16. des. 2004 : Við höfum margt að segja

„Við erum framtíðin, en umfram allt fortíðin”
 Þetta voru skilaboðin frá ungliðaleiðtogum Rauða krossins og Rauða hálfmánans frá 27 löndum um allan heim sem hittust í Tarragona á Spáni 22. og 23. september 2004.

Þetta unga fólk, sem kom m.a. frá nokkrum ungliðanefndum Alþjóðasamtaka Rauða krossins, komu saman til að ræða um hvernig auka ætti þátttöku þeirra í ákvarðanatöku á öllum sviðum starfseminnar. Þá hittu þeir einnig forseta alþjóðasamtakanna, Juan Manuel Suárez Del Toro, og kynntu fyrir honum ályktanir sínar og tillögur.

14. des. 2004 : Fatasendingar koma að góðum notum í Kabúl

Rauði kross Íslands sendi föt til Afganistan. Hluti fatasendingarinnar var sérstaklega flokkaður og pakkaður fyrir börn á sjúkrahúsi sem Steina Ólafsdóttir sendifulltrúi Rauða krossins vann á.

Rauði kross Íslands stóð fyrir fatasöfnun á Lækjartorgi í maí sl. þar sem óskað var eftir hlýjum fatnaði á konur og börn í Afganistan. Almenningur brást vel við og söfnuðust um 10 tonn af fatnaði.

Þremur vikum síðar lenti á flugvellinum í Kabúl flugvél frá utanríkisráðuneytinu full af hjálpargögnum frá Rauða krossi Íslands og Hjálparstarfi kirkjunnar. Örn Ragnarsson formaður fataflokkunarstöðvar Rauða kross Íslands var með í för og afhenti fulltrúum Alþjóðasambands Rauða krossins og Indira Ghandi barnaspítalans hjálpargögnin.

11. des. 2004 : Konukot, athvarf fyrir heimilislausar konur var opnað á 80 ára afmæli Rauða kross Íslands

Katla Þorsteinsdóttir framkvæmdastjóri Reykjavíkurdeildar Rauða krossins, Brynhildur Barðadóttir verkefnastjóri og Ómar Kristmundsson formaður deildarinnar fyrir utan Konukot.
Athvarf fyrir heimilislausar konur var formlega opnað í Reykjavík í dag, á 80 ára afmæli Rauða kross Íslands. Ómar H. Kristmundsson formaður Reykjavíkurdeildar opnaði húsið að viðstöddu fjölmenni, meðal annars Úlfari Haukssyni formanni félagsins og Björk Vilhjálmsdóttur formanni félagsmálaráðs Reykjavíkur, en Reykjavíkurborg leggur til húsnæðið.

Björk sagðist vilja þakka Rauða krossinum fyrir að hafa vakið athygli á vanda heimilislausra kvenna. „Rauði krossinn er oft í fararbroddi og sýnir yfirvöldum fram á þörfina og þá geta þau tekið við,” sagði Björk. „Ég efast ekki um að þannig verður það með þessa starfsemi.”

11. des. 2004 : Páll Pétursson hlýtur æðstu viðurkenningu Rauða kross Íslands

Forseti Íslands Hr. Ólafur Ragnar Grímsson veitir Páli Péturssyni viðurkenningu á 80 ára afmæli Rauða kross Íslands.
Forseti Íslands Hr. Ólafur Ragnar Grímsson sæmdi Pál Pétursson æðstu viðurkenningu Rauða kross Íslands – heiðursmerki úr gulli - í dag, á 80 ára afmæli félagsins. Sem félagsmálaráðherra ákvað Páll að bjóða árlega, utan eins árs, hópum flóttamanna frá gömlu Júgóslavíu til Íslands, alls 218 manns.

Í rökstuðningi fyrir veitingunni segir að auk þess að hafa staðið fyrir hingaðkomu flóttamanna hafi Páll á ráðherraferli sínum beitt sér fyrir stofnun Fjölsmiðjunar, sem er verkþjálfunarsetur fyrir ungt fólk, og látið málefni geðfatlaðra til sín taka. Verkefni til stuðnings geðfötluðum hafa verið forgangsverkefni Rauða krossins á síðustu árum.

25. nóv. 2004 : Heimsókn frá Gambíu

Fabukary Kalleh á kynningu í höfustöðvum R-RkÍ að Laugavegi 120.
Undanfarnar þrjár vikur hefur Fabukary Kalleh sjálfboðaliði frá Rauða krossinum í Gambíu dvalist hér á landi í boði Reykjavíkurdeildar og hefur hann dvalist á heimili Ómars Kristmundssonar, formanns Reykjavíkurdeildar.

Heimsóknin er í tengslum við fyrirhugað vinadeildasamstarf Reykjavíkurdeildar við Rauða krossinn í Gambíu. Bundnar eru miklar vonir við þetta samstarf enda möguleikarnir óþrjótandi. 

Þann tíma sem Fabukary Kalleh hefur dvalið hér hefur hann kynnt sér verkefni deildarinnar gaumgæfilega semog starfsemi og uppbyggingu íslenska Rauða krossins. Þá hefur hann haldið fjölda fyrirlestra m.a. í Fjölsmiðjunni, Alþjóðahúsi, Fjölbrautaskóla Akraness og fyrir starfsfólk og sjálfboðaliða Rauða krossins. Fabukary Kalleh hefur í þessum fyrirlestrum m.a. fjallað um stöðu kvenna í heimalandi sínu, um mannlíf og menningu í Gambíu og síðast en ekki síst um gambíska Rauða krossinn og verkefni hans.

