Rauði krossinn í Þingeyjarsýslu

Þingeyjarsýsludeild var stofnuð 2. maí 2013 að Gljúfrastofu í Ásbyrgi. Þar sameinuðust Húsavíkurdeild, Öxarfjarðardeild og Þórshafnardeild í eina deild sem heitir Rauði krossinn í Þingeyjarsýslu og nær yfir umdæmi sýslumanns Þingeyinga. Formaður deildarinnar var kjörinn Halldór Valdimarsson.

Deildin á 25% í húsnæði með Björgunarsveitinni Garðari og Slysavarnafélagi kvenna á Húsavík. Deildin hefur skrifstofu í húsinu en fundarsalur og eldhús eru sameign.

Starfssvæði  Þingeyjarsýsludeildar er Þingeyjarsýsla austan Vaðlaheiðar.

Auk hefðbundinna verkefna tengdum skyndihjálparfræðslu og neyðarvörnum er deildin með ört vaxandi starf heimsóknavina.

Fatasala er rekin að Árgötu 12 Húsavík. Opið er á þriðjudögum og fimmtudögum frá klukkan 16-18. Sjá frétt frá 25.01.2013