Fjölgun í hópi heimsóknavina á Stöðvarfirði

23. okt. 2007

Haldið var heimsóknavinanámskeið á Stöðvarfirði á fimmtudaginn fyrir nýja sjálfboðaliða í heimsóknaþjónustu sem komu frá Stöðvarfirði og Egilsstöðum.

Heimsóknaþjónusta er eitt af öflugustu verkefnum Stöðvarfjarðardeildar Rauða krossins og eftir námskeiðið eru 11 starfandi heimsóknavinir á svæðinu.

Heimsóknavinir eru sjálfboðaliðar sem rjúfa einsemd og félagslega einangrun með heimsóknum og veita félagsskap með spjalli, göngutúrum, handavinnu, ökutúrum og margt fleira. Meiri hluti þeirra sem notfæra sér þjónustuna á Stöðvarfirði eru aldraðir.