17. nóv. 2004 : Ba ba ba bababababa

Varla eru haldnir svo stórtónleikar á Reykjavíkursvæðinu öðruvísi en að Skyndihjálparhópurinn sé ekki kallaður til að sinna sjúkragæslu, enda vinnubrögð hópsins jafnan fagmannleg og fumlaus.

Meðlimir hópsins sinna þessum vöktum í sjálfboðnu starfi en vaktirnar eru  gott tækifæri fyrir meðlimi hópsins til að þjálfa færni sína og skipulag.  Þó er  tekið  hógvært gjald af þessari þjónustu til að mæta kostnaði við kaup á nauðsynlegum búnaði og þjálfun hópmeðlima.
 
Á sunnudaginn kemur verða sólskinsdrengirnir í Beach boys með tónleika í Laugardalshöll. Skyndihjálparhópurinn verður með sjúkragæslu á tónleikunum. Þeir meðlimir hópsins sem geta mætt á vaktina hafi samband við Birgi 1/2 verkefnastjóra, logos@internet.is eða Tuma, Tumi@redcross.is

16. nóv. 2004 : Námskeið í sálrænni skyndihjálp

Sjálfboðaliðar í Busl og Sjálfboðamiðlun sóttu saman námskeið í sálrænni skyndihjálp mánudagskvöldið sl.

Námskeiðið var haldið í húsnæði landsfélagsins að Efstaleiti 9. Verið er að vinna að því að útbúa nýtt húsnæði Reykjavíkurdeildar með þarfir hreyfihamlaðra í huga og verður það tilbúið innan tíðar.

Mjög góð mæting var á námskeiðið og gerðu þátttakendur góðan róm að fræðslunni en það var Margrét Blöndal hjúkrunarfræðingur sem kenndi

 

 

12. nóv. 2004 : Sjálfboðaliða vantar

Leitað er eftir sjálfboðaliðum sem gætu aðstoðað ungt fólk á aldrinum 18-20 ára frá Víetnam og Taílandi við enskunám ca. einu sinni í viku.

Viðkomandi þurfa að hafa nokkuð gott vald á skrifaðri og talaðri ensku.

Aðstoðin er óformleg og fer þannig fram að hver sjálfboðaliði hittir einn nema á þeim tíma og stað sem báðum hentar.

Áhugasamir hafi samband við Tumi í síma 5450-407 eða Tumi @redcross.is

8. nóv. 2004 : Kaffihúsakvöld hjá Fjölbrautarskólanum við Ármúla til styrktar götubörnum í Mósambík

Nemendur bökuðu og fengu kökur og vínarbrauð frá bakaríum í nágrenni skólans sem var selt til styrktar götubörnum í Mósambík.
„Mér finnst mjög mikilvægt að taka þátt í þessari fjáröflun og styrkja þetta góða málefni”, sagði Sandra, nemandi í Ármúlaskóla  „Það var mjög gaman að þessu. Það kom grínisti sem var með uppistand og trúbadorar sem voru alveg frábærir”.

Meira en hundrað nemendur ásamt vinum og kunningjum mættu á kaffihúsakvöld Fjölbrautarskólans við Ármúla fimmtudaginn 4. nóvember. Skemmtunin var haldin í húsakynnum skólans og rennur allur ágóði af henni í verkefni Rauða krossins til styrktar götubörnum í Mósambík.

3. nóv. 2004 : Sendifulltrúar kynna Rauða krossinn í skólum

Hlín Baldvinsdóttir talar við nemendur Verkmenntaskólans á Akureyri
Rauði krossinn býður skólum og félagasamtökum að fá til sín fyrirlesara sem kynna starfsemi Rauða krossins hér heima og erlendis. Fyrirlestrarnir hafa verið sniðnir að óskum hvers og eins enda skólarnir oft með þemadaga þar sem málefni Rauða krossins falla vel inn í málefnin.

Hlín Baldvinsdóttir sendifulltrúi gerði víðreist um norðurlandið í október. Hún byrjaði á að heimsækja Framhaldsskólann á Húsavík og hitti þar fyrir nemendur í nokkrum bekkjardeildum og einnig nemendur sem eru í skyndihjálparhópi innan skólans. Hún nýtti daginn sérstaklega vel því um kvöldið hitti hún stjórnarmenn Húsavíkurdeildar Rauða krossins. Næsta dag fór hún í Verkmenntaskólann á Akureyri og hitti þar fyrir nemendur í sal skólans. Kvöldið notaði hún eins og fyrri daginn og hitti fyrir stjórnarmenn Akureyrardeildar Rauða krossins.

22. okt. 2004 : Genfarsamningarnir á íslensku á vef Rauða krossins

Genfarsamningarnir eru nú í fyrsta sinn birtir í heild sinni á íslensku á vef Rauða kross Íslands, www.redcross.is, þannig að nú hefur almenningur beinan aðgang að þessum hornsteini alþjóðlegra mannúðarlaga. Samningarnir eru birtir á vefnum með nýju íslensku birtingarkerfi, ecBook, sem Íslensk fyrirtæki ehf. hafa hannað og láta Rauða krossinum í té endurgjaldslaust. 

