14. sep. 2010 : Gestir Dvalar á myndlistarsýningu

Gestir og starfsmenn Dvalar, fóru á dögunum og skoðuðu myndlistarsýningu sem Ágústhópurinn stendur fyrir í ráðhúsi Reykjavíkur þessa dagana. Ágústhópurinn samanstendur af fjórum myndlistarkonum og hefur ein þeirra leiðbeint á námskeiðum sem hafa verið í Dvöl, eins og saumanámskeiði fyrr á þessu ári. Meðal efnistaka í myndunum er ást, frelsi og lífsgleði. Allt sem getur gefið manni jákvæðan innblástur í dagsins önn.