14. des. 2007 : Fatamarkaður á Egilsstöðum

Rauða kross deildir á Austurlandi stóðu fyrir fatamarkaði á Egilsstöðum dagana 8. og 9. desember.

Ágóðinn af sölunni rennur til styrktar fólki sem smitað er af alnæmi í Suður-Afríku en Rauði krossinn á Austurlandi er í vinadeildarsamstarfi við deild í Western-Cape í Suður-Afríku. Fjöldi sjálfboðaliða tók þátt í fatamarkaðnum og gekk salan vel.

25. okt. 2007 : Opið hús og alþjóðadagur í Breiðdalsvík

Breiðdalsdeild Rauða kross Íslands var með opið hús og alþjóðadag í síðustu viku.  Börn í efstu bekkjum grunnskólans frá ýmsum þjóðernum höfðu undirbúið glærukynningu af kostgæfni.  Þau sögðu frá og sýndu myndir frá Póllandi, Nýja-Sjálandi, Íslandi og Hong Kong og buðu gestum upp á kræsingar frá þessum löndum. 

23. okt. 2007 : Fjölgun í hópi heimsóknavina á Stöðvarfirði

Haldið var heimsóknavinanámskeið á Stöðvarfirði á fimmtudaginn fyrir nýja sjálfboðaliða í heimsóknaþjónustu sem komu frá Stöðvarfirði og Egilsstöðum.

Heimsóknaþjónusta er eitt af öflugustu verkefnum Stöðvarfjarðardeildar Rauða krossins og eftir námskeiðið eru 11 starfandi heimsóknavinir á svæðinu.

Heimsóknavinir eru sjálfboðaliðar sem rjúfa einsemd og félagslega einangrun með heimsóknum og veita félagsskap með spjalli, göngutúrum, handavinnu, ökutúrum og margt fleira. Meiri hluti þeirra sem notfæra sér þjónustuna á Stöðvarfirði eru aldraðir.

23. okt. 2007 : Fjölgun í hópi heimsóknavina á Stöðvarfirði

Haldið var heimsóknavinanámskeið á Stöðvarfirði á fimmtudaginn fyrir nýja sjálfboðaliða í heimsóknaþjónustu sem komu frá Stöðvarfirði og Egilsstöðum.

Heimsóknaþjónusta er eitt af öflugustu verkefnum Stöðvarfjarðardeildar Rauða krossins og eftir námskeiðið eru 11 starfandi heimsóknavinir á svæðinu.

Heimsóknavinir eru sjálfboðaliðar sem rjúfa einsemd og félagslega einangrun með heimsóknum og veita félagsskap með spjalli, göngutúrum, handavinnu, ökutúrum og margt fleira. Meiri hluti þeirra sem notfæra sér þjónustuna á Stöðvarfirði eru aldraðir.

16. okt. 2007 : Svæðisfundur deilda á Austurlandi

Svæðisfundur Rauða kross deilda á Austurlandi var haldinn í Rauða kross húsinu á Egilsstöðum á laugardaginn og mættu fulltrúar frá átta deildum.

12. okt. 2007 : Ungmennastarf Rauða krossins á Stöðvarfirði

Í Grunnskólanum á Stöðvarfirði er mannréttindafræðsla valgrein fyrir 9. og 10. bekk. Stuðst er við bókina Mannréttindi eftir Ágúst Þór Árnason sem gefin er út af Rauða krossinum. Leiðbeinandi er Björgvin Valur Guðmundsson en hann sér um vetrarstarf ungmenna Rauða krossins á staðnum.

Fjögur ungmenni fóru á landsmótið hjá URKI sem haldið var í Klébergsskóla á Kjalarnesi um síðustu helgi. Er þetta í fyrsta skipti sem ungmenni frá Stöðvarfirði fara á mót hjá URKI.

12. okt. 2007 : Ungmennastarf Rauða krossins á Stöðvarfirði

Í Grunnskólanum á Stöðvarfirði er mannréttindafræðsla valgrein fyrir 9. og 10. bekk. Stuðst er við bókina Mannréttindi eftir Ágúst Þór Árnason sem gefin er út af Rauða krossinum. Leiðbeinandi er Björgvin Valur Guðmundsson en hann sér um vetrarstarf ungmenna Rauða krossins á staðnum.

Fjögur ungmenni fóru á landsmótið hjá URKI sem haldið var í Klébergsskóla á Kjalarnesi um síðustu helgi. Er þetta í fyrsta skipti sem ungmenni frá Stöðvarfirði fara á mót hjá URKI.