Genfarsamningunum kristallast hugmyndin um að jafnvel stríð sé takmörkunum háð. Samningarnir vernda þá sem ekki taka þátt í ófriði, eða hafa lagt niður vopn, og reisa skorður við því valdi sem stríðsaðilar geta beitt.

15. okt. 2004 : Opnun Hússins Egilsstöðum

Við opnun Hússins mætti fjölmenni gesta og listamanna.
Miðvikudaginn 13. október var Húsið á Egilsstöðum formlega opnað að Lyngási 5-7. Húsið er ætlað ungmennum 16 ára og eldri. Héraðs- og Borgarfjarðardeild Rauða kross Íslands stendur ásamt sveitarfélaginu A-Hérað að stofnun þess og rekstri.  Forstöðumaður hefur verið ráðinn Haukur Hauksson.

Deildir innan Rauða kross Íslands hafa komið að stofnun og uppbyggingu ungmennahúsa víða um land undanfarin ár og er þetta hús kærkomin viðbót.    

7. okt. 2004 : Tæplega 30 milljónir króna söfnuðust þegar Íslendingar gengu til góðs

Alls söfnuðust tæplega 30 milljónir króna í landssöfnun Rauða krossins, Göngum til góðs, til aðstoðar stríðshrjáðum börnum. Söfnunin fór fram með því að á þriðja þúsund sjálfboðaliða gekk með bauka í hús síðastliðinn laugardag.

Allt fé sem safnaðist rennur óskipt til verkefna til stuðnings börnum á stríðssvæðum, einkum í Sierra Leone og í Palestínu. Í Sierra Leone fá yngstu fórnarlömb harðvítugrar borgarastyrjaldar, sem nú er yfirstaðin, aðstoð við endurhæfingu og aðlögun að samfélaginu. Í Palestínu verður börnum veittur sálrænn stuðningur til að þau geti betur tekist á við þær erfiðu kringumstæður sem þau búa við.

Sjálfboðaliðar Rauða krossins mættu miklum velvilja meðal landsmanna. Fjöldi fyrirtækja, íþróttafélaga og ýmissa hópa tók þátt í göngunni. Ólafur Ragnar Grímsson forseti Íslands var verndari söfnunarinnar.

Rauði krossinn kann öllum þeim sem tóku þátt í átakinu bestu þakkir.



1. okt. 2004 : Svona göngum við til góðs

Birta Þórsdóttir, Thelma Rut Hermannsdóttir, Erna Björk Ólafsdóttir og Áslaug Dóra Einarsdóttir söfnuðu 19.000 krónum fyrir börn í stríði ásamt vinkonu sinni Hörn Valdimarsdóttur sem er ekki á myndinni. Þær hafa því aldeilis gengið til góðs.

Þú byrjar á að skrá þig hér og velur þér um leið söfnunarstöð í hverfinu eða því sveitarfélagi þar sem þú ætlar að ganga.

 

Söfnunarstöðvar verða opnar milli kl. 10 og 18 á laugardag. Við leggjum til að þú mætir snemma. Á söfnunarstöðinni færðu afhentan bauk, húfu og annað sem til þarf. Taktu endilega með þér börn, foreldra eða aðra ættingja og vini. Þetta verður skemmtilegt!

 

27. sep. 2004 : 2.500 sjálfboðaliðar óskast!

Þorkell Þorkelsson ljósmyndari, Kristján Sturluson varaformaður Rauða krossins, Sigrún Árnadóttir framkvæmdastjóri, Ólafur Ragnar Grímsson forseti Íslands og Ellert Schram forseti Íþrótta- og ólympíusambands Íslands opnuðu ljósmyndasýningu sem er tileinkuð börnum í stríði í dag og hófu um leið átak til að safna 2.500 sjálfboðaliðum til að ganga til góðs.

Rauði kross Íslands ætlar að freista þess að fá 2.500 sjálfboðaliða til að safna fé til styrktar stríðshrjáðum börnum í landssöfnun félagsins Göngum til góðs, sem fram fer laugardaginn 2. október. Forseti Íslands Ólafur Ragnar Grímsson er verndari söfnunarinnar og kynnti hana við opnun ljósmyndasýningar Þorkels Þorkelssonar tileinkaðri börnum í stríði í Smáralind í dag.

Á fundinum í dag minnti Sigrún Árnadóttir framkvæmdastjóri Rauða krossins á að tvær milljónir barna hefðu látið lífið í stríðsátökum á síðastliðnum tíu árum og að áður en dagurinn liði væri líklegt að 25 börn hefðu stigið á jarðsprengju. Mikil þörf væri á aðstoð við yngstu fórnarlömb stríðs.

9. sep. 2004 : Samstarfsverkefni Kvennaathvarfsins og Urkí

Um miðjan september hefst samstarf Kvennaathvarfsins við Ungmennadeild Reykjavíkurdeildarinnar og Háskóla Íslands um sjálfboðastarf til að sinna þeim börnum sem koma með mæðrum sínum í Kvennaathvarfið. 

Sjálfboðaliðar munu koma á laugardögum í vetur og gera eitthvað skemmtilegt með börnum sem dvelja í athvarfinu eða hafa dvalið þar. Markmiðið er að létta börnum dvölina í athvarfinu með markvissu félagsstarfi og sömuleiðis létta undir með mæðrunum. 

