Skagafjarðardeild

Skagafjarðardeild Rauða krossins var stofnuð 11. júní 1940 og er því ein af elstu deildum félagsins. Fyrsti formaður deildarinnar var Torfi Bjarnason, héraðslæknir og voru stofnfélagar 53 talsins.

Deildin á húsnæði að Aðalgötu 10. Þar er aðstaða til móttöku og flokkunar á fatnaði og skrifstofa. Starfssvæði deildarinnar er eins og nafnið ber með sér Skagafjörður.

Öflugt sjálfboðaliðastarf fer fram hjá deildinni og ber þar hæst starf heimsóknavina og prjónahóps auk hefðbundinna verkefna í tengslum við skyndihjálparfræðslu og neyðarvarnir.