Framlag til Pakistan í stað jólaskreytinga

Konráð Kristjánsson

18. nóv. 2005

 

Það verður minna um jólaskreytingar hjá íbúum í Miðleiti 5-7 þetta árið en í staðinn hjálpa þau fórnarlömbum jarðskjálftans í Pakistan.

Húsfélagið Gimli Miðleiti 5-7 ákvað að gefa fórnarlömbum jarðskjálftans í Pakistan 50 þúsund krónur í stað þess setja jólaseríu á sameign hússins eins og gert hefur verið undanfarin ár.

?Við fengum upplýsingar um hvað þetta kostaði okkur og ákváðum að gefa frekar peningana til fólksins í Pakistan,? segir Birgir Þorgilsson formaður húsfélagsins, ? og við vonum að fleiri geri slíkt hið sama,? segir Birgir jafnframt.

Það hafa safnast 47,5 milljónir í söfnun Rauði kross Íslands fyrir fórnarlömb jarðskjálftans í Pakistan. Enn er tekið við framlögum í söfnunarsíma Rauða krossins 907 2020 og á reikning Hjálparsjóðs Rauða kross Íslands í SPRON, 1151-26-00012, kennitala 530269-2649. Einnig er hægt að fara inn á www.redcross.is og greiða með kreditkorti. Á vefsíðunni eru ítarlegar upplýsingar um hjálparstarf Rauða krossins í Pakistan.

Nánari upplýsingar um söfnun Rauða kross Íslands gefur Þór Daníelsson verkefnisstjóri fjáröflunar í síma 570-4000.