Verkefnið er unnið í samvinnu við félagsráðgjöf við Háskóla Íslands undir handleiðslu Steinunnar Hrafnsdóttur og mun stór hluti sjálfboðaliðanna koma þaðan en sjálfboðastarfið er hluti af námi fólks við deildina.

6. sep. 2004 : Rætt um börn í stríði á alþjóðlegum sumarbúðum á Snæfellsnesi

 

Um þrjátíu ungmenni taka þátt í sumarbúðunum og ræða þar um málefni barna í stríði.
Um þrjátíu ungmenni frá átta löndum komu saman á Alþjóðlegum sumarbúðum Rauða kross Íslands á Snorrastöðum á Snæfellsnesi um helgina og ræddu um málefni barna í stríði. Fregnir bárust af því að hundruð barna hefðu látið lífið eftir að hafa verið tekin í gíslingu í Norður-Ossetíu í Rússlandi. Undirstrikuðu fréttirnar alvarleika umræðnanna og settu svip sinn á þær.

Á síðasta áratug er talið að tvær milljónir barna hafi látið lífið af völdum styrjaldarátaka. Í umræðunum á Snæfellsnesi var rætt um málefni barnahermanna, barna á flótta og barna sem er misþyrmt í ólgu átaka víða um heim.



2. sep. 2004 : Rauða kross strákurinn Hjálpfús heimsækir leikskólana

Kamilla Ingibergsdóttir framkvæmdastjóri Kópavogsdeildar Rauða krossins afhendir Elísabetu Eyjólfsdóttur leikskólastjóra námsefnið „Hjálpfús heimsækir leikskólann."
Deildir Rauða kross Íslands eru þessa dagana að afhenda leikskólum um allt land námsefnið „Hjálpfús heimsækir leikskólann", sem hefur það markmið að kenna leikskólabörnum mikilvægi þess að rétta fólki hjálparhönd þegar eitthvað bjátar á.

Námsefnið inniheldur litla brúðu og kennsluefni fyrir sex sögustundir. Rauða kross strákurinn Hjálpfús er í formi fingurbrúðu sem leikskólakennarar geta notað til að leiða börnin í gegnum námsefnið.

„Þetta efni er eins og sniðið að stefnu okkar í leikskólanum Álfaheiði," sagði Elísabet Eyjólfsdóttir leikskólastjóri þegar fulltrúar Kópavogsdeildar Rauða krossins afhentu henni námsefnið. „Við leggjum mikla áherslu á lífsmennt, sem byggir á nokkrum grundvallargildum eins og friði, virðingu og umburðarlyndi."

30. ágú. 2004 : Gestir frá vinadeild í Eistlandi

Settur var upp „vináttulandsleikur" í skyndihjálp.
Þessa dagana eru hópur ungmenna frá Rauða krossinum í Eistlandi staddur hér á landi í tengslum við vinadeildasamstarf Reykjavíkurdeildar Rauða krossins við Paldiski deildina í Eistlandi.

Paldiski er lítill bær rétt fyrir utan Tallin í Eistlandi. Deildirnar hafa átt í vinadeildasamstarfi síðastliðin tvö ár og hafa skipst á heimsóknum og ýmsum gagnlegum upplýsingum.

Ungmennin sem hér eru stödd munu kynna sér starfsemi hreyfingarinnar hér á landi og fá fræðslu um margvísleg málefni eins og  mögulegar fjáröflunarleiðir Rauða krossins, starfsemi Alþjóðahússins, uppbyggingu ungmennahreyfingar Rauða krossins og fleira. 

25. ágú. 2004 : Rauði kross Haiti tekur þátt í „fótbolta fyrir friði.”

 
Áhorfendur fagna í leik Haiti og Brasilíu.
Hátt friðarkall voru aðalskilaboðin sem gefin voru í vináttuleik milli knattspyrnuliða Haiti og Brasilíu á Sylvio Castor leikvanginum í Port-au-Prince á dögunum. Á meðan stjörnur eins og Ronaldo, Ronaldinho og Roberto Carlos sýndu snilldartakta á vellinum veitti Rauði kross Haiti stuðning með sjúkrabílum, læknum, hjúkrunarfræðingum og 30 sjálfboðaliðum sem voru tilbúnir til að veita fyrstu hjálp til bæði leikmanna og áhorfenda ef á þurfti að halda.

Það skipti ekki máli þó að geta liðanna væri ólík. Áhorfendur fögnuðu alveg jafn ákaft þegar heimsmeistararnir skoruðu og þegar hetjurnar heima fyrir náðu skoti á markið. Þó að lokastaðan hafi verið 6-0 fyrir Brasilíu fannst öllum þeir vera sigurvegarar. Þeir þúsundir áhorfenda sem voru á vellinum fundu fyrir miklu stolti yfir því að stórstjörnur Brasilíu hefðu samþykkt að heimsækja þá og spila fótbolta í þessu litla, hrjáða landi, sem nýlega hafði verið vettvangur borgaralegra átaka og mikilla flóða.

18. ágú. 2004 : Alþjóðlegar sumarbúðir 2004

Alþjóðlegar sumarbúðir eru haldnar annað hvert ár. Þarna sjást þátttakendur sumarbúðanna árið 2002.
Skráning er hafin á alþjóðlegar sumarbúðir sem Ungmennahreyfing Rauða kross Íslands heldur dagana 2. til 6. september 2004. Skráningin stendur yfir til 23. ágúst. Sjálfboðaliðar frá átta landsfélögum á aldrinum 16-25 ára hafa tilkynnt þátttöku sína.

