Deildir

Rauði krossinn í Mosfellsbæ sinnir fjölmörgum verkefnum í nærsamfélaginu. Deildin hefur virkan hóp sjálfboðaliða sem koma að alls konar hjálparstarfi. 

Rauði krossinn í Kópavogi er öflug og vel starfandi deild innan Rauða krossins á Íslandi. Hún tekur virkan þátt í starfsemi landsfélagsins og svæðasamstarfi deilda. Deildin starfar að mannúðarmálum og margvíslegri aðstoð við þá sem búa við þrengingar og mótlæti í samræmi við grundvallarhugsjónir Rauða kross hreyfingarinnar og leiðarljós, lög og stefnu Rauða krossins á Íslandi. 

Rauði krossinn í Hafnarfirði og Garðabæ var áður sitthvor deildin innan Rauða krossins á Íslandi. Deildirnar tvær sameinuðust svo árið 2014 í eina deild og er starfssvæðið því sameiginlegt í dag. Starfsmenn og sjálfboðaliðar nýtast þar með mun betur sem og allir fjármunir deildarinnar. 

Rauði krossinn í Reykjavík leggur áherslu á valdeflandi stuðning við berskjaldað fólk í öllum hverfum borgarinnar. Deildin bregst við brýnum þörfum fólks sem býr við þrengingar í þeim tilvikum sem opinber stuðningur er ekki til staðar eða nægir ekki. Deildin greinir reglulega þörfina í nærsamfélaginu, og getu Rauða krossins til að mæta henni, og hagar starfi sínu í samræmi við niðurstöðuna.