• B0f344_Geirix_20110506_10_21_40--1-
  • Sigurjon-og-Gudbjorg1

Rauði krossinn í Kópavogi

Tilgangur starfsins er að vernda líf og heilsu og tryggja virðingu fyrir mannlegu lífi. Kópavogsdeild er ein 40 deilda Rauða krossins á Íslandi og þriðja stærsta deild félagsins með 1.954 félaga í lok árs 2019. Deildin hefur skrifstofu og félagsaðstöðu í eigin húsnæði í Hamraborg 11, 2. hæð.  

Starfið byggir á sterkum mannauði og þótt oft sé framlag deildar til samfélagsins óáþreifanlegt í fjármunum talið er samfélagsauðurinn mikill og eykst með hverjum sjálfboðaliða í starfi. Sjálfboðaliðar með samning voru um 245 í lok árs 2019 en fjölmargir vinna margvísleg sjálfboðin störf í þágu Kópavogsdeildar án þess að hafa samning. 

Starfskonur eru þrjár í jafnmörgum starfshlutföllum og starfar hver og ein í fjölbreyttum verkefnum. Sjálfboðaliðar halda uppi verkefnum með dyggum stuðningi starfsfólks. Sameiginlegt átak sjálfboðaliða og starfsmanna gerir deildina að því sem hún er. 

Áhersluverkefni Rauða krossins í Kópavogi eru verkefni sem vinna gegn félagslegri einangrun á fjölbreyttan máta. Deildin er leiðandi í þróun slíkra verkefna á höfuðborgarsvæðinu með áherslu á heimsóknavini, en á landsvísu hefur Kópavogsdeild umsjón með hundavinum og símavinum. Að auki er deildin með verkefni sem vinna gegn félagslegri einangrun innflytenda, m.a. með matarboðsverkefninu Brjótum ísinn bjóðum heim.  Nýjasta verkefnið, Félagsvinir eftir afplánun, miðar að því að aðstoða fyrrum fanga að fóta sig í samfélaginu og þétta félagsnet sitt eftir afplánun.


Skrifstofa Rauða krossins í Kópavogi 

Staðsetning: Hamraborg 11, 200 Kópavogur. 

Sími: 
- 570 4061
- 570 4062
- 570 4063

Netfang: kopavogur(hjá)redcross.is
Kennitala Rauða krossins í Kópavogi er 530379-0199.
Bankaupplýsingar: 0130-26-410816



Stjórn

Kópavogsdeild

Nafn Starfsheiti Netfang Sími
Helga Þórólfsdóttir Formaður formadur.kopavogur ( @ ) redcross ( . ) is
Margrét Halldórsdóttir Ritari
Guðbjörg Sveinsdóttir Meðstjórnandi
Jón Grétar Guðmundsson Meðstjórnandi
Björn Ólafur Hallgrímsson Varamaður
Gaukur Steinn Guðmundsson Varamaður
Hörður Bragason Varamaður