Rauði krossinn gefur árlega út fréttablaðið Hjálp þar sem fjallað er um innanlands- og alþjóðastarf félagsins. Blaðið kemur út í 118 þúsund eintökum og er sent á öll heimili á landinu sem vilja fjölpóst.

Ársskýrsla kemur út í prentuðu formi fyrir aðalfund félagsins sem haldinn er í maí.

Reglulega lætur Rauði krossinn vinna skýrslur sem snúa að ýmsum málefnum í íslensku samfélagi, s.s. um mansal og málefni innflytjenda. Hvar þrengir að? er skýrsla um rannsókn sem félagið gerir að meðaltali á fimm ára fresti þar sem athugað er hvar þörfin í samfélaginu er brýnust hverju sinni.