12. apr. 2014 : Ungmennaþing 2014

Ungmennaþing Ungmennahreyfingar Rauða krossins fór vel fram í góða veðrinu í dag

25. mar. 2013 : Ungmennaþing

18. jan. 2013 : Margt spennandi á dagskrá Mórals

Dagskrá Mórals (13-16 ára ungmennastarf Mosfellsbæjardeildar) er nú komin á síðu ungmennastarfsins hérna.  Ýmislegt spennandi verður á dagskránni þessa önnina, skyndihjálparkennsla, hópaverkefni, heimsóknir, þátttaka í Evrópuviku gegn kynþáttamisrétti og margt fleira. 

Ungmennastarfið er öllum opið og kostar ekkert.  Leiðbeinendur eru allir sjálfboðaliðar og hafa tekið þátt í ungmennastarfi deildarinnar í mörg ár.  Allt ungmennastarf Rauða krossins fylgir Barnaverndarreglum félagsins sem má finna hérna.

Nánari upplýsingar um Móral og ungmennastarf Mosfellsbæjardeildar má fá í síma 564-6035 og netfangi moso@redcross.is

18. jan. 2013 : Margt spennandi á dagskrá Mórals

Dagskrá Mórals (13-16 ára ungmennastarf Mosfellsbæjardeildar) er nú komin á síðu ungmennastarfsins hérna.  Ýmislegt spennandi verður á dagskránni þessa önnina, skyndihjálparkennsla, hópaverkefni, heimsóknir, þátttaka í Evrópuviku gegn kynþáttamisrétti og margt fleira. 

Ungmennastarfið er öllum opið og kostar ekkert.  Leiðbeinendur eru allir sjálfboðaliðar og hafa tekið þátt í ungmennastarfi deildarinnar í mörg ár.  Allt ungmennastarf Rauða krossins fylgir Barnaverndarreglum félagsins sem má finna hérna.

Nánari upplýsingar um Móral og ungmennastarf Mosfellsbæjardeildar má fá í síma 564-6035 og netfangi moso@redcross.is

2. nóv. 2012 : Halloween partý Mórals

Á mánudag var Halloween partý hjá Móral - 13-16 ára ungmennastarfi Rauða krossins í Mosfellsbæ.  Búið var að breyta Rauðakrosshúsinu í Hryllingshús,  allir mættu í búningum og að sjálfsögðu voru hrollvekjandi veitingar í boði.  

1. okt. 2012 : Hrefna og Signý í alþjóðlegum vinabúðum í Austurríki

Þær Hrefna Björk Aronsdóttir og Signý Björg Valgarðsdóttir lögðu land undir fót í sumar og tóku þátt í alþjóðlegum vinabúðum í Langenlois á vegum austurríska Rauða krossins.  Þangað mættu um 50 ungmenni frá 17 löndum víðsvegar úr heiminum til að fræðast um fjölmenningu, fordóma, mannréttindi og mikilvægi friðar heima og heiman.

30. ágú. 2012 : Ungmennastarfið í Mosfellsbæ byrjar aftur 3. september

Vetrarstarf Mórals hefst 3. september.  Í Móral hittast 13-16 ára ungmenni einu sinni í viku og fræðast um Rauða krossinn og vinna ýmis skemmtileg verkefni því tengdu.  Margt spennandi er á döfinni í vetur og er dagskrá haustannarinnar komin inn á síðu Mórals hérna.  Krakkarnir ætla m.a. að fræðast um skyndihjálp, flóttamenn og alnæmi, auk þess að taka þátt í landssöfnuninni Göngum til góðs, læra að búa til ís og brjóstsykur.

30. ágú. 2012 : Ungmennastarfið í Mosfellsbæ byrjar aftur 3. september

Vetrarstarf Mórals hefst 3. september.  Í Móral hittast 13-16 ára ungmenni einu sinni í viku og fræðast um Rauða krossinn og vinna ýmis skemmtileg verkefni því tengdu.  Margt spennandi er á döfinni í vetur og er dagskrá haustannarinnar komin inn á síðu Mórals hérna.  Krakkarnir ætla m.a. að fræðast um skyndihjálp, flóttamenn og alnæmi, auk þess að taka þátt í landssöfnuninni Göngum til góðs, læra að búa til ís og brjóstsykur.

14. jún. 2012 : Garmarnir gefa gömlum flíkum nýtt líf

Verslanir Rauða krossins á höfuðborgarsvæðinu munu vera í samstarfi með tveimur ungum listakonum í sumar.

Rakel Jónsdóttir fatahönnunarnemi og Þyri Huld Árnadóttir dansari standa fyrir verkefni sem þær kalla Garmarnir. Þessar ungu konur fengu styrk frá Hinu húsinutil að vinna skapandi störf í sumar.

21. maí 2012 : Óvissuferð Mórals

Í síðustu viku fór Mórall - ungmennastarf Kjósarsýsludeildar - í óvissuferð.  Krakkarnir mættu spenntir með svefnpokana sína í Þverholtið og voru ekki alveg viss hvort gista ætti í Rauðakrosshúsinu eða fara eitthvað út fyrir bæinn.  Þegar hópnum var smalað upp í bílana voru þau samt nokkuð viss um að förinni væri heitið eitthvað út á land - sem reyndist svo auðvitað rétt hjá þeim.  Brunað var vestur í Búðardal þar sem Rauðakross deildin tók vel á móti hópnum. 

11. maí 2012 : Skyndihjálparkennsla hjá Móral

Mórall - ungmennahópur Kjósarsýsludeildar - fékk góða heimsókn nú í vikunni þegar sjálfboðaliðar úr Skímu, skyndihjálparhóp RKÍ, komu á fund hjá þeim.  Krakkarnir fræddust um endurlífgun, eitranir og ýmislegt fleira.  Allir fengu að æfa blástursaðferðina og að setja slasaðan einstakling í læsta hliðarlegu.  Það var gaman að sjá hvað krakkarnir tóku virkan þátt í kennslunni og spurðu margra góðra spurninga sem Skíma svaraði eftir föngum.

11. maí 2012 : Skyndihjálparkennsla hjá Móral

Mórall - ungmennahópur Kjósarsýsludeildar - fékk góða heimsókn nú í vikunni þegar sjálfboðaliðar úr Skímu, skyndihjálparhóp RKÍ, komu á fund hjá þeim.  Krakkarnir fræddust um endurlífgun, eitranir og ýmislegt fleira.  Allir fengu að æfa blástursaðferðina og að setja slasaðan einstakling í læsta hliðarlegu.  Það var gaman að sjá hvað krakkarnir tóku virkan þátt í kennslunni og spurðu margra góðra spurninga sem Skíma svaraði eftir föngum.

1. mar. 2012 : Ný stjórn URKÍ-Kjós

Aðalfundur ungmennadeildar Kjósarsýsludeildar (URKÍ-Kjós) var haldinn á þriðjudag.  Eftir öll venjuleg aðalfundarstörf voru markmið árisins 2012 rædd og er margt spennandi á döfinni hjá hópnum.  Ungmennadeildin var stofnuð í mars 2010 og gegndi Ágústa Ósk Aronsdóttir formennsku fyrstu tvö árin. Nýr formaður er Arnar Benjamín Kristjánsson, en aðrir stjórnarmenn eru:  Sturla Friðriksson ritari, Hilmar Loftsson gjaldkeri, Þrúður Kristjánsdóttir varaformaður og Hekla Sigurðardóttir sem vantar á myndina.

8. feb. 2012 : Around the world with art

1. feb. 2012 : Eldhugastarf í félagsmiðstöðvum Kópavogs

Hópur ungra sjálfboðaliða Kópavogsdeildar hefur tekið að sér umsjón með kynningarstarfi Eldhuga í félagsmiðstöðvum bæjarins. Hópurinn hefur undirbúið sig vel og samanstendur af sjálfboðaliðum deildarinnar sem sumir hverjir hafa tekið þátt í starfinu frá unga aldri.

3. jan. 2012 : Yngri heimsækja eldri

Krakkarnir í ungmennastarfi Hafnarfjarðardeildarinnar útbjuggu í desember jólakort sem þau fóru og afhentu heimilisfólki á hjúkrunarheimilinu Sólvangi 22. desember og var mörgu heimilisfólkinu brugðið og vildu endilega fá að greiða fyrir kortin. En það er ekki það sem krakkarnir óska eftir því þau gera þetta einungis til gjafa.  Verkefnið er til að brúa bil á milli þessara aldurshópa og gefa krökkunum tækifæri á að umgangast þennan aldurshóp.