Sumarbúðirnar verða að þessu sinni haldnar að Snorrastöðum á Snæfellsnesi þar sem gist verður í sumarbústöðum.

Aðal þema sumarbúðanna verður Börn í stríði og munu erlendu þátttakendurnir segja okkur frá því sem er að gerast í heimalandi sínu sem tengist viðfangsefninu. Unnið verður í hópum að ýmsum málefnum sem varða börn í stríði og munu þátttakendur kynna niðurstöður sínar m.a. í fjölmiðlum hérlendis og í heimalöndum. Samhliða hópavinnunni verður ýmis konar útivist og félagslíf.

9. ágú. 2004 : Stórslys í Alpafjöllunum - evrópukeppni í skyndihjálp

Sjö ungmenni af höfuðborgarsvæðinu héldu suður til Alpafjallanna í byrjun júní í þeim tilgangi að taka þátt í Evrópukeppni Rauða krossins í skyndihjálp. Keppnin var haldin í fallegum dal í bænum Bad Hofgastein í Austurríki. Dagarnir áður en keppnin fór fram voru nýttir í skoðunarferðir um ægifegurt nágrennið. Meðal annars var heimaborg Mozartkúlnanna, Salzburg, sótt heim auk þess sem farið var upp á fjallið Schlossalm með kláfferju.

Keppnisdagurinn sjálfur var langur og strangur en umfram allt stórskemmtilegur. Keppnin fer þannig fram að sviðsett eru mismunandi slys og óhöpp, til dæmis bílslys, bankarán, drukknun í sundlaug og svo framvegis. Til að gera langa sögu stutta hlaut íslenska liðið 78% stiganna og endaði í 24. sæti af 26. Árangurinn er kannski ekki til að hrópa húrra fyrir en við erum reynslunni ríkari og þegar farin að undirbúa þjálfun næsta liðs. Sigurvegarinn þetta árið var liðið frá Armeníu sem þótti tíðindum sæta.

27. júl. 2004 : Ungliðahreyfing Skagafjarðardeildar tók þátt í Hafnardegi á Sauðárkróki

Hafnardagur var haldinn hátíðlegur á Sauðárkróki 17. júlí síðastliðinn. Á dagskránni voru ýmsir viðburðir í bænum á vegum hinna ýmsu aðila.  Ungliðahreyfing Skagafjarðardeildar tók virkan þátt í þessum dögum með  því að opna fatamarkað og kaffisölu fyrir utan húsakynni sín við Aðalgötu 10.  Þar unnu sjálfboðaliðar við að selja föt, leikföng og margt fleira á sanngjörnu verði.  Fötin komu frá Fataflokkunarstöð Rauða krossins í Hafnarfirði og nokkrir velunnarar Skagafjarðardeildar gáfu tertur sem seldar voru með kaffinu og auk þess bökuðu sjálfboðaliðar vöfflur sem runnu út eins og heitar lummur.

Allur ágóði sem fékkst við þessa sölu mun renna til mannúðarmála Rauða krossins.

13. júl. 2004 : BUSLarar í Sommarsol

Mánudaginn 28. júní síðastliðinn lögðu fimmtán BUSLarar (Besta Unglingastarf Sjálfsbjargar) af stað til Sommarsol á Vejbystrand í Suður Svíþjóð ásamt níu leiðbeinendum.

Mikill undirbúningur hefur verið fyrir ferðina og ýmislegt gert til þess að safna fé. Markmið ferðarinnar er meðal annars að víkka sjóndeildarhring unglinganna og hvetja þau til þess að vera óhrædd að takast á við hið óþekkta í framtíðinni. Ýmislegt skemmtilegt var á dagskrá í ferðinni. Hópurinn hefur sett fréttir frá ferðinni á heimasíðuna  http://busl.vortex.is  þar sem finna má ýmislegt um þessa skemmtilegu ferð. Hópurinn kom heim 4. júlí síðastliðinn. 

Myndasýning

12. júl. 2004 : Námskeiðin Mannúð og Menning haldin á höfuðborgarsvæðinu

Þátttakendur á námskeiðinu Mannúð og Menning með leiðbeinendunum Susan Martin og Hildi Tryggvadóttur Flóvenz.
Sumarið 2004 ákváðu Rauða kross deildirnar á höfuðborgarsvæðinu að bjóða krökkum á aldrinum 9-11 ára á námskeiðið Mannúð og Menningu, sem var áður haldið á vegum Ungmennadeildar Reykjavíkurdeildar Rauða krossins. 

Dagskrá námskeiðsins, sem er vikulangt, er fjölbreytt blanda af fræðslu og leik sem stuðla á að auknum þroska þeirra í samskiptum við aðra. Sérstök áhersla er lögð á að útskýra og túlka tilgang og markmið í starfi Rauða kross hreyfingarinnar þannig að börnin geti tileinkað sér þau gildi sem felast í mannúðarhugsjóninni. Með öðrum orðum erum við að benda krökkunum á að allt starf Rauða krossins byggist fyrst og fremst á sameiginlegum eiginleika sem allir menn búa yfir, sem er góðmennska eða kærleikur.

