Sendifulltrúar þjálfaðir í uppbyggingu skjóls í kjölfar náttúruhamfara

21. jún. 2011

Tveir meðlimir veraldarvaktar Rauða kross Íslands, Óskar Torfi Þorvaldsson byggingarverkfræðingur og Gísli Guðfinnsson byggingariðnfræðingur fóru fyrir skömmu í gegnum þjálfun hjá Alþjóðasambandi Rauða krossins í uppbyggingu skjóls í kjölfar náttúruhamfara.

Fyrri hluti námskeiðsins var í formi fimm vikna net-námskeiðs sem þróað var af spænska Rauða krossinum. Til að fá aðgang á seinni hlutann þurftu þátttakendur að ná viðunandi árangri í fyrri hlutanum.

Seinni hluti námskeiðsins fór fram á fimm daga tímabili í byrjun júní í Ottawa í Kanada. Þjálfunin var skipulögð af sérfræðingum frá kanadíska og ástralska Rauða krossinum. Fengu þátttakendur meðal annars tækifæri til að framkvæma þær lausnir sem fjallað var um í fyrri hluta námskeiðs.

 

 

Óskar og Gísli leysa verkefni námskeiðsins