URKÍ-H félagar í 5-7.bekk(10-12 ára) hittast á fimmtudögum kl. 15:30-17:00, 8.-10.bekk (13-15 ára)  á fimmtudögum kl. 17:30-19:00 og 16 ára og eldri fimmtudögum kl. 19-21.

Hóparnir hittast vikulega yfir skólamánuðina í Sjálfboðamiðstöðinni að Strandgötu 24 Hafnarfirði og gera ýmislegt skemmtilegt s.s. halda spilakvöld, videokvöld, fræðast um mannúðarmál og framandi menningarheima, safna fyrir hjálparstarf og margt fleira. 

Starfið hefst aftur þann12.janúar og er unga fólkinu að kostnaðarlausu.

3. jan. 2012 : Yngri heimsækja eldri

Krakkarnir í ungmennastarfi Hafnarfjarðardeildarinnar útbjuggu í desember jólakort sem þau fóru og afhentu heimilisfólki á hjúkrunarheimilinu Sólvangi 22. desember og var mörgu heimilisfólkinu brugðið og vildu endilega fá að greiða fyrir kortin. En það er ekki það sem krakkarnir óska eftir því þau gera þetta einungis til gjafa.  Verkefnið er til að brúa bil á milli þessara aldurshópa og gefa krökkunum tækifæri á að umgangast þennan aldurshóp.

URKÍ-H félagar í 5-7.bekk(10-12 ára) hittast á fimmtudögum kl. 15:30-17:00, 8.-10.bekk (13-15 ára)  á fimmtudögum kl. 17:30-19:00 og 16 ára og eldri fimmtudögum kl. 19-21.

Hóparnir hittast vikulega yfir skólamánuðina í Sjálfboðamiðstöðinni að Strandgötu 24 Hafnarfirði og gera ýmislegt skemmtilegt s.s. halda spilakvöld, videokvöld, fræðast um mannúðarmál og framandi menningarheima, safna fyrir hjálparstarf og margt fleira. 

Starfið hefst aftur þann12.janúar og er unga fólkinu að kostnaðarlausu.

22. des. 2011 : Leikskólin Norðurberg í Hafnarfirði styrkir tombólusjóðinn

Börnin í Leikskólanum Norðurberg í Hafnarfirði hafa nú í 11 ár safnað flöskum á ferðum sínum með í leikskólanum og tekið svo loka hnykkin með því að biðja foreldra sína að styrkja verkefnið með því að gefa flöskur í desember og færa tombólusjóði Rauða krossins afraksurinn.  En sjóðurinn hjálpar börnum sem eiga um sárt að binda og fer þessi peningur til barna í Sómalíu. 

Í ár söfnuðu krakkarnir 24.221 kr. og þakkar Rauði krossinn þeim kærlega fyrir sitt framlag.

19. des. 2011 : Fjáröflun ungmennastarfins í Hafnarfjarðardeild til barna í Sómalíu

Krakkarnir í 13-16 ára ungmennastarfinu í Hafnarfjarðardeildinni setu upp jólakaffi og buðu gestum og gangandi upp á að kaupa kakó, kaffi og meðlæti á laugardaginn.  Með þessu verkefni vildu þau styrkja hjálparsjóðinn börn hjálpa börnum og styðja við bakið á börnum í Sómalíu.

Krakkarnir leituðu eftir styrkjum frá fyrirtækjum í bænum og fengu úthlutað því sem þau seldu og söfnuðu þau 43.967 kr. 

Ungmennahreyfing Rauða Kross Íslands Hafnarfirði er félagsskapur krakka sem vilja vinna að mannúðar- og mannréttindarmálum í bland við að skemmta sér saman. Starfið er ætlað öllum 10 ára og eldri og er skipt í hópa eftir aldri.

URKÍ-H félagar í 5-7.bekk(10-12 ára) hittast á fimmtudögum kl. 15:30-17:00, 8.-10.bekk (13-15 ára)  á fimmtudögum kl. 17:30-19:00 og 16 ára og eldri fimmtudögum kl. 19-21.

Hóparnir hittast í Sjálfboðamiðstöðinni að Strandgötu 24 og gera ýmislegt skemmtilegt s.s. halda spilakvöld, videokvöld, fræðast um mannúðarmál og framandi menningarheima, safna fyrir hjálparstarf og margt fleira. 

Starfið hefst á nýju ári þann12.janúar og er unga fólkinu að kostnaðarlausu.

15. des. 2011 : Enter- og Eldhugastarfi haustsins lýkur hjá Kópavogsdeild

Krakkarnir í Enter, starfi fyrir unga innflytjendur í Kópavogi, og Eldhugar, starfi Kópavogsdeildar fyrir unglinga af íslenskum og erlendum uppruna, ljúka samverum sínum í þessari viku.

29. nóv. 2011 : Brjóstsykurgerð hjá Móral

Það var sætur fundur hjá Móral í gær, en þá bjuggu krakkarnir til marglitan og ljúffengan brjóstsykur.  Af mikilli hugulsemi skildu krakkarnir nokkra brjóstsykra eftir fyrir gesti Rauðakrosshússins og voru þeir bruddir með ánægju hér í morgun.

6. nóv. 2011 : Halloween partý hjá Móral

Mikið fjör var á síðasta fundi Mórals, ungmennastarfs Kjósarsýsludeildar, en þá var haldið Halloween partý. Mórall er hópur krakka 13-16 ára sem hittist alla mánudaga kl. 19:30 í Þverholti 7.   Fleiri myndir má finna á Facebooksíðu deildarinnar hérna.   Í Móral fræðast krakkarnir um Rauða krossinn, vinna verkefni tengd hugsjónum og starfi Rauða krossins um allan heim, fara í ferðir og hitta aðrar ungmennadeildir.  Það kostar ekkert að vera með okkur.  Komdu og kíktu ef þú þorir....

25. ágú. 2011 : Viðtal við sjálfboðaliða: Íris Sigurðardóttir

Íris Sigurðardóttir er ungur sjálfboðaliði hjá Kópavogsdeildinni sem sinnir sjálfboðnu starfi í verkefninu Viltu tala meiri íslensku? Hún, ásamt fleiri sjálfboðaliðum, sér um vikulegar samverur þar sem íslenskir sjálfboðaliðar hitta fólk af erlendum uppruna sem vill æfa sig í að tala íslensku. Markmiðið er að gefa þeim sem vilja læra meiri íslensku tækifæri til að nota málið og auka við orðaforða sinn.

Íris hafði lengi hugsað um að gerast sjálfboðaliði og gera gagn. Hún segir: „Maður getur alltaf fundið tíma til að gera eitthvað sem gerir öðrum gott og þá fer manni sjálfum líka að líða betur.“ Hún segist hafa kynnst yndislegu fólki sem býr yfir ótrúlegum krafti og metnaði og hún dáist að því. Það er hvatning fyrir hana að sjá hvað fólk getur lagt mikið á sig til að ná markmiðum sínum.

25. ágú. 2011 : Sjálfboðaliði vikunnar

Fyrir fimm árum síðan kom ung stúlka á kynningu um starf fyrir ungt fólk hjá Rauða krossinum. Hún ætlaði að kíkja við og kanna hvað þarna væri á ferðinni en hefur allt frá þeim degi verið á fullu í Rauðakross starfi með Hafnarfjarðardeildinni. Við tókum Örnu Bergrúnu Garðarsdóttur tali til að kanna hvað það er sem heillar hana við sjálfboðaliðastörfin hjá Rauða krossinum.

Í hvaða verkefni ertu og í hverju felst það?
Ég hef að mestu verið að starfa í kringum Ungmennastarfið. Þar á meðal vetrarstarf-, sumarbúðir- og nefndir innan URKÍ. Er varamaður í stjórn hjá Hafnarfjarðardeild og hef einnig verið að starfa við verkefnið „Á Flótta“ þar sem ungmenni fara í hlutverkaleik byggðan á því að öðlast meiri skilning á lífi flóttafólks úti í heimi.

Hversu oft sinnirðu sjálfboðastarfi?
Ætli það sé ekki svona 2-3 í viku yfir veturinn.

Hversu lengi ertu búin að starfa í sjálfboðastarfi?
Síðan 2006.

