• Bqy4qhit_1529335460982

Hefurðu fjóra tíma aflögu á mánuði til þess að veita félagsskap og hlýju?

19. febrúar 2019

Rauði krossinn í Kópavogi óskar eftir heimsóknavinum. Hlutverk heimsóknavina er fyrst og fremst að veita félagsskap, nærveru og hlýju. Heimsóknavinir eru sjálfboðaliðar, sem heimsækja fólk á heimili þess, á stofnanir, sambýli og dvalar- og hjúkrunarheimili. Misjafnt er hvað felst í heimsókn en það getur t.d. verið spjall, gönguferð, ökuferð, upplestur, aðstoð við handavinnu og svo framvegis. Viðmið er að heimsóknartími sé um klukkustund einu sinni í viku. Hvenær og hvar heimsóknin á sér stað er samkomulagsatriði hjá gestgjafa og heimsóknavini.

Sjálfboðaliðarnir sækja undirbúningsnámskeið hjá Rauða krossinum og eru bundnir trúnaði við þá sem þeir heimsækja.

Ef þú vilt gerast heimsóknavinur þá fer skráning fram hér. Ef þú vilt fá heimsóknavin þá er hægt að sækja um hér. Frekari upplýsingar er hægt að finna undir vinaverkefni eða hafa samband í síma 570 4063 eða 570 4000 eða senda póst á kopavogur@redcross.is