Rauði krossinn í Reykjavík

JAÐARSETTIR HÓPAR - Rauði krossinn í Reykjavík aðstoðar fólk sem er jaðarsett í samfélaginu af ýmsum ástæðum, svo sem vegna fíknar, heimilisleysis eða geðröskunar. Aðstoðin er í því formi sem hentar þörfinni og er á færi deildarinnar að veita. Heilbrigðisaðstoð hefur að leiðarljósi hugmyndafræði skaðaminnkunar.

FÓLK SEM BÝR VIÐ ÞRENGINGAR - Rauði krossinn í Reykjavík veitir efnislega og félagslega aðstoð eftir megni í þeim tilgangi að létta undir með fólki sem býr við kröpp kjör, verður fyrir áföllum eða er einangrað. Starfið hefur það að markmiði að hjálpa til sjálfshjálpar.

INNFLYTJENDUR OG FLÓTTAFÓLK - Rauði krossinn í Reykjavík vinnur að árangursríkri aðlögun innflytjenda í íslensku samfélagi og gegn mismunun á grundvelli uppruna eða trúar. Deildin leggur sérstaka áherslu á aðstoð við flóttafólk og börn af erlendum uppruna. Hafa skal í huga fjölbreyttan uppruna þeirra sem nýta sér aðstoð deildarinnar við almenna upplýsingamiðlun hennar.

Deildin

Rauði krossinn í Reykjavík var stofnaður 27. apríl, 1950 og er stærsta deild Rauða krossins á Íslandi, með um átta þúsund félaga, eða um 40 prósent af heildinni. Allir félagar sem hafa greitt árgjaldið fyrir lok undangengins árs hafa atkvæðarétt og kjörgengi á aðalfundi, sem er að jafnaði haldinn í mars á hverju ári. Rúmlega 20 starfsmenn og 750 sjálfboðaliðar sinna verkefnum deildarinnar. 

Ársskýrslur

Rauði krossinn í Reykjavík leggur metnað í það að kynna allt starf deildarinnar svo félagar, sjálfboðaliðar og velunnarar geti fylgst vel með sem fram fer ár hvert.

Hér má lesa ársskýrslu Rauða krossins í Reykjavík árið 2018 

2017

2016.

2015

---