8. feb. 2013 : Athvarfið Vin 20 ára

5. jan. 2012 : Skrifað undir nýjan samning um rekstur Lækjar

Hafnarfjarðardeild Rauða kross Íslands og Hafnarfjarðarbær undirrituðu nú í vikunni nýjan samstarfssamning um rekstur Lækjar, athvarfs fyrir fólk með geðraskanir. Með nýjum samningi er rekstur athvarfsins tryggður á árinu 2012.

Lækur hefur verið rekinn frá árinu 2003 og hefur á starfstíma sínum sannað mikilvægi sitt enda eina virknisúrræðið fyrir fólk með geðraskanir í Hafnarfirði. Aðsókn að athvarfinu hefur aukist jafnt og þétt og nú er svo komið að gestakomur hafa aldrei verið fleiri en á nýliðnu ári. Starfið er í miklum blóma og þar ættu gestir að geta fundið eitthvað við sitt hæfi í fjölbreyttri dagskrá.

Það voru þær Rannveig Einarsdóttir sviðstjóri félagsþjónustu Hafnarfjarðarbæjar og Ingibjörg Ásgeirsdóttir formaður Hafnarfjarðardeildar RKÍ sem undirrituðu samninginn sem er til eins árs.

5. jan. 2012 : Skrifað undir nýjan samning um rekstur Lækjar

Hafnarfjarðardeild Rauða kross Íslands og Hafnarfjarðarbær undirrituðu nú í vikunni nýjan samstarfssamning um rekstur Lækjar, athvarfs fyrir fólk með geðraskanir. Með nýjum samningi er rekstur athvarfsins tryggður á árinu 2012.

Lækur hefur verið rekinn frá árinu 2003 og hefur á starfstíma sínum sannað mikilvægi sitt enda eina virknisúrræðið fyrir fólk með geðraskanir í Hafnarfirði. Aðsókn að athvarfinu hefur aukist jafnt og þétt og nú er svo komið að gestakomur hafa aldrei verið fleiri en á nýliðnu ári. Starfið er í miklum blóma og þar ættu gestir að geta fundið eitthvað við sitt hæfi í fjölbreyttri dagskrá.

Það voru þær Rannveig Einarsdóttir sviðstjóri félagsþjónustu Hafnarfjarðarbæjar og Ingibjörg Ásgeirsdóttir formaður Hafnarfjarðardeildar RKÍ sem undirrituðu samninginn sem er til eins árs.

12. des. 2011 : Nýr samstarfssamningur undirritaður um rekstur Dvalar

Nýr samstarfssamningur um rekstur athvarfsins Dvalar var undirritaður fyrir helgi. Athvarfið er fyrir fólk með geðraskanir og tryggir samningurinn áframhaldandi rekstur á næsta ári. Ingibjörg Lilja Diðriksdóttir, formaður Kópavogsdeildar, og Guðrún Pálsdóttir, bæjarstjóri Kópavogs, undirrituðu samninginn í Dvöl.

8. des. 2011 : Jólaskákmót í Vin

5. okt. 2011 : Fjölskyldu sundrað

7. sep. 2011 : Skemmtilegt afmælismót í Vin

Alþjóðlegi meistarinn Haukur Angantýsson sigraði á afmælismóti Ingibjargar Eddu Birgisdóttur í Vin –athvarfi Rauða kross Íslands fyrir fólk með geðraskanir. Mótið var afar hressilegt enda vel skipað og góðir gestir í heimsókn. Skákstjórinn hann Stefán Bergsson varð annar og Hjálmar Sigurvaldason átti flott mót og varð þriðji í mótinu. Ingibjörg hefur verið dugleg að mæta á æfingar og mót í Vin og hún hélt utan um skákina í sumar. Þessi fyrrum Íslandsmeistari kvenna sem er komin aftur eftir langt hlé mun tefla með Selfyssingum í vetur.

Hinn geðþekki borgarfulltrúi Óttarr Proppé setti mótið með nokkrum afar vel völdum orðum og lék fyrsta leikinn fyrir Grétar Sigurólason sem tefldi gegn afmælisbarninu. Það var þó ekki gert fyrr en Þórdís Rúnarsdóttir, forstöðukona athvarfsins, hafði fært Ingu afmælisgjöf með hlýjum orðum.

29. jún. 2011 : Gestir Dvalar heimækja Hvanneyri

Gestir Dvalar og starfsmenn lögðu á dögunum land undir fót og var ferðinni heitið til  Hvanneyrar. Þátttakan var mjög góð og hópurinn söng á leiðinni ásamt því að njóta leiðsagnar um það sem fyrir augu bar. Það var tekið vel á móti hópnum á Hvanneyri og hann fékk fræðslu um traktora og önnur gömul tæki auk þess að skoða kirkjuna á staðnum. Þá var einnig komið við í Ullarsetrinu þar sem hópurinn kynnti sér garn og prjónavörur.

Á heimleiðinni var svo keyptur ís fyrir alla og það er óhætt að segja að dagurinn hafi verið viðburðaríkur og ánægjulegur. Einn gestanna spurði hvort ekki væri boðið upp á hvíld að loknu ferðalaginu en allir komu þreyttir en sælir í bæinn.

14. sep. 2010 : Gestir Dvalar á myndlistarsýningu

Gestir og starfsmenn Dvalar, fóru á dögunum og skoðuðu myndlistarsýningu sem Ágústhópurinn stendur fyrir í ráðhúsi Reykjavíkur þessa dagana. Ágústhópurinn samanstendur af fjórum myndlistarkonum og hefur ein þeirra leiðbeint á námskeiðum sem hafa verið í Dvöl, eins og saumanámskeiði fyrr á þessu ári. Meðal efnistaka í myndunum er ást, frelsi og lífsgleði. Allt sem getur gefið manni jákvæðan innblástur í dagsins önn.

27. júl. 2010 : Víðsýn á víkingaslóðum

Þann 22. júli héldu félagar í ferðafélaginu Víðsýn og Vin, athvarfi Rauða krossins fyrir fólk með geðraskanir,  í dagsferð. Var förinni heitið að Eiríksstöðum í Dölunum til þess að skoða víkingasafnið þar.

Alls voru 28 félagar Víðsýnar og Vinjar með í för.

8. jún. 2010 : Sjálfboðaliðar nutu veðurblíðu á vorgleði

Vorgleði sjálfboðaliða Kópavogsdeildar var haldin í sól og blíðu á laugardaginn í athvarfinu Dvöl við Reynihvamm 43. Sjálfboðaliðarnir fjölmenntu með maka, börn, barnabörn og aðra ættingja. Gestirnir nutu veðurblíðunnar saman yfir grillmat og öðrum veitingum. Þeir sungu saman og börnin fengu andlitsmálun.

Gleðin er haldin árlega og er eins konar uppskeruhátíð sjálfboðaliða deildarinnar þar sem markmiðið er að fagna starfsvetrinum og gleðjast saman í upphafi sumars. Deildin metur mikils framlag sjálfboðaliða sinna og þakkar þeim fyrir vel unnin sjálfboðin störf í vetur.


