Mórall kynnir Rauða krossinn fyrir Lionsklúbbnum Úu

4. maí 2011

Nokkrar stelpur úr Móral, ungmennastarfi Kjósarsýsludeildar, héldu kynningu á Rauða krossinum og ungmennastarfi deildarinnar fyrir Lionskonur í klúbbnum Úu sem hélt aðalfund sinn í húsnæði deildarinnar. Sögðu þær frá verkefnum ársins og hvað framundan er hjá þeim.

Það hefur verið nóg að gera í ár hjá krökkunum í Móral. Þau hafa fræðst um Rauða krossinn og verkefni hans innanlands sem utan og tekið þátt í sameiginlegum uppákomum og ferðum með krökkum í ungmennastarfi Rauða krossins á höfuðborgarsvæðinu. Þau skipulögðu og héldu jólamarkað þar sem allur ágóðinn, 60.000 krónur, rann í jólaaðstoð deildarinnar. Ýmislegt er framundan hjá krökkunum, eins og skyndihjálparnámskeið og heimsókn í Fataflokkun Rauða krossins.

Lionskonur voru mjög áhugasamar og spurðu stelpurnar spjörunum úr.