Símavinir

Auðvelt að eignast vini allt í kringum landið

17. október 2018

Símavinir er verkefni Rauða krossins þar sem sjálfboðaliðar Rauða krossins hringja til þeirra sem þess óska.

Um er að ræða vinaspjall í allt að hálftíma í senn, þar sem sjálfboðaliði hringir frá sínu heimili, tvisvar í viku, á sama tíma dags, á tíma sem báðum aðilum hentar.

Verkefnið er byggt upp á svipaðan hátt og heimsóknavinir Rauða krossins. Þar sem að sími er notaður eru fjarlægðir ekki hindrun og því auðvelt að eignast vini allt í kringum landið.

Þeir sem vilja gerast sjálfboðaliðar og vera símavinir geta skráð sig hér og skráð í athugasemdum að þeir hafi áhuga á að gerast símavinir. 

Þeir sem óska eftir að fá símavin geta fyllt út form sem finna má hér og tekið fram í athugasemdum að óskað sé eftir símavini. 

Frekari upplýsingar gefur Erna Rósa Eyþórsdóttir á netfangið ernarosa@redcross.is , sími 570-4000

Kynningarmyndband um símavini