27. maí 2010 : Valdaefling í verki til umræðu á fjölmennu málþingi

Geðheilsa er víðtækt hugtak og hún skiptir sköpum í samfélagi manna. Byggjum betra samfélag – valdaefling í verki var yfirskrift málþings sem haldið var á Rósenborg á Akureyri í gær. Málþingið sóttu um 90 manns og erindin höfðuðu til almennings, fagfólks, sveitarstjórnamanna, fólks út atvinnulífinu og skólafólks.

Rauði krossinn var með innlegg frá ýmsum sjónarhornum. Helga G. Halldórsdóttir sviðsstjóri innanlandssviðs kynnti niðurstöður könnunarinnar Hvar þrengir að?, Guðný H. Björnsdóttir svæðisfulltrúi á Norðurlandi kynnti hvað er á döfinni hjá Rauða krossinum í geðheilbrigðismálum. Helga Einarsdóttir forstöðumaður Lautar, athvarfs fyrir fólk með geðraskanir á Akureyri var með innleggið „Áhrif gesta á Laut“ og Jónatan Már Guðjónsson gestur athvarfsins sagði sína reynslu undir yfirskriftinni „Að brjótast út úr einangrun“. Áhersla var lögð á að fá fram viðhorf notenda til úrræða sem eru í boði.

12. maí 2010 : BINGÓÓÓÓ

Félagar í ferðafélaginu Víðsýn, sem auðvitað er staðsett í Vin, héldu sitt árlega fjáröflunarbingó í Rauðakrosshúsinu Borgartúni 25 í byrjun maí.

Var þetta í fyrsta sinn sem bingóið var haldið í Borgartúninu og var undirbúningur talsverður, en fjöldi gesta og starfsmanna athvarfsins hafði komið að vinningaöflun og tóku svo að sér bingóspjaldasölumennsku auk þess að standa í sjoppunni, þar sem hægt var að fá samlokur, súkkulaði og alls kyns drykki.

Á fjórða tug manna, kvenna og barna sat þarna í hóp með hverja taug spennta, enda glæsilegir vinningar í boði, má þar nefna; leikhúsferðir, út að borða, hótelgisting og allt fyrir tvo, auk þess matarkörfur og fleira flottmeti. Spilaðar voru allar mögulegar útfærslur, lárétt og lóðrétt og H og L og hvaðeina undir stjórn bingómeistarans Inga Hans Ágústssonar en um kynningar og afhendingu vinninga sá Ása Hildur Guðjónsdóttir.

15. mar. 2010 : Skákfélag Vinjar að stimpla sig inn

Skákfélag Vinjar tók þátt í Íslandsmóti skákfélaga annað árið í röð þennan veturinn og fór síðari hluti mótsins fram í byrjun mars í Rimaskóla. Skákfélagið er starfrækt innan veggja Vinjar, sem er athvarf fyrir fólk með geðraskanir og er að Hverfisgötu 47 í Reykjavík. Tefldar eru skákir þar sem umhugsunartíminn er 90 mínútur á mann.

Fyrir þennan síðari hluta, þar sem tefldar voru þrjár umferðir, var Skákfélag Vinjar í 9. sæti af 32 liðum í 4. deild og byrjaði ekki mjög vel. Vantaði þrjá menn í liðið sem alls telur sex, en 30 félagar eru skráðir þannig að alltaf eru einhverjir til taks.

Hrannar Jónsson á fyrsta borði, Björn Sölvi Sigurjónsson á öðru og Jón Birgir Einarsson á því þriðja drógu vagninn og var frammistaða þeirra mögnuð. Neðri borðin kræktu í einn og einn vinning og liðið endaði í sjötta sæti sem er frábær árangur. Talsverð upplifun er að sitja yfir svo löngum skákum og vera hluti af þeim 400 manna hópi sem er í þungum þönkum í íþróttasal Rimaskóla mest alla helgina.

1. feb. 2010 : Starfsemi Lækjar tryggð árið 2010

Eitt að síðustu verkefnum Hafnarfjarðardeildar árið 2009 var að undirrita samning um rekstur Lækjar, athvarfs fyrir fólk með geðraskanir, fyrir árið 2010.

Lækur er rekinn sem samstarfsverkefni Hafnarfjarðardeildar Rauða krossins, Hafnarfjarðarbæjar og Svæðisskrifstofu um málefni fatlaðra á Reykjanesi, en athvarfið var opnað árið 2003.

Samningurinn sem nú var gerður er til eins árs. Ástæða þess að samið er til skamms tíma í þetta skiptið er að áætlað er að málefni fatlaðra flytjist frá ríki til sveitarfélaga árið 2011. Starfsemi Lækjar hefur því verið tryggð fyrir árið 2010 en gera má ráð fyrir að sest verði að nýju að samningaborðinu næsta haust .

15. des. 2009 : Jólastund í Vesturafli

Það var glatt á hjalla í Vesturafli á Ísafirði á dögunum þegar boðið var til jólastundar með gestum og starfsfólki athvarfsins.Gestirnir sáu um allan undirbúning, bökuðu smákökur, hituðu súkkulaði og skreyttu allt hátt og lágt. Lesnar voru upp vestfirskar jólasögur og Rauða kross bandið stýrði fjöldasöng þar sem jólalögin voru sungin af innlifun. Uppskriftirnar eru ekkert leyndarmál og þær má finna í jólablaði héraðsfréttablaðsins Bæjarins besta.

Vesturafl er eitt af athvörfum fyrir fólk með geðraskanir sem rekin eru með stuðningi Rauða krossins. Rauða kross deildirnar á Vestfjörðum eru bakhjarlar athvarfsins ásamt Félagsmálaráðuneyti og sveitarfélögunum á svæðinu.

15. des. 2009 : Frábær þátttaka á jólamóti Skákfélags Vinjar

Tuttugu og þrír skráðu sig til leiks á jólamóti Skákfélags Vinjar í gær en mótið var kl. 13:15 í Vin að Hverfisgötunni. Var þetta næstfjölmennasta mót í Vin frá upphafi og stuð og fjör í stofunum.

Tefldar voru sex umferðir með sjö mínútna umhugsunartíma og í miðju móti var jólalegt kaffiborð, með nýbökuðum smá- og piparkökum og nammi út um allt.

Hinn kraftmikli formaður Víkingaklúbbsins sem nýlega krækti sér í heimsmeistaratitil í lyftingum, Gunnar Freyr Rúnarson, sigraði glæsilega með 5 og hálfan vinning. Hrafn Jökulsson, nýkominn úr ferska loftinu að Ströndum, sýndi heldur betur snarpa takta og náði fimm vinningum. Hrannar Jónsson, sem þrátt fyrir mikið umstang við skákstjórn, var beittur og kom þriðji með 4,5.

4. des. 2009 : Valdaefling í verki – byggjum betra samfélag

Rauði krossinn í samstarfi við Hlutverkasetur og félags- og tryggingamálaráðuneytið hefur staðið fyrir málþingum um geðverndarmálefni undir yfirskriftinni „valdefling í verki - byggjum betra samfélag“.