9. júl. 2004 : Sjálfboðaliða vantar á sumarbúðirnar að Löngumýri í Skagafirði 24.júlí nk.

Þennan dag stendur til að fara í gönguferð á Gvendarskál fyrir ofan Hóla í Hjaltadal. Sumarbúðirnar eiga þar til gerðan sérsmíðaðan stól sem hægt er að bera í þá sem ekki komast af sjálfdáðum upp á fjallið. Því vantar sjálfboðaliða til að bera stólinn upp. 

Reiknað er með 4 tímum í gönguna frá kl. 11 til 15 þannig að gott væri að sjálfboðaliðar hefðu nesti með sér en síðan er boðið upp á miðdegiskaffi að Löngumýri um kl. 16 og sund fyrir þá sem vilja í Varmahlíð og svo kvöldmat á eftir að Löngumýri. Eitthvað pláss er inni í svefnpokaplássi og svo er hægt að tjalda í garðinum. Þá væri hægt að taka þátt í kvöldvöku sumarbúðanna en þær eru hin besta skemmtun.

7. júl. 2004 : SAMAN-hópurinn kynnir niðurstöður könnunar á viðhorfum foreldra

SAMAN-hópurinn stóð að gerð sjónvarpsauglýsinga „Setjum okkur í spor annars".
Þriðjudaginn 6. júlí sl. hélt SAMAN-hópurinn blaðamannafund þar sem kynntar voru niðurstöður könnunar sem Gallup gerði á viðhorfum foreldra til ýmissa þátta er varða uppeldi barna og unglinga og áfengis- og vímuefnanotkun.

Árið 2003 gerði Rannsóknir og greining ehf., könnun á vímuefnaneyslu nemenda í 8. ,9. og 10. bekk. Athyglisvert er að bera þessar kannanir saman. Um 20% foreldra barna í 10. bekk vissu að barn þeirra hefði drukkið áfengi, hins vegar sögðust 75% nemenda í 10. bekk árið 2003 hafa smakkað áfengi, þar af sögðust tæp 54% hafa orðið drukkin. Ljóst er að þrátt fyrir að foreldrar telji sig fylgjast vel með börnum sínum og hafi ákveðnar reglur og ramma í uppeldinu kemur í ljós að misræmis gætir milli hugmynda foreldra um neyslu unglinganna og þeirra svara sem unglingarnir gefa um eigin neyslu.

1. júl. 2004 : Fræðsla fyrir nemendur Vinnuskóla Reykjavíkur

Krakkar frá Hvassaleitisskóla, Álftamýrarskóla og Háaleitisskóla með leiðbeinendum Vinnuskólans og Bóasi og Sigríði Víðis.
Þessa dagana er mikið um að vera í Sjálfboðamiðstöð Reykjavíkurdeildarinnar á Hverfisgötunni. Næstu vikurnar er reiknað með að um sjö hundruð unglingar leggi þangað leið sína.

Reykjavíkurdeild Rauða kross Íslands og Geðrækt gerðu samning við Vinnuskóla Reykjavíkur um að bjóða 15 ára nemendum Vinnuskólans uppá fræðsludag og koma á milli 15 og 25 nemendur á hverjum degi dag hvern frá 14 júní og út júlí.

24. jún. 2004 : Mannúð og menning, námskeið haldið í Austurbyggð

Kennslustund fór fram utandyra í blíðunni.
Stöðvarfjarðar- og Fáskrúðsfjarðardeildir Rauða kross Íslnads gengust sameiginlega fyrir námskeiðinu Mannúð og menning í Austurbyggð dagana 7. – 11. júní sl.  Leiðbeinendur voru Jóhanna Hauksdóttir og Aðalheiður Birgisdóttir.

Á námskeiðinu var lögð áhersla á fræðslu og leiki í tengslum við hugsjónir Rauða krossins um mannúð og óhlutdrægni.  Þátttakendur fræddust um starf Rauða krossins,  allt frá Henri Dunant til dagsins í dag, grundvallarmarkmið RKÍ, hvað þau þýddu og hvernig við gætum nýtt okkur þau í daglegu lífi.  Miklar og líflegar umræður spruttu út frá þeim umræðum.  Rætt var um Genfarsáttmálann, markmið hans og hvort verið gæti að hann væri brotinn í dag.   Voru allir sammála um að það væri raunin, og fannst sorglegt. 

16. jún. 2004 : Landsfundur Urkí

Landsfundur Urkí  verður haldin í Efstaleiti 9 næstkomandi  laugardag (19. júní) klukkan 13:00.

Dagskrá fundarins er eftirfarandi:

1. Farið yfir starf síðasta árs
2. Starfsreglur yfirfarnar
3. Kosningar/val í stjórn Urkí næsta árs
4. Önnur mál

Stjórn Urkí fundar á 6-8 viknafresti - yfirleitt í Reykjavík.

Allir velkomnir

4. jún. 2004 : Annríki hjá Skyndihjálparhóp

Rauði krossinn starfrækir skyndihjálparhóp í Reykjavík eins og kunnugt er. Meðlimir hópsins hafa eðli máls samkvæmt brennandi áhuga á skyndihjálp og standa fyrir reglulegum æfingum og fræðslu fyrir meðlimi hópsins. Auk þess tekur hópurinn að sér skyndihjálpargæslu við ýmis tækifæri svo sem eins og á framhaldsskólaböllum, verslunarmannahelgum og stórtónleikum. Aldrei hefur verið meira að gera hjá hópnum en um þessar mundir.