Hvað gefur það þér að vera sjálfboðaliði?
Ég hef fengið að kynnast svo mörgum mismunandi hlutum síðan ég byrjaði sem er auðvitað frábært, að gefa af sér er bara æðisleg tilfinning en fyrst og fremst er það svo gríðarlega skemmtilegt.

Myndir þú mæla með sjálfboðastörfum við vin?
Hef oft gert það og mun auðvitað bara halda því áfram. Þetta er svo skemmtilegt, gefandi og frábær upplifun.

Ef þú vilt gerast sjálfboðaliði hjá Hafnarfjarðardeild Rauða krossins hafðu samband í síma 565-1222 eða sendu okkur póst á hafnarfjordur@redcross.is

14. júl. 2011 : Best er að sigra heiminn með brosi

Segja palestínskir sjálfboðaliðar sem starfað hafa hér á landi um hríð. Greinin um Mumma og Nael birtist í Skessuhorni 6. júlí 2011.

11. júl. 2011 : Íslenskir sjálfboðaliðar á Formúlu 1

Þrír sjálfboðaliðar Rauða kross Íslands, Addý Ásgerður Einarsdóttir, Inga Birna Pálsdóttir og Viðar Arason, brugðu sér út fyrir landsteinana í vor og tóku þátt í sjúkragæsluteymi mónakóska Rauða krossins á Monte Carlo kappakstrinum.

Að mörgu er að huga fyrir stórt verkefni sem þetta og dagarnir voru nýttir frá morgni til kvölds í fundi og annan undirbúning þangað til kom að stóru stundinni.

Þremenningarnir fjármögnuðu ferðina sjálfir en Viðar sagði að þau Inga Birna unnusta hans litu á ferðina sem brúðkaupsferð. Þau munu ganga í hnapphelduna síðar í sumar.

5. júl. 2011 : Mannúð og menning tekin við af Gleðidögum

Gleðidögum lauk í síðustu viku hjá Kjósarsýsludeild Rauða krossins á fuglaskoðun með Úrsulu og æsispennandi bingói hjá Margréti Sigurmonsdóttur. Námskeiðið var einstaklega vel heppnað og þakkar deildin öllum leiðbeinendum kærlega fyrir þeirra framlag!

Krakkarnir kunnu vel að meta nærveru (h)eldri borgaranna, drukku í sig frásagnir þeirra og fróðleik og endurguldu með sögum úr eigin reynsluheimi.

Þó Gleðidögum sé lokið er enn líf og fjör í Rauðakrosshúsinu í Þverholti, því þessa vikuna eru 17 krakkar á aldrinum 10-12 ára á námskeiðinu Mannúð og menning. Þar fræðast þau um hugsjónir og starfsemi Rauða krossins í gegn um leik og skemmtileg verkefni.

1. júl. 2011 : Verkefni með ungu fólki eflast í deildum

Barna- og ungmennastarf er víða fastur liður í starfi deilda. Sérstökum ungmennadeildum hefur þó ekki fjölgað en nokkrar deildir bjóða hins vegar upp á afmörkuð verkefni sem eru sérstaklega ætluð ungmennum.

27. jún. 2011 : Rauða kross fræðsla í Vinnuskóla Húsavíkur

Nemendur Vinnuskóla Húsavíkur fengu heimsókn frá Rauða krossinum. Settur var upp fræðsludagur með sérhönnuðu námskeiði um fordóma sem nefnist Viðhorf og virðing en fyrst fengu krakkarnir fræðslu um starf Rauða krossins og hvernig og hvers vegna hann var stofnaður.

Eftir fræðslu um Rauða krossinn var farið í að ræða um fordóma út frá spurningunni: „hvaða afstöðu tökum við og af hverju?".  Rætt var um mikilvægi þess að taka afstöðu að vel yfirlögðu ráði því ekki er ævinlega allt sem sýnist. Þetta var gert með því að nemendur þurftu að leysa ýmis verkefni og koma sér saman um úrlausnir þannig að allir væru sáttir. Í leiknum já, nei, ég veit ekki er slegið fram ákveðnum fullyrðingum sem þátttakendur þurfa að taka afstöðu til.

24. jún. 2011 : Gaman á Gleðidögum

Námskeiðin Gleðidagar – hvað ungur nemur gamall temur – standa nú yfir. Fyrsta námskeið var haldið í Álftanesdeild í síðustu viku og þessa vikuna eru Gleðidagar í Kópavogi og Garðabæ. Námskeiðin eru ætluð börnum 7-12 ára og eru í samstarfi við Öldrunarráð Íslands. Eldri borgarar eru í hlutverki leiðbeinenda. Markmiðið er að tengja saman kynslóðir og miðla reynslu og þekkingu.

Krakkarnir á námskeiðinu í Kópavogi fóru í heimsókn á hjúkrunarheimilið Sunnuhlíð og lærðu um starfsemi þess. Þau prjóna og binda hnúta, fara á söfn, í leiki og njóta útiveru þegar veðrið er gott. Skyndihjálparleiðsögn er alla daga námskeiðsins.

Í næstu viku verða námskeið í Mosfellsbænum og annað í Kópavogi. Fullbókað er á þau námskeið. Enn er laust pláss hjá Grindavíkurdeild og Suðurnesjadeild. Hægt er að skrá þátttöku með því að smella á meira.

23. jún. 2011 : Skagastaðir fá viðurkenningu á Frumkvöðladegi Vesturlands

Skagastaðir, virknisetur fyrir unga atvinnuleitendur á Akranesi, var útnefnt í 2.-3 sæti sem Frumkvöðull Vesturlands 2010, á Frumkvöðladeginum þann 10. júní, og fengu í sinn hlut 250.000 krónur. Það eru samtök sveitarfélaga á Vesturlandi og Vaxtarsamningur Vesturlands sem standa árlega fyrir slíkum útnefningum.

Í mars 2010 voru Skagastaðir settir á laggirnar en tóku formlega til starfa í apríl sama ár. Þetta er samstarfsverkefni Akranesdeildar Rauða krossins, Vinnumálastofnunar Vesturlands og fjölskyldusviðs Akraneskaupstaðar. Markhópurinn eru einstaklingar á aldrinum 16-30 ára. Verkefnið fór í gang í kjölfar átaksverkefnis sem Félags- og tryggingamálaráðuneytið hóf í ársbyrjun 2010 undir nafninu „Ungt fólk til athafna“. Verkefnið felst í því að virkja og hvetja atvinnuleitendur til ýmissa verkefna.

22. jún. 2011 : Mannúð og menning byrjar á fullum krafti

Mannúð og menning, leikjanámskeið Rauða krossins í Reykjavík byrjaði 6. júní síðastliðinn. Fullt var á námskeiðið en hvert námskeið getur tekið á móti 50 börnum á aldrinum 7-12 ára. Börnin voru einstaklega glöð með dagskrána enda er hún fjölbreytt og lifandi en áhersla er lögð á Rauða kross fræðslu í gegnum skemmtilega leiki. Samtals verða haldin sjö námskeið í sumar en ennþá eru laus pláss á nokkur námskeið.

Skráning fer fram á vef Rauða krossins í Reykjavík.

3. jún. 2011 : Börn og umhverfi, sívinsælt námskeið fyrir börn

Nú stendur sem hæst kennsla á námskeiðunum Börn og umhverfi sem haldin eru af deildum Rauða krossins víðsvegar um landið. Hátt í 500 börn útskrifast árlega af þessum sívinsælu námskeiðum sem eru fyrir börn 12 ára og eldri sem gæta yngri barna.
 
Þátttakendur læra ýmislegt er varðar umgengni og framkomu við börn, aga, umönnun og hollar lífsvenjur, leiki og leikföng. Einnig er lögð áhersla á slysavarnir og algengar slysahættur í umhverfinu ásamt ítarlegri kennslu í skyndihjálp. Að auki fá þátttakendur innsýn í sögu og starf Rauða krossins.

3. jún. 2011 : Gaf fermingarpeninga til Malaví

Anna Rún Arnfríðardóttir, nemandi í 8. bekk Kópavogsskóla, kom færandi hendi til Kópavogsdeildar Rauða krossins með peningagjöf að upphæð 20.000 krónur. Upphæðin var hluti peninga sem hún fékk í fermingargjöf og vildi Anna Rún láta þessa fjárhæð renna til góðs. Hún óskaði eftir því að gjöfin rynni til alþjóðaverkefna en hún tók þátt í að ganga til góðs síðastliðið haust og vildi að styrkurinn rynni í sama málstað.

