landi. Til gamans er hugarflugið vottað í sérstakt vegabréf.

Þú getur skráð þig í URKÍ-H með því að hringja í síma 565-1222 eða senda póst á hafnarfjordur@redcross.is sem og að mæta í Rauðakrosshúsið, Strandgötu 24 (gengið inn Fjarðargötu megin)  á þeim tímum sem hóparnir hittast.