13. apr. 2012 : Kópavogsdeild Rauða krossins heldur RISAbasar á morgun laugardaginn 14. apríl kl. 12-16

Kópavogsdeild Rauða krossins heldur RISAbasar á morgun laugardaginn 14. apríl kl. 12-16 í Rauðakrosshúsinu Hamraborg 11, 2. hæð.

Þar verður hægt er að gera góð kaup á alls kyns handverki sjálfboðaliða deildarinnar en þeir hafa staðið í ströngu við að undirbúa Basarinn síðustu vikur.

Í boði verða prjóna- og saumavörur af ýmsu tagi. Meðal annars treflar, peysur, húfur, vettlingar og sokkar í ýmsum stærðum, ungbarnateppi, saumaðar töskur, hárskraut, gjafakort og margt fleira.

Nemendur úr áfanga um sjálfboðið starf í Menntaskólanum í Kópavogi verða einnig með kökubasar á staðnum.

Allur ágóði af markaðnum rennur til verkefna Kópavogsdeildar innanlands

13. apr. 2012 : Kópavogsdeild Rauða krossins heldur RISAbasar á morgun laugardaginn 14. apríl kl. 12-16

Kópavogsdeild Rauða krossins heldur RISAbasar á morgun laugardaginn 14. apríl kl. 12-16 í Rauðakrosshúsinu Hamraborg 11, 2. hæð.

Þar verður hægt er að gera góð kaup á alls kyns handverki sjálfboðaliða deildarinnar en þeir hafa staðið í ströngu við að undirbúa Basarinn síðustu vikur.

Í boði verða prjóna- og saumavörur af ýmsu tagi. Meðal annars treflar, peysur, húfur, vettlingar og sokkar í ýmsum stærðum, ungbarnateppi, saumaðar töskur, hárskraut, gjafakort og margt fleira.

Nemendur úr áfanga um sjálfboðið starf í Menntaskólanum í Kópavogi verða einnig með kökubasar á staðnum.

Allur ágóði af markaðnum rennur til verkefna Kópavogsdeildar innanlands

22. okt. 2010 : Samstarfssamningur um neyðarmötuneyti

Fjölmargir gæddu sér á dýrindis veitingum síðastliðinn þriðjudag sem Félagar í Klúbbi matreiðslumeistara útbjuggu í tilefni af undirskrift samstarfssamnings Rauða kross Íslands, Menntaskólans í Kópavogi og Klúbbs matreiðslumeistara um starfsemi neyðarmötuneyta til að tryggja faglega umgjörð í framkvæmd og rekstri þeirra.

Neyðarmötuneyti eru meðal annars starfrækt tímabundið í fjöldahjálparstöðvum Rauða krossins, þjónustumiðstöðvum almannavarna og í aðstöðu fyrir hjálparlið í kjölfar náttúruhamfara eða annarra alvarlegra atburða.
 

3. sep. 2010 : Starfsmaður óskast

Kópavogsdeild Rauða kross Íslands auglýsir eftir starfsmanni í 25% stöðugildi til sinna opnu húsi fyrir atvinnuleitendur í Kópavogi. Viðkomandi þarf að geta hafið störf sem fyrst.

Helstu verkefni:
• Umsjón með opnu húsi í Rauðakrosshúsinu Hamraborg 11
• Samskipti við gesti og sjálfboðaliða

Hæfniskröfur:
• Sjálfstæði, metnaður og  frumkvæði í starfi
• Framúrskarandi þjónustulund
• Góðir skipulagshæfileikar
• Góð samskiptahæfni og reynsla af mannlegum samskiptum
• Stúdentspróf eða önnur sambærileg menntun sem nýtist í starfinu

Skriflegar umsóknir skulu berast Kópavogsdeild Rauða krossins Hamraborg 11, 200 Kópavogur eigi síðar en 15. september  nk.  Umsóknir má einnig senda á linda@redcross.is. Nánari upplýsingar veitir Linda Ósk Sigurðardóttir framkvæmdastjóri í síma 554 6626.

6. júl. 2009 : Sumarlokun sjálfboðamiðstöðvar

Sjálfboðamiðstöð Kópavogsdeildar er lokuð vegna sumarleyfa frá 6. júlí og opnar aftur miðvikudaginn 5. ágúst og verður þá opin sem fyrr alla virka daga kl. 10-16. Hægt er að senda deildinni tölvupóst á netfangið kopavogur@redcross.is. Ef nauðsyn krefur er hægt að hafa samband við formann deildarinnar, Garðar H. Guðjónsson í síma 895 5807 eða á gaji[hjá]mmedia.is.

Kópavogsdeild Rauða krossins færir sjálfboðaliðum og samstarfsaðilum bestu sumarkveðjur.

Our volunteer centre is closed because of summer holidays and will open again on August 5th.

10. okt. 2008 : Hjálparsími Rauða krossins 1717 er alltaf opinn!

Hjálparsími Rauða krossins 1717 er opinn allan sólarhringinn fyrir þá sem þurfa aðstoð vegna depurðar, kvíða, þunglyndis eða sjálfsvígshugsana. Tilgangurinn með Hjálparsíma Rauða krossins er að vera til staðar fyrir þá sem finnst þeir vera komnir í öngstræti en vilja þiggja aðstoð til að sjá tilgang með lífinu.

Síðustu daga hefur fjöldi manns hringt í 1717 í tengslum við fjárhagsáhyggjur og vanlíðan vegna þeirra umbrota sem eiga sér stað í þjóðfélaginu. Starfsmenn og sjálfboðaliðar 1717 veita upplýsingar um hvar leita megi frekari úrræða ásamt því að veita sálrænan stuðning á erfiðum tímum.

3. okt. 2008 : Göngum og gefum í góðu veðri á morgun

Rauði krossinn hvetur landsmenn til leggja góðu málefni lið og gefa eina til tvær klukkustundir af deginum á morgun í að Ganga til góðs. Rauði krossinn þarf um 2500 sjálfboðaliða til að ná takmarki sínu að ganga í hvert hús á landinu.

„Við erum bjartsýn á að takmarkinu verði náð á morgun, því reynslan hefur sýnt okkur að mikill fjöldi fólks skráir sig á síðustu stundu eða á söfnunardaginn sjálfan," segir Kristján Sturluson, framkvæmdastjóri Rauða kross Íslands, og leggur áherslu á að hægt er að mæta beint á söfnunarstöðvarnar á morgun og skrá sig til þátttöku þar.

Söfnunarstöðvar eru um allt land þar sem fólk mætir til að fá söfnunarbauka. Helst vantar sjálfboðaliða á höfuðborgarsvæðinu en 24 söfnunarstöðvar eru í Reykjavík og í Kópavogi, Garðabæ, Hafnarfirði, Mosfellsbæ, á Álftanesi og Seltjarnarnesi. Auglýsingar um söfnunarstöðvar eru í blöðum og eins er hægt að fá upplýsingar um þær á raudikrossinn.is.