Víkurdeild Rauða krossins á Íslandi

Kennitala 670379-0789

Deildin var stofnuð 28. febrúar 1976. Fyrsti formaður var Björn Ármann Ólafsson Vík. Stjórn fundar að jafnaði mánaðarlega yfir veturinn. Starfssvæði deildarinnar er Mýrdalshreppur að Skógum. Deildin hefur aðsetur að Suðurvíkurvegi 4 í Vík.

Starf deildarinnar 

Neyðarvarnir/fjöldahjálp. Sjálfboðaliðar fá fræðslu og þjálfun í að bregðast við neyð. Deildin tekur þátt í árlegri rýmingaráætlun vegna Kötlugoss. Fjöldahjálparstöðvar eru staðsettar í Víkurskóla og Drangshlíð.

Skyndihjálparnámskeið og námskeið í sálrænum stuðningi eru haldin eftir þörfum. Námskeiðið Börn og umhverfi eru haldin í samstarfi við Víkurskóla.

Heimsóknavinir Víkurdeildar heimsækja og spila við heimilismenn Hjallatúns og einnig fara heimsóknavinir í ökuferðir með gestgjafa sína. Heimsóknavinir sækja undirbúningsnámskeið áður en þeir hefja heimsóknir.

Fatasöfnun er á vegum deildarinnar og eru tveir fatagámar í Vík, annar við Sláturhúsið og hinn við Slökkvistöðina. Einnig er fatagámur við félagsheimilið að Skógum. Sjálfboðaliðar tæma gámana og senda fatnaðinn til Fatasöfnunar á höfuðborgarsvæðinu.

 Nánari upplýsingar um starfið er hægt að fá í síma 482 2106.