Hundavinanámskeið Kópavogi

16. nóv. 2015

Heimsóknavinur með hund er eitt verkefni heimsóknavina. Heimsóknavinir af þessu tagi, þar sem hundurinn er í aðalhlutverki, eru þekktir víða um heim og sums staðar taka hundarnir virkan þátt í þjálfun og endurhæfingu sjúklinga. Hundavinirnir á vegum Rauða krossins fara í reglubundnar heimsóknir á stofnanir og heimili m.a. til langveikra barna, aldraðra og fatlaðra.

Þó nokkur undirbúningur liggur að baki hverrar heimsóknar. Eigendur hundanna þurfa að byrja á því að fara á tveggja tíma námskeið fyrir almenna heimsóknavini og 1,5 tíma námskeið sem er sér sniðið að hundaheimsóknum. Eftir það þarf að láta skoða hundinn til að ganga úr skugga um að hann henti í verkefnið. Standist hundurinn matið er fundinn gestgjafi sem vill fá heimsókn frá hundi og eiganda hans.

Mánudaginn 16. nóvember verður haldið námskeið sem er sérsniðið fyrir verðandi hundvini en ekki þarf að koma með hundana á námskeiðið.

Tími: 18.00-19.30
Staðsetning: Rauði krossinn í Kópavogi, Hamraborg 11. 2 hæð.

Nánari upplýsingar og skráning hjá Aðalheiði Jónsdóttur sími: 570 4062 og á netfanginu adalheidur@redcross.is