Líf og fjör hjá Alþjóðlegum foreldrum

25. maí 2012

Alþjóðlegir foreldrar héldu lokasamveru þessa vetrar í liðinni viku en þeir hafa hist alla fimmtudaga í vetur í Rauðakrosshúsinu í Kópavogi. Verkefnið er í boði fyrir foreldrar allra landa en markmiðið með því er að rjúfa félagslega einangrun innflytjenda sem eru heima með börn á aldrinum 0-6 ára.
Boðið er upp á samverur þar sem reglulega fara fram fjölbreyttar kynningar og fræðsla fyrir foreldrana. Leikföng fyrir börnin eru á staðnum og léttar veitingar í boði.

Í vetur hafa foreldrar frá hinum ýmsu löndum tekið þátt í starfinu líkt og Svíðþjóð, Noregi, Kanada, Póllandi, Mexíkó, Spáni, Litháen, Þýskalandi, Kína, Japan og Íslandi og úr því myndast góður hópur sem ætlar að halda sambandi áfram. Á dagskrá var meðal annars svefnráðgjöf barna frá Landspítalanum, fræðsla um holla næringu fyrir börn, fyrirlestur um málþroska tvítyngdra barna, kynning á þroskaleikföngum og heimsókn frá Tónagulli þar sem foreldrarnir fengu fræðslu um tónlistaruppeldi. Auk þess voru fastir liðir eins og þegar þátttakendur koma með veitingar frá sínu heimalandi en þær samverur eru kallaðar,, a taste from home session”.  Þá voru sumar samverurnar einnig helgaðar spjalli og almennri samveru foreldra þar sem þeir fá tækifæri til að kynnast á meðan börnin leika sér. Sú nýjung var í ár að hópurinn fór saman í sveitferð og mættu alls 35 foreldrar og börn til að gleðjast saman.

Samverur fara aftur af stað í haust og allar nánari upplýsingar um verkefnið má nálgast með því að hringja í síma 554 6626 eða senda póst á [email protected].

Alþjóðlegir foreldrar i sveitaferð.