Fótboltahjarta mitt spilar með Írak

5. júl. 2011

Ein skærasta vonarstjarna Knattspyrnufélags Akraness er fjórtán ára flóttamaður frá Írak. Greinin birtist í Fréttablaðinu 2. júlí 2011.

Hann var mállaus og ókunnandi á tuðruna þegar hann mætti fyrst á völlinn, en með handapati, ósérhlífni og persónutöfrum hefur hann eignast vinafjöld og uppskorið verðlaun fyrir mestar framfarir í sínum aldursflokki í boltanum. Bakir Anwar Nassar stiklar hér á stóru úr lífi sínu á Skaganum.

„Ég er stundum spurður hvort mig langi til að spila með íslenska landsliðinu í fótbolta þegar ég verð orðinn stór og svara því alltaf neitandi. Hví ekki? Jú, vegna þess að allir veldu sitt föðurland ef þeir hefðu tækifæri á slíkri upphefð; landið sem þeir fæddust í og sem kenndi þeim að lifa af. Mitt hjarta slær því fyrir Írak og þar vil ég keppa fyrir land og þjóð, en þess á milli vildi ég einatt geta spilað með ÍA í framtíðinni," segir Bakir á nær lýtalausri íslensku.

Bakir kom til Íslands í hópi tuttugu og níu palestínskra flóttamanna sem dvalið höfðu við illan kost í írösku flóttamannabúðunum Al Waleed. Í hópnum, sem fékk tækifæri til nýs lífs á Akranesi, voru átta konur með 21 barn, sem flestar voru orðnar ekkjur eftir að hafa misst eiginmenn sína í Írak.

Greinin um Bakir og palestínsku fóttamennina sem settust að á Akranesi er hér í fullri lengd.