Kópavogsdeild óskar eftir formanni

Framsækinn einstaklingur óskast til að stýra Rauða krossinum í Kópavogi. Laus sjálfboðaliðastaða.

31. janúar 2020

Framsækinn einstaklingur óskast til að stýra Rauða krossinum í Kópavogi.

Kópavogsdeild Rauða krossins er stýrt af stjórn fjölbreyttra sjálfboðaliða með tengsl við nærsamfélagið. Deildin vinnur ötult starf gegn félagslegri einangrun í samfélaginu og stýrir verkefnum á borð við Hundavini, Heimsóknavini, Félagsvini eftir afplánun auk fjölda smærri verkefna. Deildin leggur áherslu á að finna nýjar leiðir til að koma til móts við þarfir fólks í samfélaginu.

Rauði krossinn í Kópavogi er þriðja stærsta deild Rauða krossins á Íslandi, með um 2000 félaga og 300 sjálfboðaliða.

Formaður deildarinnar, David Lynch, mun í mars hætta störfum eftir 6 ára starf og nú vantar nýjan formann í Kópavogsdeild Rauða krossins. Ef þú hefur áhuga, eða þekkir einhvern góðan, endilega sendu línu á silja@redcross.is fyrir 20. febrúar 2020.