8. okt. 2009 : GÍA tók forskot á Alþjóða geðheilbrigðisdaginn.

Gígja Thoroddsen, eða GÍA, opnaði myndlistarsýningu í Vin, athvarfi Rauða kross Íslands fyrir fólk með geðraskanir, á miðvikudaginn. Sýningin verður uppi til 21. október en hún er haldin í tilefni alþjóðlegs geðheilbrigðisdags þann 10. október. Sýningin nefnist „Tveggja hæða vit.” Gía bauð upp á léttar veitingar við opnunina og húsið fylltist af gestum.

Yfirskrift Alþjóða geðheilbrigðisdagsins í ár er: Öflugri og aðgengilegri geðheilbrigðisþjónusta

Haldið verður upp á daginn í göngugötunni í Mjódd og í húsakynnum Hugarafls að Álfabakka 16, laugardaginn 10. október frá kl. 13:00 – 16:30. Álfheiður Ingadóttir nýr heilbrigðisráðherra mun flytja ávarp og tónlistarmennirnir Geir Ólafs, Ingó úr Veðurguðunum og unglingahljómsveitin GÁVA taka lagið. Margt verður í boði og að sjálfsögðu verður árlegt skákmót í tilefni dagsins haldið við lok formlegrar dagskrár.

25. sep. 2009 : Félagsvinur barna og unglinga

Félagsvinur barna og unglinga er verkefni til stuðnings börnum og unglingum sem eiga við geðræn vandamál að stríða og/eða eiga foreldri/foreldra með geðraskanir.

Rauði krossinn hóf verkefnið á síðasta skólaári og er stefnt er að því að halda verkefninu áfram á þessu ári. Sjálfboðaliðar til þessa eru nemendur úr Háskóla Íslands og Háskólanum í Reykjavík og hitta þeir börnin einu sinni í viku í a.m.k. tvær klst. í senn. Börnin voru kvödd formlega með skemmtilegum hóphittingi í lok verkefnis síðasta vor með samveru og grillmat í Húsdýragarðinum.

22. sep. 2009 : Ómar sigraði á afmælismóti forsetans

Fimmtán þátttakendur voru skráðir til leiks á afmælismóti til heiðurs forseta Skáksambandsins, Gunnari Björnssyni, sem haldið var í Vin, á mánudaginn, strax uppúr hádegi.

29. júl. 2009 : Gull um háls afmælisbarnsins

Tuttugu og tveir þátttakendur skráðu sig til leiks á stórafmælismót til heiðurs Róberti Lagerman í Vin, athvarfi Rauða kross Íslands, í gær, eftir hádegismatinn.
Frábær þátttaka og mótið firnasterkt. Þó andrúmsloftið hafi verið afslappað þá var hart barist og enginn afsláttur gefinn, en teflt var bæði innan- og utandyra þar sem veðurblíða ríkti.

Fyrir mótið fékk Róbert, aðalleiðbeinandi hjá Skákfélagi Vinjar undanfarin ár, hlýjar kveðjur og bókina “The days run away like wild horses over the hill” eftir Charles Bukowski, sem þótti nokkuð viðeigandi.

Forseti Skáksambandsins, Gunnar Björnsson, vísiteraði Vin og tók þátt auk þess sem varaforsetinn, Magnús Matthíasson, hélt stutta og fallega tölu um afmælisdrenginn og lék svo fyrsta leikinn í viðureign Róberts og Stefáns Bergssonar sem stóð í ströngu sem yfirdómari og aðstoðarskákstjóri.

5. jan. 2009 : Klink sem kemur að góðum notum

Rauði krossinn og Iceland Express hafa stofnað sameiginlegan styrktarsjóð fyrir fólk með geðraskanir. Fyrsti hópurinn fer á fótboltaleik í Bretlandi í janúar.

17. des. 2008 : Gunnar Freyr tók jólabikarinn í Vin

Fimmtán þátttakendur skráðu sig á jólamót Vinjar, sem Skákfélag Vinjar og Hrókurinn héldu á mánudaginn. Tefldar voru sex umferðir, sjö mínútur á mann og barist var um glæsilegan bikar sem Hrókurinn gaf.

Róbert Harðarson sem var skákstjóri hafði flesta vinninga eða fimm og hálfan, vann allar sínar skákir nema við Björn Sölva Sigurjónsson. En Róbert var gestur á mótinu og fékk engan bikar.

Gunnar Freyr Rúnarsson fékk fjóra og hálfan vinning og hampaði bikarnum. Með fjóra vinninga voru Björn Sölvi, Pétur Atli Lárusson og Rafn Jónsson. Guðmundur Valdimar Guðmundsson og Arnljótur Sigurðsson voru með þrjá og hálfan og aðrir minna.

12. nóv. 2008 : Gjöf á móti

Fjórtán manns mættu á Vetrarmót Skákfélags Vinjar og Hróksins á mánudaginn.

20. okt. 2008 : Vinnudagar starfsmanna í athvörfum Rauða krossins

Starfsmenn athvarfa fyrir fólk með geðraskanir og Konukots komu saman á tveggja daga fundi til að ræða sameiginleg mál og nýjungar í starfseminni.

16. okt. 2008 : Skákfélag Vinjar á Íslandsmóti skákfélaga

Um helgina var haldið íslandsmót skákfélaga þar sem ríflega 400 manns sátu að tafli föstudagskvöld, meira og minna allan laugardaginn og fram eftir degi á sunnudag í Rimaskóla. Stórmeistarar hvaðanæva að úr heiminum tóku þátt, alþjóðlegir meistarar og Fide meistarar auk áhugamanna með mismikla kunnáttu og reynslu.

Skákfélag Vinjar, sem einmitt er starfrækt í Vin, athvarfi Rauða krossins fyrir fólk með geðraskanir í Reykjavík, sendi lið til keppni í fjórðu deild, en félagið gekk formlega í skáksamband Íslands fyrr á árinu.

26. sep. 2008 : Fjölmenni í 5 ára afmæli Lækjar

Það var fjölmenni sem mætti í afmælisveislu Lækjar, athvarfs fyrir fólk með geðraskanir, í gær. Lækur fagnaði þar 5 ára afmæli og bauð til veislu í sal Rauða krossins í Hafnarfirði. Gestir voru í kringum sjötíu og ríkti sannkölluð afmælisstemning.

Þórdís Guðjónsdóttir forstöðumaður Lækjar ávarpaði gesti og greindi frá góðum árangri af starfi Lækjar, einn af gestum Lækjar sagði frá sinni reynslu og boðið var uppá ljúfan djass í flutningi þeirra Margrétar Sigurðardóttur söngkonu og Gunnars Hrafnsson kontrabassaleikara. Eins og í góðum afmælum var svo að sjálfsögðu boðið uppá kaffi og kökur.

25. sep. 2008 : Lækur 5 ára

Í DAG er haldið upp á það að liðin eru fimm ár síðan Lækur, athvarf fyrir þá sem átt hafa við geðraskanir að stríða, hóf starfsemi sína.