Styrkurinn verður því nýttur í starf Rauða kross Íslands í Malaví en þar hefur félagið unnið með malavíska Rauða krossinum síðan 2002. Mikill árangur hefur náðst í starfi Rauða kross í Malaví í þau ár sem samvinnan hefur staðið og má til að mynda nefna að árið 2009 nutu um 3.600 börn aðstoðar og fengu tækifæri til að sækja skóla ásamt því að fá fæði og klæði og félagslegan stuðning.

19. maí 2011 : Nemendur í Lindaskóla láta gott af sér leiða

Á dögunum afhentu Eyþór Hafliðason gjaldkeri nemendafélags Lindaskóla í Kópavogi og Gunnsteinn Sigurðsson skólastjóri skólans fulltrúum Rauða krossins 123.000 krónur. Peningarnir eru afrakstur fjáröflunar sem nemendur unglingadeildarinnar stóðu fyrir á þemadögum fyrir skemmstu. Þá höfðu nemendur ákveðið í sameiningu að ágóðinn rynni til Rauða krossins til hjálpar bágstöddum í Japan.

Þórir Guðmundsson, sviðsstjóri alþjóðamála Rauða kross Íslands og Hrafnhildur Helgadóttir, verkefnastjóri ungmenna og alþjóðamála Kópavogsdeildar veittu framlaginu viðtöku, þökkuðu skólanum og nemendum fyrir frábært framlag, auk þess sem þau gerðu grein fyrir þeim verkefnum sem Rauði krossinn vinnur að í Japan. 

Kópavogsdeild þakkar Lindaskóla fyrir frábært framtak og þann góða hug sem þar ríkir.

 

12. maí 2011 : Krakkarnir í Enter hafa í ýmsu að snúast

Krakkarnir sem starfa með Kópavogsdeild Rauða krossins í verkefninu Enter hafa að undanförnu aðhafst ýmislegt skemmtilegt. Meðal annars fengu þau góða heimsókn frá Birte Harksen tónlistarkennara sem kenndi börnunum lög sem vöktu mikla athygli og lukku. Uppruni laganna var frá ýmsum löndum og meðal annars frá þeirra fæðingarlöndum. Krakkarnir lögðu nýlega leið sína í Þjóðminjasafnið. Vel var tekið á mót þeim, margt að skoða og farið var í leiki. Á næstkomandi laugardag verður farið með hópinn í hina árlegu vorferð þar sem börnin fá að fara á hestbak og leiki úti í náttúrunni.

4. maí 2011 : Mórall kynnir Rauða krossinn fyrir Lionsklúbbnum Úu

Nokkrar stelpur úr Móral, ungmennastarfi Kjósarsýsludeildar, héldu kynningu á Rauða krossinum og ungmennastarfi deildarinnar fyrir Lionskonur í klúbbnum Úu sem hélt aðalfund sinn í húsnæði deildarinnar. Sögðu þær frá verkefnum ársins og hvað framundan er hjá þeim.

Það hefur verið nóg að gera í ár hjá krökkunum í Móral. Þau hafa fræðst um Rauða krossinn og verkefni hans innanlands sem utan og tekið þátt í sameiginlegum uppákomum og ferðum með krökkum í ungmennastarfi Rauða krossins á höfuðborgarsvæðinu. Þau skipulögðu og héldu jólamarkað þar sem allur ágóðinn, 60.000 krónur, rann í jólaaðstoð deildarinnar. Ýmislegt er framundan hjá krökkunum, eins og skyndihjálparnámskeið og heimsókn í Fataflokkun Rauða krossins.

29. apr. 2011 : Ungmennin í Hafnarfjarðardeild brugðu sér í leikhús

Krakkarnir í ungmennastarfinu hjá Hafnarfjarðardeild fjölmenntu í Gaflaraleikhúsið í gær og sáu hina bráðskemmtilegu sýningu Fúsa Froskagleypi.

Það er mikið framundan hjá ungmennunum í maí mánuði. Farin verður óvissuferð með ungmennastarfi Kópavogsdeildar, haldin leiklistarskemmtun með leikkonunni Önnu Brynju Baldursdóttir og sameiginlegur hittingur allra krakkanna á höfuðborgarsvæðinu.

Krakkarnir í Hafnarfirði hittast á fimmtudögum kl 17:30-19:00 og eru allir velkomnir að taka þátt. Hægt er að mæta á staðinn en allar nánari upplýsingar er hægt að fá hjá starfsmönnum deildarinnar í 565 122 eða hafnarfjordur@redcross.is.

29. apr. 2011 : Ungmennin í Hafnarfjarðardeild brugðu sér í leikhús

Krakkarnir í ungmennastarfinu hjá Hafnarfjarðardeild fjölmenntu í Gaflaraleikhúsið í gær og sáu hina bráðskemmtilegu sýningu Fúsa Froskagleypi.

Það er mikið framundan hjá ungmennunum í maí mánuði. Farin verður óvissuferð með ungmennastarfi Kópavogsdeildar, haldin leiklistarskemmtun með leikkonunni Önnu Brynju Baldursdóttir og sameiginlegur hittingur allra krakkanna á höfuðborgarsvæðinu.

Krakkarnir í Hafnarfirði hittast á fimmtudögum kl 17:30-19:00 og eru allir velkomnir að taka þátt. Hægt er að mæta á staðinn en allar nánari upplýsingar er hægt að fá hjá starfsmönnum deildarinnar í 565 122 eða hafnarfjordur@redcross.is.

19. apr. 2011 : Sumarnámskeið fyrir börn

Rauði krossinn stendur fyrir fjölbreyttum sumarnámskeiðum fyrir börn eins og undanfarin sumur. Um er að ræða námskeiðin Börn og umhverfi, Mannúð og menning og Gleðidaga. 

Börn og umhverfi er námskeið fyrir börn fædd 1999 eða fyrr. Farið er í ýmsa þætti sem varða umgengni og framkomu við börn. Rætt er um árangursrík samskipti, aga, umönnun og hollar lífsvenjur, leiki og leikföng. Lögð er áhersla á umfjöllun um slysavarnir og algengar slysahættur í umhverfinu ásamt ítarlegri kennslu í skyndihjálp. Að auki fá þátttakendur innsýn í sögu og starf Rauða krossins.

15. apr. 2011 : Sumarbúðir URKÍ

Sumarbúðir Ungmennahreyfingar Rauða krossins, Mannréttindi og hjálparstarf, verða haldnar í ágúst 2011 í Alviðru í Ölfusi. Búðirnar eru fyrir unglinga á aldrinum 12-16 ára

Þátttökugjald er 18.000 krónur. 

Skráning og nánari upplýsingar hér

12. apr. 2011 : Sömdu lag og sungu til styrktar Japan

Sjö músíkalskar stúlkur úr 5. og 6. bekk Hamraskóla í Grafarvogi komu syngjandi á landsskrifstofu Rauða krossins með 34.000 krónur sem þær söfnuðu til að styrkja fórnarlömb hamfaranna í Japan.

Fjárhæðina unnu þær sér inn með því að syngja lag, sem þær sömdu sjálfar, fyrir fólk gegn frjálsum framlögum. Umhyggjusemi stúlknanna skilar sér vel í textanum við lagið:

11. apr. 2011 : Menntaskólanemi gefur Rauða krossinum 50.000 krónur í nafni kærustunnar

Hjalti Hilmarsson, menntaskólanemi í Garðabæ, kom kærustu sinni, Kristrúnu Höllu Helgadóttur, skemmtilega á óvart þegar hann gaf 50.000 krónur til Japanssöfnunar Rauða krossins í hennar nafni.

Hjalti segir að Kristrún Halla sé mikil áhugamanneskja um Japan og allt sem japanskt er. Hann var með féð á sérstökum reikningi og hafði hugsað sér að gleðja hana á einhvern hátt. Þegar til átti að taka fannst honum best að styðja þolendur jarðskjálfta og flóða í Japan í hennar nafni.

Þórir Guðmundsson sviðsstjóri alþjóðasviðs Rauða krossins veitti gjöfinni viðtöku og þakkaði Hjalta fyrir óeigingjarnt framlag. Það verður nýtt til að styðja þá sem urðu fyrir miklum búsifjum á hamfarasvæðinum.

