Mynd1--2-

5. nóv. 2015 : Hvert heimili verði undirbúið fyrir náttúruhamfarir

Rauði krossinn á Íslandi hóf um síðustu helgi átak sitt, „3 dagar: Viðnámsþróttur almennings á Íslandi við náttúruhamförum“. Verkefnið gengur út á það að fræða almenning um mikilvægi þess að vera við öllu búin þegar kemur að hamförum á Íslandi

Fani

24. okt. 2014 : Fjöldi mætti í fjöldahjálparstöðvarnar

Fjöldi manns lagið leið sína í fjöldahjálparstöðvar Rauða krossins þegar átakið "Eldað fyrir Ísland" átti sér stað um helgina. 

24. okt. 2014 : Landsæfing Rauða krossins - Eldað fyrir Ísland

Rauði krossinn stóð fyrir landsæfingu í neyðarvörnum, sunnudaginn 19. október sem vakti mikla lukku og athygli.

21. okt. 2014 : Vertu klár – Útbúðu viðlagakassa – Haltu fjölskyldunni upplýstri

Á hverju heimili ætti að vera viðlagakassi sem inniheldur þá hluti sem þú gætir þurft á að halda í kjölfar hamfara

Fani

17. okt. 2014 : Eldað fyrir Ísland

Rauði krossinn á Íslandi stendur fyrir landsæfingu sunnudaginn 19. Október milli 11-15 og býður þjóðinni jafnframt í mat

17. okt. 2014 : 19th October: Icelandic Red Cross Emergency Exercise

The Icelandic Red Cross will open 48 emergency shelters on Sunday, the 19th of October from 11-15 hours

_SOS8889

14. okt. 2014 : Landsæfing Rauða krossins – Eldað fyrir Ísland

Rauði krossinn á Íslandi stendur fyrir landsæfingu sunnudaginn 19. október, milli klukkan 11-15, og býður þjóðinni jafnframt í mat.

26. ágú. 2014 : Rauði krossinn aðstoðar við Vitatorg

Slökkviliðið á höfuðborgarsvæðinu óskaði eftir aðstoð Rauða krossins á Íslandi vegna bruna sem tilkynnt var um í Bjarnaborg

23. ágú. 2014 : Neyðarvarnir Rauða krossins virkjaðar

Rauði krossinn er í viðbragðsstöðu vegna eldgoss í Dyngjujökli. Fjöldahjálparstöðvar í Reykjahlíðarskóla Húsavík og Kópaskeri hafa verið opnaðar

20. ágú. 2014 : Sex manns gistu í fjöldahjálparstöð Rauða krossins við Mývatn í nótt

Sex manns gistu í fjöldahjálparstöð Rauða krossins í Reykjahlíðarskóla við Mývatn í nótt. Rauði krossinn opnaði fjöldahjálparstöðina í gær

2. maí 2014 : Aðstoð vegna bruna

Sjálfboðaliðar úr viðbragðshópi Rauða krossins voru kallaðir til aðstoðar í kvöld þegar rýma þurfti stigagang í Breiðholti vegna húsbruna

B0f344_PP_Geirix_20150829_23_13_46_00012_HQ_AdobeRGB

28. apr. 2014 : Viðbragðshópur Rauða krossins í Rimaskóla

Þrír sjálfboðaliðar úr viðbragðshópi Rauða krossins brugðust við þegar eldur kom upp í Rimaskóla í Grafarvogi í dag. Starfsfólki var boðið upp á sálrænan stuðning.

11. nóv. 2011 : Leitað fram á nótt

8. ágú. 2011 : Tékkneskir ferðalangar nutu aðstoðar Rauða krossins

Víkurdeild Rauða krossins opnaði fjöldahjálparstöð á laugardag þegar rúta með tékkneskum ferðamönnum lenti ofan í Blautulóni. Tékkarnir fengu þurr föt, aðhlynningu og útveguð var gisting  fyrir hópinn. Verslanir og þjónustuaðilar í Vík brugðust vel við og útveguðu allt sem til þurfti.

Sjálfboðaliðar Víkurdeildar þvoðu og þurrkuðu blaut föt þeirra sem lentu í volkinu og skiluðu til þeirra að morgni.

12. júl. 2011 : Rauði krossinn virkjaður vegna slyss í Múlakvísl

Deildir Rauða krossins á Vík og á Kirkjubæjarklaustri voru virkjaðar í dag vegna bílslyss í Núpsvötnum. Í bílnum voru 17 farþegar sem voru á leið austur en slysið átti sér stað þegar verið var að ferja farþegana yfir ána.

Opnaðar voru fjöldahjálparstöðvar og sjálfboðaliðar deildanna voru í viðbragðsstöðu til að veita farþegum aðhlynningu og sálrænan stuðning.
 

12. júl. 2011 : Neyðarnefnd á höfuðborgarsvæði kölluð út vegna bruna í Hringrás

Neyðarnefnd Rauða kross deilda á höfuðborgarsvæðinu og fulltrúi deildanna í aðgerðastjórn almannavarna höfuðborgarsvæðisins var kölluð út um fjögurleytið í nótt vegna stórbruna á endurvinnslusvæði Hringrásar í Sundahöfn.

Undirbúningur að rýmingu hófst strax en ekki þurfti að koma til rýmingar þar sem vindátt var afar hagstæð og beindi reyknum út á haf. Aðgerðum Rauða krossins lauk um klukkan 8.

9. júl. 2011 : Rauði krossinn opnaði fjöldahjálparstöðvar vegna hlaups í Múlakvísl

Fjöldahjálparstöðvar Rauða krossins í Vík og Kirkjubæjarklaustri voru opnaðar snemma í morgun þegar hlaup hófst í Múlakvísl og rýma þurfti bæi í Álftaveri og Meðallandi.
 