29. júl. 2008 : Sterkir skákmenn í tvöföldu afmælismóti skákfélags Vinjar

Ellefu þátttakendur skráðu sig til leiks í tvöföldu afmælismóti sem skákfélag Vinjar stóð fyrir á mánudaginn.

 

7. maí 2008 : Hörku sumarmót hjá Skákfélagi Vinjar – og skákstjórinn hafði það...

Það ríkti góður andi í betri stofunni í Vin á mánudaginn þegar Skákfélag Vinjar hélt sumarmót. Björn Þorfinnsson nýkrýndur forseti Skáksambands Íslands mætti til leiks og fékk hlýjar móttökur. Þórdís Rúnarsdóttir forstöðumaður athvarfsins afhenti Birni blómvönd frá Skákfélaginu, sem formlega var tekið inn í Skáksamband Íslands um liðna helgi.

 

Ellefu þátttakendur voru skráðir til leiks og var létt yfir fólki þó baráttan væri svo sannarlega til staðar. Að loknum öllum sex umferðunum var ljóst að skákstjórinn sjálfur Robert Lagerman, stóð uppi sem sigurvegari með fimm og hálfan vinning. Forsetinn Björn kom næstur með fimm vinninga og þar á eftir Ingi Tandri Traustason og Gunnar Freyr Rúnarsson með fjóra og hálfan. Björn Sölvi Sigurjónsson sem gerði jafntefli við sigurvegarann var svo með fjóra vinninga og aðrir minna.

16. apr. 2008 : Eins og stórt heimili

Athvarfið Dvöl í Kópavogi er fjölsótt og hlutverk þess mikilvægt. Grein um starfsemina birtist í Okkar mál, vorblaði Geðhjálpar.

22. feb. 2008 : Lækur opnar á laugardögum

Lækur, athvarf fyrir fólk með geðraskanir, í Hafnarfirði hefur nú opið á laugardögum milli klukkan 12:00 og 15:00. Lækur er staðsettur að Hörðuvöllum 1.

13. feb. 2008 : Geðheilbrigði til umfjöllunar á Ísafirði

Undanfarin ár hefur Rauði krossinn staðið fyrir námskeiðum fyrir fólk með geðraskanir, aðstandendur þeirra og áhugafólk. Í kjölfarið hafa verið stofnaðir sjálfshjálparhópar fólks með geðraskanir og einnig meðal aðstandenda. Það getur reynst erfitt að halda sjálfshjálparhópum starfandi til lengdar og býður því Rauði krossinn upp á fræðslu/handleiðslu um hvernig best er að halda sjálfshjálparhóp virkum og „lifandi“. Fyrsti fundurinn var haldinn fyrir höfuðborgarsvæðið í nóvember.
 
Í síðustu viku var haldinn fræðslufundur á Ísafirði og sóttu hann rúmlega 30 manns. Helga G. Halldórsdóttir sviðsstjóri innanlandssviðs Rauða krossins greindi frá aðdraganda og markmiðum með fræðslunni og Einar Guðmundsson geðlæknir fór yfir þau atriði sem skipta máli í starfi og virkni hópastarfs til þess að sjálfshjálparhópar eflist og dafni. Leitast var við að fá viðbrögð gesta og reynslusögur þeirra sem starfað hafa í sjálfshjálparhópum. Margrét Ómarsdóttir formaður Barnageðs og Eggert S. Sigurðsson frá Geðhjálp tóku þátt í umræðum og svöruðu fyrirspurnum.

8. feb. 2008 : Vin í 15 ár

Í framkvæmdaáætlun Rauða kross Íslands fyrir tímabilið 1990-2001 var stefnan sett á að beita sér fyrir bættum hag þeirra sem minnst mega sín í þjóðfélaginu. Vin hóf starfsemi 8. febrúar 1993.

4. jan. 2008 : Rauði krossinn fékk 2,5 milljónir frá Sparisjóðnum til sjálfboðaliðaverkefnis sem eflir geðheilsu ungs fólks

Í gær afhenti Sparisjóðurinn átta félögum, sem láta sig geðheilsu ungs fólks varða, styrk að fjárhæð 21 milljónum króna. Rauði krossinn fékk rúmlega 2,5 milljónir í sinn hlut. Fjárhæðin kom úr styrktarátaki Sparisjóðsins fyrir börn og unglinga með geðraskanir, Þú gefur styrk, sem hófst þann 8. nóvember og lauk á aðfangadag.

Rauði krossinn mun verja styrknum í verkefnið Félagsvinur barna og unglinga sem er sjálfboðaliðaverkefni til stuðnings börnum og unglingum sem eiga við geðræn vandamál að stríða og/eða til stuðnings börnum sem eiga foreldri/foreldra með geðröskun. Félagsvinurinn (mentor) veitir stuðning samtímis meðferð (einstaklings-eða fjölskyldumeðferð) til þessara barna og unglinga með því að mynda traust, jákvætt og gefandi vináttusamband.

12. des. 2007 : Jólamót Hróksins haldið í hátíðarsal Kleppsspítala

Hrókurinn og Skákfélag Vinjar héldu jólamót á Kleppsspítala á mánudaginn. Ákveðið var að stöðva sigurgöngu deildar 12 sem hefur hneppt bikarinn undanfarin ár og skyldi öllu til tjaldað. Tvær deildir, 32C og 36, sendu harðsnúnar sveitir á vettvang en auk þeirra tóku þátt skáksveitir Vinjar, athvarfs Rauða krossins og Bergiðjunnar. Þrír voru í liði og að hámarki einn starfsmaður innanborðs. Róbert Lagerman var skákstjóri og á hann reyndi því svo mikill hiti var í mönnum á tímabili.

Björn Þorlákur Björnsson, fjármálastjóri hins nýstofnaðs bókaforlags Skugga lék fyrsta leikinn í skák þeirra Björns Agnarssonar og Erlings Þorsteinssonar. Þrjú efstu liðin fengu einmitt glænýjar bækur frá útgáfunni í verðlaun.

3. des. 2007 : Þú gefur styrk

Í gangi er söfnun Sparisjóðsins til styrktar geðheilsu barna og unglinga undir yfirskriftinni „Þú gefur styrk". Rauði krossinn er eitt þeirra félaga sem nýtur styrks úr söfnuninni.
 
Með því að fara inn á heimasíðuna www.spar.is er hægt að leggja málefninu lið. Ef þú ert viðskiptavinur leggur Sparisjóðurinn 1.000 krónur í söfnunina en til viðbótar getur viðskiptavinurinn lagt fram sinn hlut, en allir geta gefið styrk.

 

9. nóv. 2007 : Styrkjum geðheilsu barna!

Rauði krossinn ásamt sjö öðrum félagasamtökum tekur þátt í átaki Sparisjóðsins til stuðnings börnum og unglingum með geðraskanir.

7. nóv. 2007 : Starfsdagur athvarfa Rauða krossins

Sameiginlegir vinnudagar starfsfólks athvarfa Rauða krossins voru haldnir á landsskrifstofunni að Efstaleiti 9. Reykjavík  1. og 2. nóvember síðastliðinn.  Alls voru 33 þátttakendur. Á dagskránni voru fyrirlestrar, umræður og hópastarf. 