6. apr. 2011 : Frá kjörnefnd URKÍ

Kæru félagar Kjörnefnd Ungmennahreyfingar Rauða kross Íslands auglýsir eftir framboðum til stjórnar URKÍ 2011-2012. Stjórn hreyfingarinnar er kjörin á árlegum landsfundi samkvæmt starfsreglum. Landsfundur URKÍ fyrir starfsárið 2010-2011 verður haldinn n.k. laugardag. Fundurinn verður haldinn á landsskrifstofu Rauða krossins í Efstaleiti 9 og hefst kl. 13. Á komandi landsfundi verður kosið í stöður allra stjórnarmanna til eins árs auk embættis formanns til tveggja ára. Áhugasömum er bent á að senda inn framboð til starfsmanns kjörnefndar á netfangið jon@redcross.is en auk þess verður hægt að bjóða sig fram á fundinum sjálfum. Kjörnefnd hvetur alla áhugasama til að senda inn framboð. Ekki hika við að hafa samband við starfsmann nefndarinnar ef einhverjar spurningar vakna. Með góðri kveðju, Kjörnefnd URKÍ.

31. mar. 2011 : Ungir heimsóknavinir

Ungir heimsóknavinir er verkefni sem Kjósarsýsludeild Rauða krossins vinnur í samstarfi við Lágafellsskóla, Varmárskóla og dvalarheimilið Hlaðhamra. Sjálfboðaliði deildarinnar sækir krakkana í skólann og fylgir þeim á Hlaðhamra þar sem þau fá að skoða aðstöðuna og spjalla við heimilismenn. 

Á dögunum fóru sex krakkar úr sjöunda bekk Lágafellsskóla í heimsókn á Hlaðhamra. Ekkert þeirra hafði komið þangað áður og kom það þeim mjög á óvart hve margt spennandi var þar í boði. Glervinnsla var í fullum gangi, en það var ekkert síðra að skoða mannlausan líkamsræktarsalinn og bókbandsherbergið. 

30. mar. 2011 : Plúsinn afhendir styrk til Haítí

Sæunn Gísladóttir og Anna María Guðmundsdóttir fóru fyrir hópi sjálfboðaliða úr starfi Plússins, ungmennastarfi Kópavogsdeildar, og afhentu Þóri Guðmundssyni sviðsstjóra alþjóðasviðs og Sólveigu Ólafsdóttur sviðsstjóra útbreiðslusviðs, hátt í fimmtíu þúsund krónur sem söfnuðust á fatamarkaði hópsins þann 19. mars síðastliðinn.

Peningurinn verður nýttur til að styðja við börn á Haítí sem enn eiga um sárt að binda vegna jarðskjálftans sem reið yfir landið fyrir rúmu ári. Samanlagt hefur þá Plúsinn styrkt það verkefni um vel yfir hundrað þúsund krónur en þau lögðu einnig ágóða af markaði sínum á síðasta ári í sama verkefni.

9. mar. 2011 : Mummi og Nael frá Palestínu hitta börn á Vestfjörðum

Rauðakrossdeildin í V.-Barðastrandarsýslu fékk til sín góða gesti í síðustu viku, þá Mohammed Nazer og Nael Rajabi frá Palestínu. Þeir eru 25 ára og hafa starfað sem sjálfboðaliðar í Rauða hálfmánanum í 12 ár í sínu heimalandi, m.a. sem sjúkraflutningamenn. 

Mummi og Nael, eins og þeir eru kallaðir, eru einnig hluti af sex manna trúðahópi sem fer um Palestínu  á vegum Rauða hálfmánans og heimsækir skóla og munaðarleysingjaheimili og skemmta börnum. Hæfileikar þeirra fengu að njóta sín á íþróttamóti sem haldið var á Tálknafirði því þeir tróðu upp sem trúðar fyrir 5.-7. bekk allra skólanna á svæðinu. Vöktu þeir mikla hrifningu og aðdáun áhorfenda.

7. mar. 2011 : Rauði krossinn naut góðvildar leikskólabarnanna á Brákarborg á Góðverkadögum

Þau eru umhyggjusöm börnin á leikskólanum Brákarborg. Því fékk Rauði krossinn að kynnast þegar þau tóku þátt í Góðverkadögum skátahreyfingarinnar sem haldnir voru í síðasta mánuði. Börnin komu færandi hendi til Rauða krossins í dag og afhentu fatnað og leikföng sem þau söfnuðu og vilja að bágstödd börn njóti.

Börnin á Brákarborg eru ekki alveg ókunnug Rauða krossinum því fingurbrúðan Hjálpfús lítur reglulega til þeirra og segir þeim frá öllu því áhugaverða sem Rauði krossinn er að gera. Krakkarnir eiga líka DVD myndina um hann Hjálpfús frá því hann var margt skemmtilegt að bralla í Stundinni okkar.

3. mar. 2011 : Ný stjórn URKÍ-Kjós

Aðalfundur Ungmennadeildar Kjósarsýsludeildar RKÍ (URKÍ-Kjós) var haldinn í gær. Ár er liðið síðan deildin var stofnuð, en megin markmið hennar er að skipuleggja og stýra ungmennastarfi innan Kjósarsýsludeildar.

Helstu verkefni síðasta árs voru:
- Mórall, ungmennahópur fyrir 13-16 ára
- Sameiginlegir viðburðir með öðrum deildum höfuðborgarsvæðisins
- Sumarnámskeið fyrir 7-12 ára börn
- Kynningar í grunnskólum og framhaldsskólum
- Heimanámsaðstoð

2. mar. 2011 : Föt sem framlag í ungmennastarfinu

Í ungmennastarfi Hafnarfjarðardeildar taka krakkarnir sér ýmislegt fyrir hendur. Nýverið fræddust þau um verkefni Rauða krossins, Föt sem framlag þar sem sjálfboðaliðar á öllum aldri hanna, prjóna og sauma fatnað. Þar eru búnar til peysur, húfur, buxur, teppi, sokkar og vettlingar. Með varningnum eru búnir til ungbarnapakkar fyrri börn 0-12 mánaða sem sendir eru til þróunar- og neyðaraðstoðar erlendis t.d til Malaví og Gambíu sem og Hvíta Rússlands. Krakkarnir  horfðu á myndband um verkefnið, undirbúning og afhendingu ungbarnapakkanna í Hvíta Rússlandi.

Og börnin létu ekki á sér standa og tóku í prjónana til þess að framleiða eitthvað sem gæti komið sér vel í pökkunum.

19. jan. 2011 : Ungt fólk til athafna - fyrir unga fólkið og framtíðina!

Með átakinu Ungt fólk til athafna er markmiðið að aldrei skuli líða meira en þrír mánuðir frá því að einstaklingur á aldrinum 16-29 ára verður atvinnulaus þar til honum er boðið starf, námstækifæri, starfsþjálfun eða þátttaka í öðrum verkefnum.

19. jan. 2011 : Kópavogsdeild í enn frekara samstarf við Menntaskólann í Hamrahlíð

Menntaskólinn við Hamrahlíð óskaði eftir enn frekara samstarfi við Kópavogsdeild Rauða krossins á nýju ári en deildin hefur átt í farsælu samstarfi við skólann með margvíslegum hætti undanfarin ár. Að þessu sinni felst samstarfið í því að 28 nemar á undirbúningsnámskeiði fyrir IB–braut munu fá innsýn inn í starf sjálfboðaliðans með því að taka þátt í ýmsum verkefnum. IB–braut  stendur fyrir International Baccalaureate en það er alþjóðleg námsbraut til stúdentsprófs þar sem nær allt námið fer fram á ensku en sjálfboðið starf er einnig hluti námsins.

17. jan. 2011 : Nýir leiðbeinendur í hlutverkaleiknum Á flótta

Á flótta er hlutverkaleikur fyrir 13 ára og eldri, sem gefur fólki tækifæri til að upplifa í 24 klukkutíma hvað það er að vera flóttamaður. Í stuttu máli er ætlunin að gefa fólki raunsanna upplifun af því hvað það er að vera flóttamaður.

Um síðustu helgi var haldið námskeið á Reyðarfirði til að þjálfa leiðbeinendur fyrir leikinn. Farið var yfir alla þætti og unnin hópavinna eftir nýuppfærðu námsefni. Alls tóku 11 ungmenni víðs vegar af Austurlandi þátt sem eru nú færir um að setja upp hlutverkaleikinn.

