17. jan. 2011 : Nýir leiðbeinendur í hlutverkaleiknum Á flótta

Á flótta er hlutverkaleikur fyrir 13 ára og eldri, sem gefur fólki tækifæri til að upplifa í 24 klukkutíma hvað það er að vera flóttamaður. Í stuttu máli er ætlunin að gefa fólki raunsanna upplifun af því hvað það er að vera flóttamaður.

Um síðustu helgi var haldið námskeið á Reyðarfirði til að þjálfa leiðbeinendur fyrir leikinn. Farið var yfir alla þætti og unnin hópavinna eftir nýuppfærðu námsefni. Alls tóku 11 ungmenni víðs vegar af Austurlandi þátt sem eru nú færir um að setja upp hlutverkaleikinn.