Kynnt var starfsemi athvarfanna um allt land og greint frá nýjungum sem í gangi eru á hverjum stað en auk þess fjallað um helstu markmið með rekstri athvarfanna og hugmyndafræðinni sem þau byggja á.

31. okt. 2007 : Námskeið um geðheilbrigðismál á Húsavík

24 þátttakendur sóttu námskeið fyrir aðstandendur og áhugafólk um geðheilbrigðismál, sem haldið var í Borgarhólsskóla á Húsavík. Þetta var 16. námskeiðið sem haldin hafa verið á öllu landinu en  það fjórða á Norðurlandi og er jafnframt síðasta námskeiðið af þessum toga sem haldið verður, í bili að minnsta kosti. Meginmarkmið námskeiðsins er að fræða um málefni geðfatlaðra og auðvelda fólki að mynda sjálfshjálparhópa.

11. okt. 2007 : Væntanleg opnun geðræktarmiðstöðvar

Í tilefni Alþjóðlega geðheilbrigðisdagsins, í gær, var haldin hátíð í Kompunni þar sem opnuð verður geðræktarmiðstöð innan tíðar. Fullt var út úr dyrum og bauð Héraðs- og Borgarfjarðardeild Rauða krossins uppá veitingar.

Jón Knútur Ásmundsson verkefnastjóri hjá Saust, svæðisskrifstofu málefna fatlaðra á Austurlandi, sagði frá starfsemi Kompunnar en búið er að ráða starfsmann í hlutastarf. Áætlað er að Geðhjálp verði með símatíma og tveir sjálfshjálparhópar verða með fund einu sinni í viku (einn fyrir notendur og annar fyrir aðstandendur geðfatlaðra).

8. okt. 2007 : Námskeið í geðheilbrigðismálum á Norðfirði

Um 35 manns sóttu námskeið fyrir aðstandendur og áhugafólk um geðheilbrigðismál sem haldið var í Egilsbúð á Neskaupstað um helgina. Er þetta 15. námskeiðið sem Rauði krossinn hefur haldið af þessum toga og það þriðja á Austurlandi. Þátttakendur komu frá Vopnafirði, Egilsstöðum, Seyðisfirði, Reyðarfirði, Eskifirði, Fáskrúðsfirði, Stöðvarfirði og Norðfirði.

Meginmarkmið námskeiðsins er að fræða fólk um málefni geðfatlaðra og setja á fót sjálfshjálparhópa. Í lokin voru þrír hópar stofnaðir, tveir á Norðfirði, annar fyrir foreldra barna með geð- og hegðunarraskanir og hinn fyrir aðstandendur geðfatlaðra og á Egilsstöðum var stofnaður hópur aðstandenda geðfatlaðra. Í undirbúningi er að stofna sjálfshjálparhóp á Eskifirði fyrir foreldra barna með geð- og hegðunarraskanir sem mun sinna fólki frá Reyðarfirði, Eskifirði og Fáskrúðsfirði.

8. okt. 2007 : Skemmtun í Perlunni í tilefni Alþjóða geðheilbrigðisdagsins

Alþjóði geðheilbrigðisdagurinn var haldinn hátíðlegur í gær með glæsilegri samkomu í Perlunni. Fjöldinn allur af félögum og stofnunum sem starfa að málefnum geðheilbrigðis kynntu starfsemi sína. Þar á meðal var Rauði krossinn sem lagði áherslu á kynningu athvarfanna á höfuðborgarsvæðinu, Vin í Reykjavík, Dvöl í Kópavogi og Læk í Hafnarfirði.
 
Skákfélag Vinjar hélt hraðskákmót í samvinnu við Hrókinn. Guðfríður Lilja Grétardóttir forseti Skáksambands Íslands flutti stutt ávarp og setti mótið formlega. Heiðar Ingi Svansson, markaðsstjóri Forlagsins, sem gaf glæsilega bókavinninga á mótið, lék svo fyrsta leikinn á mótinu. Gunnar Freyr Rúnarsson sigraði og lagði alla sína

5. okt. 2007 : Í felum

Höfundur greinarinnar er gestur í Dvöl athvarfi Rauða krossins fyrir geðfatlaða. Tilefnið er Alþjóði geðheilbrigðisdagurinn þann 10.október.

19. sep. 2007 : Athvörf Rauða kross Íslands fyrir geðfatlaða á landsmóti

Athvörf Rauða krossins fyrir geðfatlaða héldu sitt árlega landsmót dagana 5.-7. september á Hótel Hvítá í Biskupstungum. Alls tóku 34 manns þátt í mótinu frá fjórum athvörfum, Vin í Reykjavík, Dvöl í Kópavogi, Læk í Hafnarfirði og Laut á Akureyri.

Dagarnir voru fullir að skemmtilegum uppákomum. Meðal annars var farin ferð um sveitir Árnessýslu og deild Rauða krossins bauð öllum í mat. Á kvöldin var farið í danskeppni, bingó og ýmislegt annað skemmtilegt.

12. sep. 2007 : Þrítugur hamar að baki..., ...hjá honum Þórði Sveinssyni.

Þórði til heiðurs héldu Hrókurinn og skákfélag Vinjar, afmælisskákmót í Vin, mánudaginn 10. september. Átta þátttakendur skráðu sig til leiks, en nokkrir fulltrúar skákfélags Vinjar forfölluðust og allmargir gátu ekki verið með vegna vinnu og skóla. Nokkrir félagar afmælisbarnsins kíktu þó við og heilsuðu upp á nýþrítugan piltinn.

Katrín Júlíusdóttir, alþingismaður, var heiðursgestur og lék fyrsta leikinn í skák þeirra Róberts Harðarsonar og Elsu Maríu Þorfinnsdóttur. Heiðraði hún þar mótsgesti og ekki síst afmælisdrenginn sem er jú formaður ungra jafnaðarmanna í Hafnarfirði, lögfræðingur persónuverndar og gjaldkeri skákfélagsins Kátu biskuparnir. Katrín vildi meina að framfarir hennar í skáklistinni væru hægar svo hún var að sjálfsögðu leyst út með bókinni “skákþjálfun” auk ljóðabókar eftir mótsstjóra, Kristian Guttesen.

28. ágú. 2007 : Skiptir öllu að yfirvinna óttann

Sveinn Snorri Sveinsson er nýr formaður Geðhjálpar á Austurlandi. Viðtal eftir Hallgrím Helga Helgason um geðsýki hans og þátttöku í starfi sjálfshjálparhóps sem Geðhjálp og Rauði krossinn birtist í Morgunblaðinu 26. ágúst.

23. ágú. 2007 : Sólskinsferð á Sólheima

Síðustu viku dvöldu 10 félagar úr Víðsýn, ferðafélagi athvarfsins Vinjar, á Sólheimum í Grímsnesi. Stjórn ferðafélagsins undirbjó ferðina í samstarfi við Óskar Jónsson forstöðumann atvinnusviðs Sólheima en meginmarkmiðið með ferðinni var uppbygging og heilsuefling.