30. des. 2010 : Sjálfboðaliðar úr Menntaskólanum í Kópavogi tóku á móti viðurkenningu fyrir vel unnin störf

Nemendur í Menntaskólanum í Kópavogi í áfanganum SJÁ 102 fengu viðurkenningu fyrir vel unnin sjálfboðaliðastörf. Á síðustu önn útskrifuðust 14 nemendur úr áfanganum en hann er samstarfsverkefni Kópavogsdeildar og Menntaskólans í Kópavogi.

Meðal verkefna sem nemendur unnu að voru störf í Dvöl, athvarfi fyrir fólk með geðraskanir, störf í Rjóðrinu, hvíldarheimili fyrir langveik börn, félagsstarf með 13-16 ára ungmennum af íslenskum og erlendum uppruna, vinna með innflytjendum á aldrinum 9-12 ára og aðstoð við jafningja með það að markmiði að liðsinna við nám og rjúfa félagslega einangrun. Þar að auki sátu þeir grunnnámskeið Rauða krossins þar sem þeir lærðu um upphaf, sögu, hugsjónir og verkefni hreyfingarinnar. Þeir héldu einnig dagbók um störf sín og lokaverkefni þeirra var að sjá um handverksmarkað í Rauðakrosshúsinu sem haldinn var 20. nóvember síðastliðinn og þar söfnuðust 300 þúsund krónur sem runnu til styrktar verkefnum innanlands.

29. des. 2010 : Ungir Hafnfirðingar láta sig mannúðarmálin varða

Börnin á leikskólanum Norðurbergi í Hafnarfirði hafa um árabil styrkt hjálparstarf Rauða krossins. Það gera þau með því að safna dósum og flöskum sem þau tína í göngutúrum sínum í nágrenninu og eitthvað kemur heiman að frá. Þau heimsóttu Hafnarfjarðardeildina fyrir skömmu og sungu nokkur lög fyrir starfsfólkið sem skemmti sér vel.

Alls söfnuðu börnin á Norðurbergi samtals 21.043 krónum í ár. Peningarnir fara í sjóð „tombólubarna“ sem er notaður til að kaupa skólavörur fyrir börnin á Haítí sem eiga um sárt að binda eftir hamfarirnar.

17. des. 2010 : Margt og mikið að gerast hjá Móral

Krakkarnir í Móral, ungmennastarfi Kjósarsýsludeildar Rauða krossins, héldu jólamarkað í Álafosskvosinni nú í desember. Til sölu voru fjölbreyttar og fallegar prjónavörur frá sjálfboðaliðum og velunnurum deildarinnar og ilmandi heimagerður brjóstsykur sem krakkarnir höfðu útbúið.

Ágóði markaðsins var 50.000 krónur og rennur hann í jólaúthlutun Kjósarsýsludeildar

Mórall er hópur krakka 13-16 ára sem hittist alla mánudaga kl. 20 í Þverholti 7.

Krakkarnir fræðast um Rauða krossinn, vinna verkefni tengd hugsjónum og starfi Rauða krossins um allan heim, fara í ferðir og hitta aðrar ungmennadeildir. Það kostar ekkert að vera með. Komdu og kíktu ef þú þorir....

15. des. 2010 : Börn og unglingar úr Gufunesbæ afhenda ágóða af jólamarkaði

Börn og unglingar í frístundaheimilum, frístundaklúbbi og félagsmiðstöðvum afhentu fulltrúum Rauða krossins ágóða af jólamarkaði sem haldinn var í Hlöðunni við Gufunesbæinn 2. desember s.l. Seld voru jólakort, jólasmákökur, brjóstsykur, fímó-skart, perlumyndir og margt fleira sem börn og unglingar höfðu útbúið í sameiningu.

Í Geiralundi við Gufunesbæinn var hægt að gæða sér á kakói, sykurpúðum og piparkökum gegn vægu gjaldi.

Fjöldi fólks lagði leið sína í Hlöðuna og í Geiralund þennan dag og lagði um leið góðu málefni lið en alls söfnuðust rúmar 75 þúsund krónur sem renna til styrktar barnaheimilum í Malaví.

5. des. 2010 : Kveðja til sjálfboðaliða

Kæru URKÍ félagar

Við sendum ykkur kærar kveðjur í tilefni alþjóðadags sjálfboðaliðans sem haldinn er hátíðlegur um allan heim í dag, 5. desember. Að þessu tilefni viljum við þakka ykkur öllum fyrir vel unnin störf í þágu URKÍ sem og Rauða krossins í heild. Með von um áframhaldandi gott samstarf.

Fyrir hönd stjórnar URKÍ,
Ágústa Ósk Aronsdóttir, formaður
Gunnlaugur Bragi Björnsson, varaformaður

29. nóv. 2010 : Námsaðstoð í nóvember og desember

Kópavogsdeild Rauða krossins býður upp á ókeypis námsaðstoð yfir prófatímann fyrir framhaldsskólanemendur. Aðstoðin fer fram í Molanum, ungmennahúsi Kópavogs að Hábraut 2, á milli klukkan 17 og 19, dagana 29. nóvember, 1., 2. og 7. desember. Munu sjálfboðaliðar sem búa yfir góðri sérþekkingu í stærðfræði vera til aðstoða fyrir þá sem þurfa.

Einnig er hægt að óska sérstaklega eftir aðstoð í öðrum fögum með því að hafa  samband við Kópavogsdeild í síma 554 6626 eða á netfangið kopavogur@redcross.is.

Tilgangur þessa verkefnis er að sporna gegn brottfalli nemenda úr námi og koma til móts við breyttar aðstæður vegna slæms efnahagsástands.

25. nóv. 2010 : Skyndihjálparhópur höfuðborgarsvæðisins tekur til starfa

Neyðarnefnd deilda Rauða krossins á höfuðborgarsvæðinu og Ungmennadeild Rauða krossins í Reykjavík (URKÍ-R) hafa gert með sér samstarfssamning um starfsemi Skyndihjálparhóps.

Skyndihjálparhópurinn er tilraunaverkefni til þriggja ára og getur fólk allt frá 16 ára aldri tekið þátt í starfinu. URKÍ-R mun sjá um sjálfboðaliða hópsins á aldrinum 16-25 ára sem annast sjúkragæslu á viðburðum framhaldsskóla, en Neyðarnefnd heldur utan um starf fyrir sjálfboðaliða 23 ára og eldri sem standa munu fyrir fræðslu, kynningum og að draga úr skaða hjá ýmsum jaðarhópum í samfélaginu. Aðeins sjálfboðaliðar sem eru sjálfráða geta tekið þátt í gæslu og viðburðum, en ungt fólk á aldrinum 16-18 ára getur tekið þátt í æfingum og þjálfun. Allir sjálfboðaliðar Skyndihjálparhóps sem taka vaktir í gæslu og/eða viðburðum fara í inntökuviðtöl og fá góða skyndihjálparþjálfun.

22. nóv. 2010 : Roksala á markaði Kópavogsdeildar

Fjöldi fólks mætti í Rauðakrosshúsið í Kópavogi á laugardaginn og gerði góð kaup á handverksmarkaði MK-nema. Til sölu voru alls konar prjónavörur, kökur, brjóstsykur, jólakort og handverk frá vinadeild í Mósambík. Alls seldust vörur fyrir 300.000 þúsund krónur. Ágóðinn rennur til verkefna innanlands.

Handverksmarkaðurinn var lokaverkefni MK-nemanna í áfanga um sjálfboðið Rauða kross starf. Markmið áfangans er að nemendur kynnist sjálfboðnu starfi hjá Rauða krossi Íslands. Nemendur vinna sem sjálfboðaliðar yfir önnina í samráði við kennara í MK og Kópavogsdeildina. Meðal verkefna í boði eru aðstoð við aldraða og einmana, störf í Dvöl, athvarfi fyrir fólk með geðraskanir, og félagsstarf með ungum innflytjendum. Nemendur fá fræðslu um hugsjónir og störf Rauða kross hreyfingarinnar og sækja námskeið fyrir sjálfboðaliða.

18. nóv. 2010 : Nemendur í SJÁ 102 vinna lokaverkefni sitt fyrir Kópavogsdeild

Nemendur í Menntaskólanum í Kópavogi í áfanganum SJÁ 102 vinna þessa dagana að því að setja upp markað Kópavogsdeildar en hann er lokaverkefni þeirra í áfanganum. Nemendurnir eru 14 talsins á þessari önn og hafa unnið sjálfboðin störf í Rjóðrinu, með Eldhugum, með Enter- börnunum og í Dvöl. Þar að auki sátu þau grunnnámskeið Rauða krossins þar sem þeir lærðu um upphaf, sögu, hugsjónir og verkefni hreyfingarinnar. Þau tóku einnig þátt í landssöfnun Rauða krossins þann 2.október síðastliðinn, Göngum til góðs og auk þess hafa þau haldið dagbók um störf sín sem þau skila nú í lok annar.