11. okt. 2007 : Væntanleg opnun geðræktarmiðstöðvar

Í tilefni Alþjóðlega geðheilbrigðisdagsins, í gær, var haldin hátíð í Kompunni þar sem opnuð verður geðræktarmiðstöð innan tíðar. Fullt var út úr dyrum og bauð Héraðs- og Borgarfjarðardeild Rauða krossins uppá veitingar.

Jón Knútur Ásmundsson verkefnastjóri hjá Saust, svæðisskrifstofu málefna fatlaðra á Austurlandi, sagði frá starfsemi Kompunnar en búið er að ráða starfsmann í hlutastarf. Áætlað er að Geðhjálp verði með símatíma og tveir sjálfshjálparhópar verða með fund einu sinni í viku (einn fyrir notendur og annar fyrir aðstandendur geðfatlaðra).

8. okt. 2007 : Námskeið í geðheilbrigðismálum á Norðfirði

Um 35 manns sóttu námskeið fyrir aðstandendur og áhugafólk um geðheilbrigðismál sem haldið var í Egilsbúð á Neskaupstað um helgina. Er þetta 15. námskeiðið sem Rauði krossinn hefur haldið af þessum toga og það þriðja á Austurlandi. Þátttakendur komu frá Vopnafirði, Egilsstöðum, Seyðisfirði, Reyðarfirði, Eskifirði, Fáskrúðsfirði, Stöðvarfirði og Norðfirði.

Meginmarkmið námskeiðsins er að fræða fólk um málefni geðfatlaðra og setja á fót sjálfshjálparhópa. Í lokin voru þrír hópar stofnaðir, tveir á Norðfirði, annar fyrir foreldra barna með geð- og hegðunarraskanir og hinn fyrir aðstandendur geðfatlaðra og á Egilsstöðum var stofnaður hópur aðstandenda geðfatlaðra. Í undirbúningi er að stofna sjálfshjálparhóp á Eskifirði fyrir foreldra barna með geð- og hegðunarraskanir sem mun sinna fólki frá Reyðarfirði, Eskifirði og Fáskrúðsfirði.

8. okt. 2007 : Námskeið í geðheilbrigðismálum á Norðfirði

Um 35 manns sóttu námskeið fyrir aðstandendur og áhugafólk um geðheilbrigðismál sem haldið var í Egilsbúð á Neskaupstað um helgina. Er þetta 15. námskeiðið sem Rauði krossinn hefur haldið af þessum toga og það þriðja á Austurlandi. Þátttakendur komu frá Vopnafirði, Egilsstöðum, Seyðisfirði, Reyðarfirði, Eskifirði, Fáskrúðsfirði, Stöðvarfirði og Norðfirði.

Meginmarkmið námskeiðsins er að fræða fólk um málefni geðfatlaðra og setja á fót sjálfshjálparhópa. Í lokin voru þrír hópar stofnaðir, tveir á Norðfirði, annar fyrir foreldra barna með geð- og hegðunarraskanir og hinn fyrir aðstandendur geðfatlaðra og á Egilsstöðum var stofnaður hópur aðstandenda geðfatlaðra. Í undirbúningi er að stofna sjálfshjálparhóp á Eskifirði fyrir foreldra barna með geð- og hegðunarraskanir sem mun sinna fólki frá Reyðarfirði, Eskifirði og Fáskrúðsfirði.

3. okt. 2007 : Fjöldahjálparstjóranámskeið á Austurlandi

Fjöldahjálparstjóranámskeið var haldið á Seyðisfirði á laugardaginn. Þátttakendur komu frá Egilsstöðum, Fáskrúðsfirði og Seyðisfirði, átta nýir leiðbeinendur bættust í hóp fjöldahjálparstjóra á Austurlandi og þrír sóttu námskeiðið til að endurnýja skírteini sín. Hluti þátttakenda eru fulltrúar í skyndihjálparhópi ungmenna á Austurlandi.

Gerðar voru tvær skrifborðsæfingar og farið var í fjöldahjálparstöðina á Seyðisfirði sem er í grunnskólanum og settu þátttakendur upp merkingar í stöðinni samkvæmt teikningum.

Erindi fluttu Lárus Bjarnason sýslumaður, um almannavarnir og Ágúst Ólafsson fréttamaður RUV á svæðisvísu, um fjölmiðlun þegar á reynir. Leiðbeinendur voru Jón Brynjar Birgisson verkefnisstjóri neyðarvarna og María Helena Haraldsdóttir svæðisfulltrúi.

