Kakasus_House-rescue-a

19. ágú. 2015 : Uppbygging neyðarvarna í Armeníu og Georgíu

Rauði krossinn á Íslandi hefur síðan 2010 tekið þátt í uppbyggingu neyðarvarna í Armeníu og Georgíu. Náttúruhamfarir eru algengar í löndunum, en bæði löndin liggja á jarðskjálftasvæði.

Kakasus_House-rescue-a

12. nóv. 2014 : Getum nýtt reynslu frá Kákasus

Rauði krossinn á Íslandi hefur undanfarna daga haldið fræðslufundi með fulltrúum Rauða krossins í Armeníu og Georgíu

11. júl. 2011 : „Varðveittu skóginn fyrir börnin þín, sem faðir er það skylda þín“ (Georgískt spakmæli)

Amiran Tvaradze frá þorpinu First Tola í Ambrolauri héarði í Georgíu er sjálfboðaliði georgíska Rauða krossins við trjáplöntun. Með því leggur hann sitt af mörkum við að hefta jarðvegseyðingu af völdum loftslagsbreytinga.

25. maí 2010 : VSÓ styður hjálparstarf Rauða krossins í Kákasusfjöllum

VSÓ Ráðgjöf og Rauði kross Íslands gerðu í dag samkomulag um stuðning fyrirtækisins við hjálparstarf félagsins í Georgíu og Armeníu á næstu 18 mánuðum. Markmið hjálparstarfsins er að byggja upp kerfi neyðarvarna í Kákasusfjöllum, þar sem jarðskjálftar, skriðuföll og flóð eru algeng og valda miklum búsifjum.

Herdís Sigurjónsdóttir, starfsmaður VSÓ Ráðgjafar og sérfræðingur um viðbúnað og viðbrögð vegna náttúruhamfara, mun samkvæmt samkomulaginu vinna í stýrihópi vegna uppbyggingar neyðarvarna Rauða kross félaganna í Georgíu og Armeníu.

16. sep. 2009 : Þórunn Sveinbjarnardóttir leiðir alþjóðlegt teymi Rauða krossins í Kákasus

Þórunn Sveinbjarnardóttir þingmaður leiðir á næstu dögum alþjóðlegt teymi Rauða krossins sem kannar viðbúnað vegna hamfara í Kákasuslöndunum þremur, Georgíu, Armeníu og Aserbaídsjan. Þórunn verður fulltrúi Rauða kross Íslands í teyminu.

Jarðskjálftar eru algengir í þessum löndum, auk þess sem flóð, aurskriður og ýmsar veðurtengdar hamfarir eru þar tíðar. Tvær og hálf milljón manna búa á skjálftasvæðum í Kákasusfjöllum. Að minnsta kosti 25 þúsund manns létu lífið í jarðskjálfta í Armeníu árið 1988. Í þessum mánuði eyðilagði jarðskjálfti í Georgíu 1.400 hús með þeim afleiðingum að nú hafast fleiri en þúsund fjölskyldur við í tjöldum.