Á markaðinum verða seld handverk sjálfboðaliða deildarinnar, sauma-og prjónavörur, bakkelsi sem nemendurnir baka og annað föndur. Þá verða notuð föt til sölu og skiptidótamarkaður einnig í gangi þar sem fólki gefst tækifæri til að koma með dót og skipta út fyrir annað. Einnig verður hægt að kaupa leikföng á vægu verði. Auk þessa verður handverk frá Mósambík til sölu, skartgripir, töskur, batik- myndir og fleira.

16. nóv. 2010 : Börn og ungmenni í starfi Kópavogsdeildar útbúa handverk fyrir markað

Síðustu vikur hafa börnin í Enter og unglingarnir í Eldhugum, barna- og unglingastarfi Kópavogsdeildarinnar unnið að gerð handverks sem selt verður á markaði hennar á laugardaginn, 20. nóvember næstkomandi. Vinnan hefur gengið vel en Enter börnin hafa unnið að gerð dagatals og Eldhugarnir búið til lakkrísbrjóstsykur. Þess má einnig geta að ungmenni úr Plúsnum, starfi fyrir 16-24 ára sjálfboðaliða, hafa búið til hálsklúta, hárskraut og skartgripi sem einnig verða til sölu á markaðinum.

Markaðurinn verður haldinn í Rauðakrosshúsinu, Hamraborg 11, 2. hæð, og stendur frá kl. 11-16. Þar verður einnig selt fleira handverk, eins og prjónavörur, sem unnið er af sjálfboðaliðum deildarinnar, heimagerðar kökur og handgerðir munir frá Mósambík.

27. okt. 2010 : Á flótta á Eiðum

Á flótta er hlutverkaleikur fyrir 13 ára og eldri, sem gefur fólki tækifæri til að upplifa í 24 klukkutíma hvað það er að vera flóttamaður. Í stuttu máli er ætlunin að gefa fólki raunsanna upplifun af því hvað það er að vera flóttamaður.

Á meðan á leiknum stendur upplifa þátttakendur hvernig það er að vera „óvelkominn”, „á flótta”, „fórnarlamb skrifræðis”, „háður neyðarhjálp” o.fl. Þátttakendum er þó aldrei ógnað líkamlega á einn eða annan hátt eða með vopnaskaki og fer leikurinn fram bæði innandyra og utan.

29. sep. 2010 : Framhaldsskólanemar hvattir til að ganga til góðs

Framhaldsskólanemar um allt land eru þessa dagana að fá hvatningu til að ganga til góðs næstkomandi laugardag. Fulltrúar Rauða krossins hafa hitt og talað við nemendur í hádegishléum og tímum eins og lífsleikni, kynnt fyrir þeim markmið söfnunarinnar og einföldu skrefin sem þeir taka til að ganga til góðs. Nemendafélög framhaldsskóla eru einnig að hvetja félaga sína til að taka þátt í söfnuninni. Samband íslenskra framhaldsskólanema hvetur bæði aðildarfélög sín sem og alla framhaldsskólanema til að leggja söfnuninni lið.

Fanney Karlsdóttir, sjálfboðaliði Rauða krossins, hefur útbúið kynningarefni sem notað er til að kynna söfnunina í framhaldsskólum landsins. Fanney hefur einnig farið sjálf í nokkra skóla á höfuðborgarsvæðinu og kynnt söfnunina. -Viðbrögðin hafa verið góð og það er gaman að hvetja nemendur til þess að láta gott af sér leiða með þessum hætti, segir Fanney. Ljóst er að ef fjöldi framhaldsskólanema tekur þátt í söfnuninni verður það mikilvægur liðsafli fyrir Rauða krossinn sem þarf um 3.000 sjálfboðaliða til að ná að banka upp á hjá öllum heimilum í landinu.

21. sep. 2010 : Líflegt starf í Takti

Ungt fólk til athafna er samstarfsverkefni Rauða krossins og vinnumálastofnunar. Níu deildir Rauða krossins eru aðilar að verkefninu; Reykjavíkur-, Hafnarfjarðar-, Garðabæjar-, Álftanes-, Kjósarsýslu-, Kópavogs-, Árnesinga-, Akranes-, og Suðurnesjadeild. Markmið verkefnisins er að þátttakendur fræðist um starfsemi Rauða krossins, séu virk á meðan á atvinnuleit stendur, styrkist í atvinnuleitinni og séu þannig betur í stakk búin til að sækja um nám eða vinnu.  

Innan verkefnisins er Taktur, samstarfsverkefni deildanna á höfuðborgarsvæðinu. Verkefni Takts fór vel af stað í haust og völdu um 50 manns Rauða krossinn. Lögð er áhersla á að fá innflytjendur til liðs við verkefnið með það að markmiði að þeir læri betri íslensku, vinni í ferilskrárgerð og atvinnuleit meðfram því að sinna sjálfboðaliðastarfi hjá Rauða krossinum. Það er líflegt meðal hópsins þegar talað er á hinum ýmsu tungumálum. Íslenskuhópurinn sem Páll í Hafnarfjarðardeild heldur utan um er svo rétt að fara af stað.

18. sep. 2010 : Fjölmenning eða einsleitni og einangrun?

Grein birt í Morgunblaðinu laugardaginn 18. september 2010

Í febrúar árið 2008 birtist í blaði þessu grein eftir tvo af þáverandi stjórnarmönnum Ungmennahreyfingar Rauða kross Íslands (URKÍ).

Greinin bar fyrirsögnina "Siðferðisboðskapur óskast" og fjallaði um fordóma Íslendinga gagnvart innflytjendum enda höfðu íslensk nýnasistafélög og rasískir klúbbar þá mikið verið í umræðunni. Nú, tveimur og hálfu ári síðar virðist því miður sem fátt hafi breyst í þessum málum. Á sama tíma og Íslendingar sameinast á bakvið ein hjúskaparlög auk þess að fussa og sveia yfir fordómum lítils hóps nágranna okkar í Færeyjum bendir margt til þess að við eigum nokkuð í land með að uppræta óforsvaranlega og tilefnislausa fordóma hér heima fyrir.

Fordómar gagnvart innflytjendum hafa verið til umræðu undanfarna daga en umræðan opnaðist þegar fréttir bárust af feðgum sem flúðu land. Um var að ræða íslenska ríkisborgara af erlendum uppruna sem yfirgáfu Ísland í lögreglufylgd vegna ofsókna.

Margir spyrja sig, er til einföld lausn á fordómum? ...

6. sep. 2010 : Mórall - Vetrarstarfið hafið

Mórall er hópur krakka á aldrinum 13-16 ára sem hittist alla mánudaga klukkan 20 í húsnæði Kjósarsýsludeildar Rauða krossins að Þverholti 7 í Mosfellsbæ.

Krakkarnir fræðast um Rauða krossinn, vinna verkefni tengd hugsjónum og starfi Rauða krossins um allan heim, fara í ferðir og hitta aðrar ungmennadeildir. Það kostar ekkert að vera með. Komdu og kíktu ef þú þorir....

Dagskráin fram að jólum er fjölbreytt og má þar nefna fótboltamót, umhverfisfræðslu, heimsókn í aðra deild, skyndihjálparfræðsla, fataflokkun, markað, brjóstsykurgerð og fleira.

1. sep. 2010 : SJÁ 102 í Flensborgarskóla

Áfanginn SJÁ102 er að fara í gang þessa haustönnina í Flensborgarskóla. Nemendur geta tekið þátt í sjálfboðnu starfi hjá Hafnarfjarðardeild Rauða krossins, farið á námskeið og lagt sitt af mörkum í fjáröflunarverkefni og fengið 2 einingar fyrir.

Meðal verkefna í boði eru: Heimsóknavinir, störf í Læk - athvarfi fyrir fólk með geðraskanir, ungmennastarf og starf í Rauða krossbúðinni. Nemendur fá fræðslu um hugsjónir og störf Rauða kross hreyfingarinnar og sækja annað námskeið fyrir sjálfboðaliða. Einnig munu nemendur vinna kynningar- og fjáröflunarverkefni. Nemendur skrifa dagbók um vinnu sína. Áfanginn byggir á hugmyndum um þátttökunám (service learning) og er próflaus. 