Gist var í góðri aðstöðu á gisti- og heilsuheimilinu Brekkukoti. Móttökur og viðurgjörningur allur var til fyrirmyndar og dagskrá vikunnar fjölbreytt og skemmtileg og starfsmönnum Sólheima til sóma.

Ferðafélagarnir tóku þátt í leikfimi, jóga, sundleikfimi, fyrirlestri um heilsueflingu, vinnu á tré- og kertaverkstæðinu auk göngutúra um svæðið. Hver dagur byrjaði með morgunfundi út á túni þar sem allir íbúar og starfsmenn staðarins mynduðu hring hönd í hönd til að bjóða daginn velkominn og fara yfir helstu atburði dagsins. Á kvöldin voru skemmtiatriði svo sem bingó og spil.

21. jún. 2007 : Ánægðir Dvalargestir á Fuerteventura

Níu manna hópur frá Dvöl fór í vikulanga ferð til eyjarinnar Fuerteventura 22. maí síðastliðinn. Á eyjunni var ýmislegt skoðað. Farið var í dýragarðinn, bílferð um alla eyjuna, markaðir heimsóttir og dvalið á ströndinni.

10. maí 2007 : Uppreisn litarins

Á mánudaginn var opnuð listsýningin Uppreisn litarins með pompi og prakt í Vin, athvarfi Rauða krossins fyrir fólk með geðraskanir. Sýningin er framlag Vinjar til hátíðarinnar list án landamæra. Helga G. Halldórsdóttir sviðsstjóri innanlandssviðs opnaði sýninguna formlega.

15. mar. 2007 : Um 200 þúsund krónur söfnuðust á markaði til styrktar Dvöl

Mikill fjöldi fólks lagði leið sína á fata- og nytjamarkaðinn í sjálfboðamiðstöð Kópavogsdeildar um síðustu helgi þar sem söfnuðust alls 197.161 krónur í ferðasjóð Dvalar.

8. mar. 2007 : Fræslufundur um kvíðaraskanir og hugræna atferlismeðferð

Um 15 sjálfboðaliðar og notendur athvarfa Rauða krossins fyrir geðfatlaða, Dvalar í Kópavogi, Vinjar í Reykjavík og Lækjar í Hafnarfirði, áttu saman ánægjulega stund í húsakynnum Vinjar þriðjudagskvöldið 6. mars síðastliðinn.

Brynjar Emilsson sálfræðingur á geðsviði Landspítala Háskólasjúkrahúss hélt áhugavert erindi um kvíðaraskanir og hugræna atferlismeðferð. Í erindi hans kom meðal annars fram að öll höfum við einhvers konar áráttur og þráhyggjur sem gera oft ekki annað en að krydda líf okkar. En þegar þær fara að hafa óþægilega mikil áhrif er líklega kominn tími til að leita sér aðstoðar.

22. feb. 2007 : Rekstur Lækjar tryggður til næstu þriggja ára

Í gær skrifuðu fulltrúar Hafnarfjarðardeildar Rauða kross Íslands, Hafnarfjarðarbæjar og Svæðisskrifstofu um málefni fatlaðra á Reykjanesi (SMFR) undir nýjan rekstrarsamning um rekstur Lækjar athvarfs fyrir geðraskaða. Undirskriftin fór fram að viðstöddu fjölmenni í Læk.

Með þessum nýja samningi er rekstur athvarfsins tryggður til næstu þriggja ára. Hann er framlenging frá fyrri samningi þessara aðila en stofnsamningur Lækjar var gerður árið 2003.

Í nýja samningnum tekur Hafnarfjarðarbær á sig aukna þátttöku í rekstri Lækjar auk þess sem SMFR stefna að auknu framlagi á samningstímanum.

8. feb. 2007 : Afmæli fagnað í Vin

Vin, athvarf Rauða kross Íslands í Reykjavík fyrir fólk með geðraskanir, fagnar 14 ára afmæli í dag. Gestir og starfsfólk athvarfsins gera sér glaðan dag með þorramat og skemmtun en tekið var forskot á sæluna á mánudaginn þegar haldið var afmælisskákmót.

1. feb. 2007 : Gagnleg samvera heimsóknavina og fræðsla um geðraskanir

Á þriðjudaginn var haldin samvera fyrir sjálfboðaliða Kópavogsdeildar Rauða krossins sem sinna heimsóknum á einkaheimilum. Samvera sem þessi er hugsuð sem tækifæri fyrir heimsóknavini til að segja frá hvernig gengur og jafnframt miðla af reynslu sinni. Um leið er þetta vettvangur til að hitta aðra heimsóknavini, en margir hafa bæst í hópinn á undanförnum misserum.

Það er mikilvægt að fá að leita í reynslubanka heimsóknavina sem hafa starfað lengi hjá Rauða krossinum til að leiðbeina þeim sem eru að koma nýir inn í starfið. Samvera og handleiðsla sem þessi er nú haldin á 6-8 vikna fresti.

Í framhaldi samverunnar hélt Guðbjörg Sveinsdóttir geðhjúkrunarfræðingur erindi um þunglyndi og kvíða.

16. jan. 2007 : Afmælismót Lilju forseta

Það voru allmörg ELO skákstig í stofunni í Vin, athvarfi Rauða kross Íslands fyrir geðfatlaða í Reykjavík, mánudaginn 15. janúar þegar Guðfríður Lilja Grétarsdóttir, forseti Skáksambands Íslands, var heiðruð með afmælismóti. Náði hún þremur og hálfum tug ára á dögunum sem auðvitað kallaði á samkomu og mót. Skákfélag Vinjar og Hrókurinn slógu einu sinni sem oftar í púkk til að svara kallinu. 

Tíu manns tóku þátt í mótinu sem var fjörugt með afbrigðum, dæst og hvæst, barið á klukkur og höndum fórnað eftir illa ígrundaðar mannfórnir. Blómarósin Lilja, afmælisstúlkan sjálf, stóð uppi sem sigurvegari, á stigum, með fjóra vinninga í fimm skákum. Gunnar Freyr Rúnarsson stóð sig eins og hetja og hafði einning fjóra vinninga eins og stórmeistarinn Henrik Danielsen. Næstir komu Hrafn Jökulsson og Hrannar Jónsson, hinir miklu kappar Hróksins. Aðrir keppendur voru: Pétur Blöndal, Sigurjón Þór Friðþjófsson, Elsa Maria Þorfinnsdóttir, Haukur Halldórsson og Arnar Valgeirsson.

4. jan. 2007 : Enta styrkir gesti Dvalar

Kópavogsfyrirtækið Enta ehf. færði Dvöl, athvarfi fyrir fólk með geðraskanir, kærkomna gjöf um jólin með 50.000 króna framlagi í ferða- og tómstundasjóð Dvalar. Gjöfin mun gera gestum Dvalar kleift að skipuleggja tómstundaviðburði og ferðalög. Meðal gestanna hefur verið vinsælt að fara í dagsferðir innanlands yfir sumartímann. Athvarfið hefur einnig staðið fyrir tveimur ferðum út fyrir landsteinana, annars vegar til Danmerkur árið 2004 og hins vegar til Króatíu síðastliðið sumar.