25. maí 2004 : Heimsóknir til fanga

Sjálfboðaliðar Rauða krossins heimsækja fanga á Litla Hrauni og sömuleiðis á Sogni. Beiðnir koma frá föngum í gegnum millilið í fangelsinu...

17. maí 2004 : Söfnunin fyrir Kabúl

Þegar þessar línur eru ritaðar er búið að pakka í 700 kassa þannig að nú á bara eftir að flokka og pakka í nokkuð hundruð kassa til viðbótar. Við stefnum á að hafa opið hús upp í fataflokkun næstu þrjá daga frá kl.18:00 - 21:00

11. maí 2004 : Fatasending til Afganistan

Fyrirhugað er að vera með söfnum á fatnaði næstu helgi og því bráðvantar okkur sjálfboðaliða til starfa. Utanríkisráðaneytið mun um næstu mánaðarmót senda flugvél fulla af hjálpargögnum til Kabul í Afganistan og hefur Rauði kross Íslands tekið að sér að safna og senda með vélinni um 15 tonna af fatnaði

11. maí 2004 : Fatasending til Afganistan

7. maí 2004 : Fjöldahjálparæfing í Árbæjarskóla

Þriðjudaginn 11.maí næstkomandi verður haldin fjöldahjálparæfing í Árbæjarskóla. Okkur vantar sjálfboðaliða til að mæta á staðinn og láta skrá sig inn í fjöldahjálparstöðina. Æfingin hefst kl. 17 og gaman væri að sjá sem flesta. Æfingin tekur um klukkustund. Fyrir hönd yfirneyðarnefndar Reykjavíkurdeildar Rauða kross Íslands Erla Svanhvít erlasvanhvit@hotmail.com

26. apr. 2004 : Sjálfboðaliðar á faraldsfæti

Tveir Urkí hópar hafa undanfarna mánuði séð um öll þrif í Sjálfboðamiðstöð Reykjavíkurdeildar. Þetta eru Alþjóðahópur og Átakshópur. Vinnulaunin ætla hóparnir að nýta í utanlandsferðir sem þeir ætla...

23. apr. 2004 : FACE

FACE er skyndihjálparkeppni landsfélaga Rauða krossins og fer hún nú fram í Salzburg í Austurríki um miðan júní...

23. apr. 2004 : FACE

FACE er skyndihjálparkeppni landsfélaga Rauða krossins og fer hún nú fram í Salzburg í Austurríki um miðan júní...

23. apr. 2004 : Spilamaraþon hjá BUSLurum

BUSLarar stóðu fyrir spilamaraþoni 17-18 apríl sem lið í að safna fyrir ferð á sumarbúðir í Svíþjóð sem haldnar verða í lok júní...

14. apr. 2004 : Vorfundur Urkí-R

Vorfundur Urkí R verður haldinn í Sjálfboðamiðstöð Reykjavíkurdeildar, Hverfisgötu 105, miðvikudaginn 21. apríl klukkan 20:00.

14. apr. 2004 : Spilamaraþon

BUSLarar ætla að standa fyrir spilamaraþoni frá laugardegi til sunnudags og hefst spilamennskan kl. 9:00 á laugardagsmorgni. Spilað verður á ýmis spil: Matador, Cadran, Risk og fleira...

7. apr. 2004 : Spenna í Sjálfboðamiðstöð

Laugardaginn 3. apríl s.l. héldu félagar í ferðafélaginu Víðsýn bingó að Hverfisgötu 105 í húsi Sjálfboðamiðstöðvar Reykjavíkurdeildarinnar. Um 50-60 manns mættu og spennan var rafmögnuð enda afar fínir vinningar sem fjöldi fyrirtækja hafði gefið.

5. apr. 2004 : Skyndihjálparvakt á Sugababes

Tónleikar með Sugababes verða í Höllinni á fimmtudaginn 8. apríl Sjálfboðaliða vantar til að taka að sér skyndihjálpargæslu á tónleikana...

2. apr. 2004 : Námstefna um vinadeildasamstarf 24. apríl 2004

Nú gefst tækifæri til að fræðast um vinadeildasamstarf og hafa áhrif á framtíð þess. Námstefna um vinadeildasamstarf verður haldin laugardaginn 24. apríl n.k. kl. 10 - 17 í húsnæði Rauða krossins að Efstaleiti 9 í Reykjavík...

29. mar. 2004 : Bingó

Laugardaginn 3. apríl heldur Ferðafélagið Víðsýn BINGÓ í Sjálfboðamiðstöð Rauða krossins að Hverfisgötu 105, kl.14:00.

17. mar. 2004 : Frí leiksýning

Sjálfboðaliðum Urkí er boðið á sýninguna Draugalestin. Fjórir karlmenn hittast í lítilli herbergiskompu til að ræða málin. Og blóðið lekur niður veggina....

15. mar. 2004 : Árshátíð Urkí

Árshátíð Urkí var haldin með pompi og prakt í Þjóðleikhúskjallaranum síðastliðið laugardagskvöld og stóð gleðin fram á nótt. Tæplega 50 Urkí félagar mættu á árshátíðina og skemmtu sér konunglega...