28. ágú. 2007 : Skiptir öllu að yfirvinna óttann

Sveinn Snorri Sveinsson er nýr formaður Geðhjálpar á Austurlandi. Viðtal eftir Hallgrím Helga Helgason um geðsýki hans og þátttöku í starfi sjálfshjálparhóps sem Geðhjálp og Rauði krossinn birtist í Morgunblaðinu 26. ágúst.

27. ágú. 2007 : Sjálfboðaliðar Rauða krossins brugðust strax við rútuslysi

Tölvert reyndi á viðbragðskerfi Rauða krossins í kjölfar rútuslysins sem varð á Fljótsdalsheiði í gær. Um 30 farþegar voru í rútunni sem fór út af veginum í beygju í Bessastaðabrekkum á Fljótsdalsheiði og slösuðust um 15 þeirra misalvarlega.

Samhæfingastöðin í Skógahlíð í Reykjavík var virkjuð og jafnframt voru sjálfboðaliðar Rauða krossins í Héraðs- og Borgarfjarðardeild kallaðir út til að koma upp fjöldahjálparstöð í grunnskólanum á Egilsstöðum.

Fjöldahjálparstöðin var opnuð kl. 13:30, eða um 15 mínútum eftir að Héraðs- og Borgarfjraðardeild Rauða krossins var gert viðvart um slysið. Þangað voru þeir fluttir sem hlutu minniháttar meiðsli svo sem skrámur eða vægari högg, alls 18 menn. Aðrir voru fluttir með sjúkrabíl eða flugi til heilsugæslunnar á Egilsstöðum, á Fjórðungssjúkrahúsin á Akureyri og í Neskaupstað. Þeir sem hlutu alvarlega áverka voru fluttir til Reykjavíkur á Landspítala – Háskólasjúkrahús.

26. ágú. 2007 : Fjöldahjálparstöð opnuð á Egilsstöðum

Rauði kross Íslands hefur opnað fjöldahjálpastöð í grunnskólanum á Egilsstöðum vegna rútuslyss sem varð í Fljótsdalshéraði. Sjálfboðaliðar Rauða krossins veita þar áfallahjálp og hlúa að slösuðu fólki.

Samkvæmt upplýsingum frá Landlæknisembættinu eru 10-15 slasaðir, þar af sumir nokkuð alvarlega. Um 31 erlendir starfsmenn verktakafyrirtækisins Arnarfells sem byggir Hraunaveitu við Jökulsá í Fljótsdal voru í rútunni. Hjálparsími Rauða krossins, 1717, veitir almennar upplýsingar um slysið til aðstandenda og er túlkur á staðnum.  

13. jún. 2007 : Rýmingaræfing vegna stíflurofs á Kárahnjúkum

Rýmingaræfing vegna stíflurofs á Kárahnjúkum var haldin 9. júní  þar sem rýma þurfti heimili og sumarbústaði í Jökuldal.

Héraðs- og Borgarfjarðardeild Rauða krossins opnaði fjöldahjálparstöð í grunnskólanum á Egilsstöðum og tóku fjöldahjálparstjórar frá deildinni og Seyðisfjarðardeild ásamt skyndihjálparhóp ungmenna á Egilsstöðum á móti íbúum til skráningar en í Jökuldal og nágrenni búa um 200 manns.

Skráning gekk vel og komu upplýsingar frá fjöldahjálparstöðinni fljótt og vel til fulltrúa Rauða krossins í Samhæfingarstöðinni í Skógarhlíð og aðgerðastjórn á héraði.

18. maí 2007 : Seyðisfjarðardeild afhendir hjálma

Seyðisfjarðardeild Rauða krossins afhenti nemendum sem hefja grunnskólanám í haust reiðhjólahjálma í gær á fjölskyldudegi foreldrafélags Seyðisfjarðarskóla. Lögreglan kom og fór yfir hjól krakkanna.

Hefð er fyrir því að deildin gefi elstu börnunum á leikskólanum reiðhjólahjálma á þessum degi.

Einar Hólm formaður og Ólafía stjórnarmaður eru með hluta af börnum á myndinni.

14. maí 2007 : Starfið á árinu 2006

3. maí 2007 : Skyndihjálparhópur ungmenna á Egilsstöðum

Stofnaður var skyndihjálparhópur ungmenna í vegaHúsinu á Egilsstöðum 25. apríl á vegum Héraðs- og Borgarfjarðardeildar Rauða kross Íslands.

20. feb. 2007 : Fjölmenningu fagnað á Austurlandi

Þjóðahátíð á Austurlandi, sú fjórða í röðinni, var haldin sunnudaginn 18. febrúar í félagsheimilinu Skrúð á Fáskrúðsfirði. Að hátíðinni stóðu eins og í fyrri skiptin allar deildir Rauða krossins á Austurlandi.