Sjálfboðaliðar á öllum aldri koma saman og hanna, prjóna og sauma fatnað.

Afurðirnar eru seldar á mörkuðum deilda eða í Rauða kross búðunum. Alltaf er þörf fyrir hvers kyns prjónavörur í búðum Rauða krossins jafnt á fullorðna sem börn. Ágóðinn af sölunni skilar sér í Hjálparsjóð.

Fjármunir úr Hjálparsjóðnum nýttast til þróunar- og neyðaraðstoðar erlendis.

Ungbarnapakkar
Sjálfboðaliðar á Íslandi útbúa fatapakka fyrir nýfædd börn sem sendir eru til þróunar- og neyðaraðstoðar erlendis. Sjálfboðaliðar Rauða krossins í viðtökulandinu dreifa barnapökkunum í samráði við heilsugæslustöðvar og mæðraeftirlit.

Innihald
Innihald pakkanna er staðlað og hefur verið valið í samvinnu við skjólstæðinga Rauða krossins. Hver pakki inniheldur: tvær peysur/treyjur, tvær nærskyrtur og tvennar nærbuxur eða tvær samfellur, fjórar taubleiur, einar buxur, tvö pör af sokkum, eina húfu, eitt teppi og eitt handklæði.

Fatapakkar fyrir eldri börn
Sjálfboðaliðar deilda útbúa fatapakka fyrir börn á aldrinum 2 - 12 ára sem sendir eru til Hvíta Rússlands þar sem Rauði krossinn í Hvíta Rússlandi tekur við þeim og dreifir til þeirra sem á þurfa að halda. Fötin eru flokkuð í pokana eftir kyni, aldri og stærð.

Innihald
Húfa (flís, prjónuð eða annað sambærilegt), vettlingar/hanskar (flís, prjónaðir eða aðrir hlýir), stuttermabolur (bómullarbolur eða annað sambærilegt), sokkar (ullarsokkar, þykkir bómullarsokkar eða annað sambærilegt), peysa (úr ull, flís eða öðru sambærilegu) og buxur (gallabuxur, íþróttabuxur eða sambærilegt).

Frekari upplýsingar veitir deildin á þínu svæði.

Myndband frá afhendingu ungbarnapakka í Hvíta Rússlandi í lok árs 2009.