Ferðir eru kærkomin upplyfting fyrir marga af gestum Dvalar sem treysta sér ekki í ferðalög nema með stuðningi starfsfólks og sjálfboðaliða Dvalar.

13. okt. 2006 : Gaman saman

18. ágú. 2006 : Skemmtileg dagsferð gesta í Dvöl

Gestir í Dvöl, athvarfi fyrir fólk með geðraskanir, fóru í dagsferð 18. júlí um svæði á Reykjanesi og Suðurlandi. Sautján þátttakendur mættu í Dvöl að morgni dags í blíðskaparveðri. Keyrt var um Hafnarfjörð að Kleifarvatni og til Krýsuvíkur. Hópurinn skoðaði jarðhitasvæðið í Krýsuvík og því næst Krýsuvíkurkirkju.

17. júl. 2006 : Dvöl hlýtur milljón króna í styrk frá Bónus

Garðar H. Guðjónsson, formaður Kópavogsdeildar, tekur við styrknum úr hendi Jóhannesar Jónssonar kaupmanns. Á milli þeirra eru Gunnar Birgisson, bæjarstjóri Kópavogs, og Guðmundur Marteinsson, framkvæmdastjóri Bónus.
Á þjóðhátíðardaginn fékk Dvöl, athvarf fyrir fólk með geðraskanir, afhentan styrk frá Bónus að upphæð ein milljón króna. Féð mun renna í ferða- og tómstundasjóð gesta Dvalar og mun þannig nýtast til að rjúfa félagslega einangrun þeirra.

Jóhannes Jónsson kaupmaður afhenti Garðari H. Guðjónssyni, formanni Kópavogsdeildar, styrkinn við opnun nýrrar verslunar Bónus í Ögurhvarfi í Kópavogi að viðstöddum nokkrum gestum Dvalar og fjölmörgum viðskiptavinum verslunarinnar.

 ?Þetta er höfðingleg gjöf og ánægjuleg viðurkenning á því starfi sem fram fer í Dvöl.

27. jún. 2006 : Vel heppnuð ferð til Berlínar

Ferðalangarnir frá Læk staddir við Berlínarmúrinn.
Frá stofnun Lækjar, athvarfs fyrir fólk með geðraskanir, hafa gestir starfrækt ferðafélagið Sólarsýn. Markmið félagsins er að standa fyrir ferðum jafnt innanlands sem utan. Í maí stóð félagið fyrir annari utanlandsferð sinni þegar 14 manna hópur flaug til Berlínar.

Ferðin var farin þann 25. maí og stóð í 6 daga. Það er mál manna að einkar vel hafi tekist til og eru ferðalangar mjög ánægðir með ferðina. Berlín er um margt spennandi borg og ekki skortur á athyglisverðum stöðum til að kynna sér. Dagskrá ferðarinnar var fjölbreytt og meðal þeirra staða sem skoðaðir voru má nefna glæsilegan dýragarð í miðborg Berlínar, leifar Berlínarmúrsins, Brandenborgarhliðið og fleira.

13. jún. 2006 : Dvalargestir í Króatíu

Hópurinn fyrir framan gistiheimilið.
Mig langar í nokkrum orðum að segja frá ferð Dvalarhópsins til Króatíu, um leið og ég vil fyrir hönd hópsins þakka öllum sem komu nálægt því að gera þessa ferð mögulega.

Undirbúningur og skipulagning fyrir ferðina var í höndum starfsfólks Dvalar, svo og leiðir til að ná kostnaðinum niður.

Dvalið var í eina viku á hóteli við Adríahafið í 25-29ºC hita í sól og logni. Við fórum 12 saman frá Dvöl aðfaranótt miðvikudagsins 17. maí sl. og tók ferðin um 11 klukkustundir, þar til komið var á áfangastað.

12. apr. 2006 : Er geðröskun í fjölskyldunni?

Vin, Hverfisgötu 47, er eitt af fjórum athvörfum fyrir geðfatlaða sem Rauði krossinn rekur.
Tvö námskeið fyrir aðstandendur og áhugafólk um geðheilbrigðismál

Rauði kross Íslands heldur tvö námskeið um málefni geðfatlaðra ætlað aðstandendum og áhugafólki í Menntaskólanum í Kópavogi (MK) nú strax eftir páska. Hið fyrra verður 19. og 20. apríl en hið síðara 21. og 22. apríl. 

Þegar hafa verið haldin átta námskeið af þessari gerð á landsbyggðinni. Þátttaka hefur alls staðar verið mjög góð og hafa um 400 manns sótt námskeiðin. Námskeiðin á höfuðborgarsvæðinu eru síðasti áfanginn í þessu verkefni Rauða krossins sem lýtur sérstaklega að stuðningi við aðstandendur þeirra sem eiga við geðraskanir að stríða.

Stuðningur við geðfatlaða hefur verið eitt af áhersluverkefnum Rauða krossins frá árinu 2000.

17. feb. 2006 : Fatamarkaður til styrktar ferðalöngum í Dvöl

Gestir í Dvöl munu selja hluta af hannyrðum sínum á fatamarkaðnum.
Gestir í Dvöl, athvarfi fyrir geðfatlaða, halda fatamarkað laugardaginn 18. febrúar kl. 11-16 í sjálfboðamiðstöð Kópavogsdeildar Rauða krossins Hamraborg 11, 2. hæð. Seld verða notuð föt á vægu verði, allt á 300 kr. eða 500 kr. Ýmsar hannyrðir og málverk eftir gesti Dvalar verða einnig til sölu. Kaffi á könnunni.

Allur ágóði af markaðnum rennur í ferðasjóð Dvalar en gestirnir eru að safna fyrir ferðalagi til Króatíu í sumar. Ferðir eru kærkomin upplyfting fyrir marga af gestum Dvalar sem treysta sér ekki í ferðalög nema með stuðningi starfsfólks og sjálfboðaliða Dvalar.

10. feb. 2006 : Kannanir og rannsóknir á málefnum geðfatlaðra

Nýlega voru birtar tvær skýrslur um hagi geðfatlaðra á Íslandi.

7. feb. 2006 : Gefandi fræðsla um geðheilbrigðismál

Salbjörg Bjarnadóttir, Guðbjörg Sveinsdóttir. Arndís Ósk Jónsdóttir, Njörður Helgason, Birgir Ásgeirsson og Margrét Ómarsdóttir.
Ljósmynd: Sunnlenska fréttablaðið
?Þetta var mjög skemmtilegt, fræðandi og gefandi námskeið,? sagði einn þátttakandinn á námskeiði fyrir aðstandendur og áhugafólk um geðheilbrigðismál sem haldið var á Selfossi um helgina.

