Rauði krossinn í Vestmanna­eyjum

Kennitala 620780-1899

Deildin var stofnuð 23. mars 1941. Fyrsti formaður deildarinnar var Ólafur Lárusson, héraðslæknir. Stjórn fundar að jafnaði mánaðarlega yfir veturinn. Starfssvæði deildarinnar er Vestmannaeyjar.

Deildin hefur aðsetur í Arnardrangi að Hilmisgötu 11. Skrifstofa deildarinnar er opin kl. 16 - 18 á mánudögum og miðvikudögum yfir vetrartímann.

Starf deildarinnar

Neyðarvarnir/fjöldahjálp. Sjálfboðaliðar deildarinnar fá fræðslu og þjálfun til að bregðast við neyðarástandi og taka þátt í flugslysaæfingum á Vestmannaeyjaflugvelli. Fjöldahjálparstöðvar eru í grunnskóla Vestmannaeyja (Barnaskólanum) og Arnardrangi.

Skyndihjálparnámskeið og námskeið í sálrænum stuðningi eru haldin eftir þörfum og á vorin er námskeiðið Börn og umhverfi haldið.

Heimsóknavinir heimsækja á einkaheimili og dvalarheimili. Þeir sækja undirbúningsnámskeið áður en heimsóknir hefjast.

Fatasöfnun er í Vestmannaeyjum og getur fólk farið með fatnað í fatagám sem staðsettur er í afgreiðslu Eimskips við höfnina og í húsnæði deildarinnar á opnunartíma á mánudögum og miðvikudögum kl. 16 -18.

 Nánari upplýsingar um starfið er hægt að fá í síma 481 1956 eða 482 2106.