24. ágú. 2010 : Mannúð og menning fyrir börnin

370 börn á aldrinum 7-12 ára sóttu sumarnámskeið Rauða krossins Mannúð og menning. Að þessu sinni voru þau haldin í Reykjavík, Kópavogi, Álftanesi, Garðabæ, Mosfellsbæ, Ísafirði og Þingeyri.
 
Námskeiðin byggja á fræðslu og leikjum sem miða að því að börnin tileinki sér mannúðarhugsjónir Rauða krossins og tengi þær við daglegt líf. Börnin fá fræðslu um starf Rauða krossins, skyndihjálp, fjölmenningu og umhverfisvernd. Námskeiðunum var skipt eftir tveimur aldurshópum, 7-9 ára og 10-12 ára. Gjaldfrjálst var á námskeiðin og boðið var upp hádegisverð. 

23. ágú. 2010 : Sjálfboðaliðar úr Kópavogdeild í sumarbúðum í Finnlandi

Dagana 2.-8. ágúst fóru fjögur ungmenni fyrir hönd Rauða kross Íslands í sumarbúðirnar Herzi Camp en þær eru haldnar árlega í Finnlandi. Hulda Hvönn Kristinsdóttir og Dagbjört Rós Jónsdóttir, báðar 16 ára sjálfboðaliðar í Plúsnum, fóru frá Kópavogsdeild ásamt þeim Bjarna Haukssyni frá Suðurnesjadeild og Fanneyju Sumarliðadóttur frá Stykkishólmsdeild.

Sumarbúðirnar eru ætlaðar ungmennum á aldrinum 16-29 ára, fötluðum sem ófötluðum og er markmið þeirra að auka víðsýni og færni fólks til að hjálpa einstaklingum með hamlanir. Um 45 manns dvöldu í búðunum frá fjórum löndum; Finnlandi, Íslandi, Egyptalandi og Kosovo.

13. ágú. 2010 : Hamagangur á sumarbúðum URKÍ í Alviðru

Þessa dagana eru hátt í 40 manns samankomnir á sumarbúðum Ungmennahreyfingar Rauða krossins í Alviðru í Ölfusi. Þátttakendur eru unglingar á aldrinum 12-16 ára, víðs vegar af landinu. Leiðbeinendur eru sjálfboðaliðar URKÍ á aldrinum 18-30 ára.

Á búðunum er farið í fjölbreytta leiki jafnframt sem unnin eru verkefni sem tengjast mannréttindum og hjálparstarfi. Einnig er mikið lagt upp úr útivist, kvöldvökum og annarri skemmtun.

Myndirnar eru teknar fyrsta daginn þegar veðrið lék við þátttakendur. Skyndilega skall þó á manngert úrhelli í formi vatnsslags. Um kvöldið kom Birna Halldórsdóttir sendifulltrúi Rauða krossins og fjallaði um hjálparstarfið á Haítí.

11. ágú. 2010 : Gömul gildi endurvakin á Gleðidögum

Um 70 börn á aldrinum 6-12 ára sóttu sumarnámskeiðin Gleðidaga- Hvað ungur nemur, gamall temur – sem haldin voru á vegum fjögurra deilda Rauða krossins, Kópavogsdeildar, Álftanesdeildar, Kjósarsýsludeildar og Klausturdeildar.

Námskeiðin voru haldin í samstarfi við Öldrunarráð Íslands og leiðbeinendur komnir af léttasta skeiðinu enda tilgangurinn með þeim að auka samskipti barna og eldra fólks og endurvekja gömul gildi. Börnin voru þátttakendur í leik og starfi með fullorðnum og öfluðu sér flóðleiks og þekkingar í gegnum samskiptin. Að auki var bætt við léttri skyndihjálparfræðslu.

2. júl. 2010 : Sjálfboðaliðar úr Plúsnum á leið á sumarbúðir til Finnlands

Hulda Hvönn Kristinsdóttir og Dagbjört Rós Jónsdóttir, sjálfboðaliðar í ungmennastarfi Kópavogsdeildar Rauða krossins taka þátt í sumarbúðum á vegum finnska Rauða krossins í Herttoniemi Helsinki 2.-8. ágúst næstkomandi. Hulda og Dagbjört hófu þátttöku sína í Rauða kross starfi með því að gerast Eldhugar en færðu sig svo yfir í Plúsinn þegar þær urðu eldri en það er starf fyrir 16-24 ára ungmenni. Auk þeirra fara tvö önnur ungmenni frá Rauða krossinum á Suðurnesjum og Stykkishólmi í sumarbúðirnar.

29. jún. 2010 : Heilsuhópur Takts fór í Esjugöngu

Heilsuhópur Takts – Ungt fólk til athafna fór á dögunum í gönguferð upp á Esju. Til að ná úr sér þreytunni eftir vel heppnaða fjallgöngu endaði ferðin í heita pottinum í Nauthólsvík.

Heilsuhópurinn er einn af fjölmörgum hópum í Takti, virkniverkefni Rauða krossins. Einnig er boðið uppá mömmuhóp, prjónahóp, myndlistarhóp, hönnunarhóp, heimildamyndagerð, íslenskukennslu og margt fleira. Síðan eru ótal sjálfboðaliðastörf innan Rauða krossins sem unga fólkið hefur valið sér og tekið þátt í.

15. jún. 2010 : URKÍ-H stóð fyrir Lifandi bókasafni

Ungmennastarf Hafnarfjarðardeildar Rauða krossins tók á móti fólki í sjálfboðamiðstöðinni á Björtum dögum og bauð upp á lifandi bókasafn. Miklar og fræðandi umræður voru í gangi og mikið hægt að fræðast um alls kyns heima og geima. 

Lifandi bókasafn var lokaverkefni ungmennastarfsins á þessum vetri. Hafnarfjarðardeildin þakkar öllu því góða fólki sem kom og stóð vaktina sem bækur bókasafnsins. Án þeirra hefði þetta ekki orðið að veruleika.

10. jún. 2010 : Líflegur Rauða kross markaður á Thorsplani

Þátttakendur í verkefninu Taktur héldu líflegan Rauða kross markað á dögunum. Unga fólkið sá um að velja vörur, setja þær upp og annast söluna. Markaðurinn var fjáröflun til styrktar Rauða kross starfs í Malaví.

Markaðurinn var haldinn í 50 fermetra tjaldi á Thorsplani fyrir utan Rauða kross deildina í Hafnarfirði. Selt var ýmiss konar handverk frá Malaví eins og skálar, salatáhöld, skartgripir og myndir. Einnig var mjög fjölbreyttur fatamarkaður með fötum fyrir alla, bæði unga sem aldna og var úrvalið það mikið að það fyllti allt tjaldið.

7. jún. 2010 : Sumarnámskeiðin Mannúð og menning eru hafin

Í dag hófust sumarnámskeiðin Mannúð og menning sem Reykjavíkurdeild Rauða krossins býður krökkum á aldrinum 7-12 á, þeim að kostnaðarlausu. Námskeiðin eru haldin á tveimur stöðum í borginni, í Aflagranda 40 og í Breiðholtsskóla. Krakkarnir voru komnir á fullt í skemmtilegum nafnaleikjum þegar starfsmaður deildarinnar leit við með myndavél í morgun.

Alls verða 12 námskeið haldin næstu 6 vikurnar og skiptist hópurinn í tvennt 7-9 ára og 10-12 ára. Reykjavíkurdeildin býður þátttakendum upp á hádeigsverð á meðan námskeiðinu stendur, en börnin koma með nesti fyrir kaffitímana.

 

2. jún. 2010 : Myndband um Konukot

Árni Þór Theodórsson kvikmyndargerðarmaður og sjálfboðaliði hjá Takti lauk á dögunum við fyrsta sjálfboðaliðaverkefnið sitt, kynningarmyndband um Konukot, athvarf fyrir heimilislausar konur, rekið af Reykjavíkurdeild Rauða krossins.

Myndbandið var sýnt í fyrsta sinn á landsfundi Rauða krossins en í dag var myndbandið frumsýnt í Rauðakrosshúsinu Borgartúni 25. Við það tilefni var gestum boðið upp á ljúffengar veitingar í boði OSUSHI.