Að námskeiðinu stóðu Rauði kross Íslands, Geðhjálp og Landlæknisembættið. Fulltrúar aðilanna héldu fyrirlestra og voru með innlegg sem snertu hinar ýmsu hliðar geðheilbrigðismála eins og geðraskanir, meðvirknissorg, áföll og úrvinnslu, sjálfsvígsferli og lífshjólið. Þá var Margrét Ómarsdóttir með innlegg aðstandanda.

26. jan. 2006 : Geðfatlaðir vilja sjálfir hafa áhrif á úrræði sér til handa

Páll Biering, Arndís Ósk Jónsdóttir og Guðbjörg Daníelsdóttir sem unnu rannsóknina ásamt Kristjáni Sturlusyni framkvæmdastjóra Rauða kross Íslands og Sveini Magnússyni framkvæmdastjóra Geðhjálpar kynntu niðurstöðurnar á fréttamannafundinum.

Áhyggjuefni er hversu lítið tillit er tekið til skoðana geðsjúkra og fjölskyldna þeirra í geðheilbrigðisþjónustu á Íslandi. Skýr skilaboð eru frá notendum um að brýnast sé að efla stuðning og meðferðir fyrir einstaklinga. Þetta kemur fram í nýrri rannsókn sem Rauði kross Íslands og Geðhjálp stóðu að um þarfir geðsjúkra og reynslu þeirra af geðheilbrigðisþjónustu á Íslandi.

Á fréttamannafundi sem haldinn var í dag kynntu fulltrúar Rauða kross Íslands og Geðhjálpar niðurstöður skýrslunnar, ásamt dr. Páli Biering, Guðbjörgu Daníelsdóttur og Arndísi Ósk Jónsdóttur, sem unnu rannsóknina.

19. jan. 2006 : Mikil aðsókn að námskeiði um geðsjúkdóma

Helga G. Halldórsdóttir frá Rauða krossinum var námskeiðsstjóri og Guðbjörg Sveinsdóttir fyrirlesari.
Um 100 manns sótti námskeið fyrir aðstandendur og áhugafólk um geðsjúkdóma sem  haldið var í Brekkuskóla á Akureyri dagana 13. og 14. janúar. Þetta er fimmta námskeiðið af þessum toga sem Rauði krossinn hefur haldið. Áður hafa verið námskeið á Egilsstöðum, Ísafirði í Borgarnesi og á Sauðárkróki.

Meginmarkmið námskeiðsins er að fræða um málefni geðfatlaðra og auðvelda fólki að mynda sjálfshjálparhópa.

Á námskeiðinu voru lögð drög að myndun slíkra sjálfshjálpar- og stuðningshópa. Næsta námskeið  verður haldið á Selfossi dagana 3. og 4. febrúar.

Fjallað var um  geðsjúkdóma, meðferðarúrræði, meðvirkni, sjálfsvirðingu og sjálfsstyrkingu, mikilvægi andlegrar og líkamlegrar heilsuræktar og farið yfir sorgarviðbrögð, áföll og úrvinnslu. Einnig var hópavinna og umræður.

15. des. 2005 : Sorpa styrkir ferðasjóði athvarfa Rauða krossins

Fulltrúar Sorpu, Dvalar, Lækjar og Vinjar við afhendingu jólakortastyrksins.
Undanfarin 3 ár hefur Sorpa lagt góðum málum lið í stað þess að senda viðskiptavinum sínum jólakort. Í ár rennur jólakortastyrkur Sorpu til aðhvarfa Rauða krossins fyrir geðfatlaða á höfuðborgarsvæðinu en þau eru Vin í Reykjavík, Dvöl í Kópavogi og Lækur í Hafnarfirði.

Markmið athvarfanna er m.a. að auka lífsgæði geðsjúkra, að rjúfa félagslega einangrun, að draga úr fordómum og að efla þekkingu sem flestra á málefnum geðsjúkra.

Í öllum athvörfunum er safnað peningum í sérstaka ferðasjóði sem nýttir eru til ferðalaga gesta athvarfanna innanlands sem utan. Styrkur Sorpu rennur í ferðasjóði athvarfanna og fékk hvert athvarf 70.000 kr. að gjöf.

13. des. 2005 : Laut fagnaði 5 ára afmæli

Úlfar Hauksson formaður Rauða kross Íslands færði afmælisbarninu kveðju Rauða krossins.
Þann áttunda desember hélt Laut, athvarf fyrir fólk með geðraskanir, upp á fimm ára starfsafmæli sitt. Boðið var til afmælisfagnaðar á Hótel KEA. Fjölmenni var í afmælinu og fólk kom víða að.

Eins og gjarnan er gert á slíkum tímamótum voru rifjaðar upp minningar frá þessum fyrstu árum, árangur í starfi og afmælisbarninu óskað áframhaldandi velfarnaðar.

Samhliða þessu var boðið upp á handverkssýningu í Laut, þar sem til sýnis voru ýmsir munir gerðir af gestum Lautarinnar.

25. nóv. 2005 : Fjölmennt fræðslukvöld um geðraskanir

Erla Hrönn Diðriksdóttir og Garðar Sölvi Helgason kynntu starfsemi Vinjar.
Streita, geðsjúkdómar og svefnvenjur voru á meðal þess sem rætt var um á mánudagskvöldið þegar sjálfboðaliðar, gestir og starfsfólk Dvalar, Lækjar og Vinjar hittust í húsakynnum Reykjavíkurdeildar Rauða kross Íslands að Laugavegi 120. 

Rauði krossinn rekur eins og kunnugt er þrjú athvörf fyrir geðfatlaða á höfuðborgarsvæðinu: Dvöl í Kópavogi, Læk Hafnarfirði og Vin í Reykjavík. Tilgangur með rekstrinum er að gefa geðfötluðum vettvang þar sem þeir geta komið og rabbað saman, lesið blöðin og þar fram eftir götunum. Með því er hægt að rjúfa félagslega einangrun þessa hóps og styrkja með samneyti við aðra andlega og líkamlega heilsu. Þar sem athvörfin eru þrjú á höfuðborgarsvæðinu þykir tilvalið að standa að sameiginlegum fræðslu- og skemmtikvöldum með reglulegu millibili og var þetta fræðslukvöld fyrsti vísirinn að því.

11. okt. 2005 : Geðsjúkir fátækasta fólk á Íslandi

Grein þessi birtist í Blaðinu 10.október 2005.

26. sep. 2005 : Vellukkað landsmót athvarfa fyrir geðfatlaða

Ánægjan skín úr hverju andliti þátttakenda.
Athvörf Rauða krossins fyrir geðfatlaða héldu sameiginlegt landsmót 14.-16. september að Laugum í Sælingdal (eða ?Sæludal? eins og ánægður mótsgestur kallaði staðinn að afloknu móti). Gestir og starfsfólk athvarfanna Dvöl, Vin og Laut mættu til leiks en fulltrúar frá athvarfinu Læk í Hafnarfirði áttu því miður ekki heimangengt að þessu sinni.

Lagt var af stað vestur í Dali 14. september og hittust mótsgestir hressir á Laugum, gæddu sér á góðum veitingum, fengu sér sundsprett og sungu og trölluðu fram á kvöld.

23. maí 2004 : Athvörf fyrir geðfatlaða