Rauði krossinn í Múlasýslu

Kennitala 620780-2949

Deildin var stofnuð 1. janúar 2019 þegar Vopnafjarðardeild og Héraðs- og Borgarfjarðardeild Rauða krossins voru sameinaðar. Fyrsti formaður nýrrar deildar, Berglind Sveinsdóttir, var kosin á fyrsta aðalfundi deildarinnar 18. febrúar 2019. Starfssvæði deildarinnar nær yfir Borgarfjörð eystra, Fljótsdalshérað og Vopnafjörð. Aðsetur Rauða krossins í Múlasýslu er í Dynskógum 4, Egilsstöðum.

Starf deildarinnar
Neyðarvarnir/Fjöldahjálp. Sjálfboðaliðar í neyðarvörnum fá þjálfun reglulega í samvinnu við aðrar deildir á Austurlandi og eru fjöldahjálparstöðvar deildarinnar á eftirfarandi stöðum.

Borgarfjörður eystri: Grunnskóli Borgarfjarðar eystra

Fljótsdalshérað: Egilsstaðaskóli, Tjarnarlönd 11

Vopnafjörður: Vopnafjarðarskóli, Lónabraut 12

Skyndihjálparnámskeið eru haldin reglulega og auglýst. Einnig geta fyrirtæki haft samband við deildina ef áhugi er fyrir að kaupa námskeið. Þá býður deildin nemendum í 10. bekk grunnskólanna uppá skyndihjálparnámskeið. Námskeiðið Börn og umhverfi er haldið í byrjun sumars ár hvert en það er ætlað ungmennum 12 ára og eldri.

Heimsóknarvinir fá þjálfun og starfa við að heimsækja gestgjafa bæði á einkaheimilum og stofnunum.

Ökuvinir er verkefni sem deildin kom á koppinn og er gert í samstarfi við Hjúkrunarheimilið Dyngju á Egilsstöðum. Íbúum þar er boðið upp á ökuferð sem endar yfirleitt á kaffihúsi með hressingu.

Grunnskólabörn af erlendum uppruna eiga kost á að fá heimanámsaðstoð og deildin heldur árlega matreiðslunámskeið þar sem íbúar af erlendum uppruna kynna matarmenningu síns heimalands

Sjálfboðaliðar í verkefninu Föt sem framlag hittast á Egilsstöðum um það bil hálfsmánaðarlega yfir vetrartímann og prjónahópur hittist á Vopnafirði nokkrum sinnum yfir árið. Kvenfélag Hróarstungu kemur að þessu verkefni einnig og leggur til fatapakka til nauðstaddra

Deildin rekur tvær verslanir á Egilsstöðum, Nytjahúsið og Fatabúðina, staðsettar að Dynskógum 4. Opið er á þriðjudögum, miðvikudögum og fimmtudögum kl. 16-18 og á laugardögum kl. 12-14. Sjálfboðaliðar starfa í verslununum á opnunartíma.

Fatasöfnunargámar eru staðsettir á svæðinu. Sjálfboðaliðar sjá um að tæma og flokka fatnað, það sem er ekki nýtt á svæðinu flytur Eimskip endurgjaldslaust til fatasöfnunar Rauða krossins í Reykjavík

Borgarfjörður eystri: Við áhaldahús Borgarfjarðar

Fljótsdalshérað: Við svæði Íslenska Gámafélagsins, Tjarnarási 9, Egilsstöðum

Vopnafjörður: Við Sorpstöðina

Deildin er aðili að neyðaraðstoð sem úthlutar fjármunum til nauðstaddra á svæðinu, aðalúthlutunin fer fram fyrir jólahátíðina ár hvert.

Múlasýsludeild styður einnig við valdeflingu fólks með geðrænan vanda með ýmis konar verkefnum í samstarfi við aðra.

Deildin hefur verið í samstarfi við Menntaskólann á Egilsstöðum þar sem nemendur í lífsleikni fá kynningu á starfinu og velja sér verkefni til að taka þátt í.

Starfsmaður deildar er Margrét Dögg Guðgeirsd. Hjarðar margretd@redcross.is, S: 8633692

Verkefnisstjóri verslana er Bríet Birgisdóttir brietb@redcross.is

Viltu gerast sjálfboðaliði?
Starf Rauða krossins er borið uppi af sjálfboðaliðum. Við getum bætt við fleiri sjálfboðaliðum í öll okkar verkefni, hver klukkustund telur þó hún sé bara einu sinni í mánuði. Hafðu samband ef þú hefur áhuga á að ganga í hóp sjálfboðaliða Rauða krossins í Múlasýslu https://www.raudikrossinn.is/taktu-thatt/