15. mar. 2004 : Árshátíð Urkí

Árshátíð Urkí var haldin með pompi og prakt í Þjóðleikhúskjallaranum síðastliðið laugardagskvöld og stóð gleðin fram á nótt. Tæplega 50 Urkí félagar mættu á árshátíðina og skemmtu sér konunglega...

8. mar. 2004 : Tvítyngd börn - fyrirlestur mið. 10.03 kl. 18:00

Tvítyngd börn stríða við ýmis vandamál í íslenskum grunnskólum. Ingibjörg Hafstað fjölmenningarfræðingur verður með fræðsluerindi um þessi mál í Sjálfboðamiðstöðinni, Hverfisgötu 105, á miðvikudaginn kl. 18:00- 20:00.

5. mar. 2004 : Alltaf sígild - alltaf ljúf

Nú er loks komið að hinni langþráðu og óviðjafnanlegu ÁRSHÁTÍÐ Urkí-Reykjavík sem verður haldin laugardaginn 13. mars. Að þessu sinni verður hún í Þjóðleikhúskjallaranum, Þessum fornfræga stað í húsi með sál og veggjum sem anda...

27. feb. 2004 : Námsvist við alþjóðlegan menntaskóla

Auglýst er eftir umsóknum um skólavist við alþjóðlegan menntaskóli í Fjaler í Noregi. Alþjóðlegi menntaskólinn í Fjaler í Noregi er rekinn af Alþjóðasambandi Rauða krossins og Rauða hálfmánans.

13. feb. 2004 : Dagskrá Skyndihjálparhóps í feb. og mars

Stefnt er á að senda lið til Austurríkis og keppa fyrir hönd Rauða kross Íslands í skyndihjálp. Því verður dagskrá hópsins stíluð að einhverju leyti inn á það...

13. feb. 2004 : Dagskrá Skyndihjálparhóps í feb. og mars

Stefnt er á að senda lið til Austurríkis og keppa fyrir hönd Rauða kross Íslands í skyndihjálp. Því verður dagskrá hópsins stíluð að einhverju leyti inn á það...

10. feb. 2004 : Stórslys í hlöðunni.

Helgina 6. til 8. febrúar síðastliðinn stóð skyndihjálparhópur URKÍ-R fyrir framhaldsnámskeiði í skyndihjálp í Alviðru í Ölfusi. Námskeiðinu var ætlað að vera klæðskerasniðið að þörfum hópsins...

9. feb. 2004 : Skautaferð í Laugardalinn

Síðastliðinn föstudagseftirmiðdag gerðu börn og sjálfboðaliðar sér glaðan dag í Skautahöllinni í Laugardalnum en undanfarin þrjú ár hefur Reykjavíkurdeild Rauða krossins starfrækt verkefni þar sem útlensk börn eru aðstoðuð við heimanám og málörvun...

2. feb. 2004 : Hvíta húsið afhent Akraneskaupstað

Miðvikudaginn 28. janúar sl. afhentu Rauða kross deildirnar á Vesturlandi Akraneskaupstað ungmennahúsið "Hvíta húsið" formlega.

30. jan. 2004 : Lumar þú á góðri hugmynd?

Urkí hefur oft staðið fyrir átaksverkefnum á ýmsum sviðum. Kynsjúkdómaforvarnir eru eitt af þeim verkefnum sem Urkí hefur látið sig mest varða. Þar er smokkurinn næstbesta vörnin og hefur Urkí gert ýmislegt til að gera hann sýnilegan og hvetja til notkunar á honum þegar við á. Meðfylgjandi mynd er einmitt hluti af veggspjaldi sem Urkí lét eitt sinn gera. Okkur vantar alltaf góðar hugmyndir....

27. jan. 2004 : Skyndihjálparkeppni í Austurríki

Skyndihjálparhópur hefur ákveðið að taka þátt í skyndihjálparkeppni í Austurríki í júní næstkomandi og leitar að hæfu fólki til að taka þátt í keppninni.....

22. jan. 2004 : Paldiski

Leitað er að hæfum sjálfboðaliðum til að undirbúa og kenna leiðtoga-og fordómanámskeið í Paldiski í Eistlandi...

21. jan. 2004 : Dagskrá Skyndihjálparhóps í janúar og febrúar

Boðið verður upp á námskeið í starfi á vettvangi og Skyndihjálp2

21. jan. 2004 : Dagskrá Skyndihjálparhóps í janúar og febrúar

Boðið verður upp á námskeið í starfi á vettvangi og Skyndihjálp2

15. jan. 2004 : Metár hjá Skyndihjálparhóp

Aldrei hefur Skyndihjálparhópur tekið jafn margar vaktir og á síðasta ári. Heita má að varla sé haldið framhaldsskólaball eða stórtónleikar öðruvísi en að Skyndihjálparhópur taki að sér sjúkragæsluna...

7. jan. 2004 : Jarðskjálftar í Íran

Hinar hörmulegu jarðskjálftahamfarir sem áttu sér stað í Íran á milli jóla og nýárs fóru ekki framhjá neinum.

2. jan. 2004 : Vaknað í Brussel

Dagana 21-26 nóvember síðastliðinn var farið í fræðsluferð á vegum UFE á Íslandi til Brussel, til höfuðstöðva ESB. Rauði kross Íslands bauð Jens Ívari Albertssyni með í ferðina sem fulltrúa Rauða krossins. Hér eru punktar sem hann skrifaði í ferðinni.