Félagsvinir eftir afplánun

Felagsvinir-16

Félagsvinir eftir afplánun er nýtt verkefni ætlað fólki sem hefur nýlokið fangelsisvist. Það er mikilvægt að fá stuðning þegar afplánun lýkur en mörgum getur reynst erfitt að hefja nýtt líf. Félagsvini er ætla að aðstoða við ýmislegt sem snýr að daglegu lífi, s.s. húsnæðis- og atvinnuleit, viðtöl við félagsráðgjafa, skipulagningu fjármála og uppbyggingu á heilbrigðu félagsneti.

Ert þú að ljúka afplánun eða hefur nýlokið henni?

Það er margt sem þarf að huga að þegar fangelsisvist lýkur og mikilvægt að hafa stuðning þegar svo miklar breytingar verða. Allir geta sóst eftir félagsvin.

Hafðu samband við félagsráðgjafa Fangelsismálastofnunar eða
Rauða krossinn, kopavogur@redcross.is / s. 570 4000 .

Viltu gerast félagsvinur?

Okkur vantar sjálfboðaliða í verkefnið.

Sjálfboðaliðar verða félagsvinir einstaklings sem nýlokið hefur afplánun í fangelsi. Sjálfboðaliða er ætlað að aðstoða við ýmislegt er varðar daglegt líf og þær breytingar sem verða við það að ljúka afplánun.

Félagsvinir skuldbinda sig til þess að starfa í 12 mánuði og aldurstakmark er 25 ár.

Sæktu um hér!
Athugið að ekki allir sem sækja um geta orðið félagsvinir. Umsækjendur eru teknir í matsviðtöl og þurfa að sækja námskeið áður en þeir geta hafið störf. 

Opið hús

Rauði krossinn í Kópavogi er einnig með opið hús alla miðvikudaga frá 19:00 - 21:00, þangað sem fólk sem hefur lokið afplánun getur komið og fengið aðstoð sjálfboðaliða við ýmislegt auk þess sem stutt fræðsluerindi verða haldin.

Við erum í Hamraborg 11 á 2. hæð og við tökum vel á móti öllum. Léttar veitingar í boði.

Til þess að gerast sjálfboðaliði í opnu húsi, skráðu þig þá hér.

 

 


Umsókn um félagsvin

Athugið: Nauðsynlegt er að fylla út þá reiti sem merktir eru með *.

Til að fyrirbyggja ruslpóst:

Uppgefnar upplýsingar verða hýstar í skráningarkerfum Rauða krossins í þeim tilgangi að afgreiða skráninguna.
Um meðferð persónuupplýsinga má lesa í persónuverndarstefnu félagsins.