Fjölmörg fyrirtæki starfa með Rauða krossinum um land allt og styrkja félagið á einn eða annan hátt. Þar má nefna beina fjárstyrki, auglýsingastyrki og vörustyrki, eða  fyrirtækjasamstarf þar sem starfsmenn gefa dýrmætan tíma sinn með þátttöku í verkefnum Rauða krossins.

Ef fyrirtæki þitt eða starfsmannafélag vill styrkja starfið hafðu þá samband við Rauða krossinn á Íslandi í síma 570 4000.

Rauða krossinn hefur gert formlegt samkomulag um samstarf við eftirfarandi fyrirtæki:

	Eimskip Eimskip/Flytjandi er helsti styrktaraðili fatasöfnunarverkefnis Rauða krossins. Fyrirtækið flytur fatagáma félagsins milli landshluta og til útlanda án endurgjalds og styður við átak í fatasöfnun við sundlaugar landsins á hverju vori. Ágóði af starfi Fatasöfnunar Rauða krossins rennur til hjálparstarfs Rauða krossins innanlands sem utan. Rauði krossinn úthlutar fatnaði til nærri 1500 einstaklinga á Íslandi, auk þess sem meðferðarheimili, fangelsi og athvörf hérlendis fá fatnað fyrir skjólstæðinga sína.
	Sorpa Sorpa er mikilvægur samstarfsaðili Rauða krossins í fatasöfnunarverkefni félagsins og eru söfnunargámar fyrir föt á öllum endurvinnslustöðvum Sorpu á höfuðborgarsvæðinu. Einnig hafa ýmis verkefni Rauði krossins notið styrkja af ágóða reksturs verslunarinnar Góða hirðisins sem Sorpa stendur að.
	Arion banki Arion banki hefur stutt Rauða krossinn með reglubundnum fjárstyrkjum á liðnum árum fyrir landssafnanir og áhersluverkefni félagsins. Þá hefur Arion banki veitt myndarlega styrki til jólaúthlutana Rauða krossins.
	Vífilfell Vífilfell hefur stutt við neyðarviðbúnað Rauða krossins á innlendum vettvangi, tekið þátt í fatasöfnunarátaki og styrkt félagið á ýmsan hátt. Alþjóða Rauði krossinn og Coca Cola samsteypan hafa gert með sér tímamótasamning þar sem fyrirtækið mun veita mannúðarsamtökunum 230 milljarða króna styrk á næstu árum í neyðarviðbrögð og neyðarvarnir.  Rauði krossinn hefur miklar væntingar til þessa samstarfs um allan heim.
	Síminn Síminn er aðalstyrktaraðili Hjálparsíma Rauða krossins 1717 og hýsir símkerfi Hjálparsímans án endurgjalds. Síminn og öll símafyrirtækin á Íslandi bjóða jafnframt gjaldfrjáls símtöl í Hjálparsímann. Tæplega 100 manna hópur sjálfboðaliða starfar við símsvörun hjá Hjálparsíma Rauða krossins 1717. Meðal markmiða Hjálparsímans er að hlusta á og veita ráðgjöf fólki á öllum aldri, fólki sem þarf á stuðningi að halda t.d. vegna þunglyndis, kvíða eða vanlíðunar.
	Alvogen Lyfjafyrirtækið Alvogen styður náms- og starfsþjálfun ungmenna í Síerra Leóne sem urðu illa úti í borgarastyrjöldinni sem geisaði í landinu um árabil. Árlega læra 150 ungmenni að lesa, skrifa og stunda iðnnám í valinni grein. Hver nemandi fær áhöld fyrir sitt sérsvið sem hann nýtir í náminu og fær svo til eignar eftir úrskrift. Starfsmenn Alvogen í 20 löndum standa fyrir söfnunarátakinu Alvogen for Africa og samkvæmt þriggja ára styrktarsamningi rennur söfnunarféð óskert til þessa verkefnis Rauða krossins.

Íslandsspil aflar fé fyrir eigendur sína, sem eru Rauði krossinn, Landsbjörg og SÁÁ. Ágóði fyrirtækisins úr söfnunarkössum skilar sér því þannig aftur til samfélagsins í öflugu og fjölbreyttu starfi eigenda í mannúðar- og velferðarmálum.