23. jún. 2011 : Sumarið er sölutími vatns til styrktar neyðarvörnum Rauða krossins

50 deildir Rauða krossins mynda neyðarvarnanet félagsins um land allt. Rauða kross deildirnar vinna samkvæmt áætlunum um neyðaraðstoð t.d. vegna náttúruhamfara. Á rúmlega 100 stöðum á landinu er húsnæði, oftast skólar, sem skipulagt er sem fjöldahjálparstöð. Fjöldahjálparstöðvar hafa það hlutverk að bjóða þolendum hamfara og annarra alvarlegra atburða öruggt skjól, mat, hvíldaraðstöðu, sálrænan stuðning og ráðgjöf. Um 1.000 sjálfboðaliðar hafa fengið þjálfun sem fjöldahjálparstjórar. Hjálparsími Rauða krossins 1717 starfar sem upplýsingasími á neyðartímum.

Síðasta sumar hófst samstarf Vífilfells og Rauða kross Íslands um sölu á „Vatni til hjálpar“ eða „WaterAid“. Allur ágóði af sölu vatnsins rennur til neyðarvarna Rauða krossins. WaterAid vatnið er með merki Rauða kross Íslands og er sérmerkt Pure Icelandic vatn frá Vífilfelli. Vatnið fæst í 0,5 og 1 lítra flöskum og er til sölu í allflestum verslunum um land allt.

22. jún. 2011 : Rauði krossinn á Selfossi aðstoðar gesti Hótel Selfoss

Húsnæði Rauða krossins á Selfossi var opnað í nótt fyrir gesti Hótel Selfoss sem þurftu að yfirgefa herbergi sín um klukkan tvö vegna elds sem kom upp í þvottahúsi hótelsins. Eldurinn reyndist ekki mikill og var slökktur fljótlega. Það þurfti hins vegar að reykræsta hótelið og var gestum ekki hleypt inn aftur fyrr en um fjögur leytið. 

Á meðan nutu gestir aðhlynningar Rauða krossins en sumir þeirra höfðu yfirgefið hótelið á náttfötum einum fata. Sem betur fer var veður milt og engum varð meint af.

Þó fólk bæri sig yfirleitt vel var sumum illa brugðið og mætti fólk frá Rauða krossinum á hótelið klukkan sjö í morgun til að veita sálrænan stuðning fyrir þá sem þess óskuðu.

16. jún. 2011 : Aðstoð Rauða krossins vegna húsbruna

Útkall barst frá Neyðarlínunni rétt fyrir klukkan tvö í nótt og óskað eftir aðstoð Rauða krossins vegna húsbruna í fjölbýlishúsi við Skúlagötu.

25. maí 2011 : Æfing hjá Viðbragðshópi höfuðborgarsvæðis

Viðbragðshópur höfuðborgarsvæðisins fékk boð um að mæta á æfingu í gær, þriðjudaginn 24. maí klukkan 17. Hópnum var stefnt á Álftanes þar sem búið var að setja upp dagskrá og aðstöðu í hjólhýsi Reykjavíkurdeildar og bílnum Frú Ragnheiði og mættir voru 22 leikarar á öllum aldri.

Æfingunni var skipt á tvær stöðvar og þolendur (leikarar) fóru á milli til að sjálfboðaliðar viðbragðshópsins fengju fleiri tækifæri til að æfa sig í viðtalstækni og sálrænum stuðningi. Þannig var að hluta komið í veg fyrir galla sem oft er á æfingum þegar mjög margir sjálfboðaliðar eru um hvern leikara.

24. maí 2011 : Bráðaflokkunarvika 20. - 27. maí 2011

Þessa viku stendur yfir bráðaflokkunarvika sem líkur föstudaginn 27. maí.  Markmið framtaksins er að vekja athygli á bráðaflokkunarkerfinu og efla þekkingu viðbragðsaðila. Þeir sem standa að verkefninu eru auk Rauða krossins, lögregluembættin, slökkviliðin, heilbrigðisstofnanir, rekstraraðilar sjúkraflutninga,  Neyðarlínan, ISAVIA, Landhelgisgæslan og björgunarsveitir Slysavarnafélagsins Landsbjargar. Það eru starfsmenn Landlæknisembættis og almannavarnadeildar ríkislögreglustjóra sem hafa unnið að skipulagi bráðaflokkunarviku í samvinnu við Velferðarráðuneytið. Bráðaflokkunarvikan er samvinnuverkefni viðbragðsaðila í hverju lögregluumdæmi og sóttvarnalæknar umdæma og svæða eru faglegir ábyrgðaraðilar.

Bráðaflokkun er sérstakt flokkunarkerfi sem notað er hér heima og erlendis í stórslysum eða hamförum. Kerfið er einfalt í notkun og það aðstoðar viðbragðsaðila við að greina stórslasaða frá minna slösuðum og auðveldar þeim þannig að koma þeim sem mest þurfa á heilbrigðisþjónustu að halda sem fyrst undir læknishendur. Bráðaflokkunartöskur eru staðsettar í öllum farartækjum viðbragðsaðila og innleiðing þessa kerfis hefur staðið yfir í tvö ár. Landsskrifstofa Rauða krossins á bráðaflokkunartösku sem deildir geta fengið lánaða fyrir fræðslu og kynningar.

22. maí 2011 : Fjöldahjálparstöðvar opnar og Hjálparsíminn 1717 veitir upplýsingar vegna gossins - Icelandic Red Cross response to the volcanic eruption in Vatnajökull glacier

Tvær fjöldahjálparstöðvar eru nú opnar á hamfarasvæðinu, á Kirkjubæjarklaustri og Hofgarði í Öræfum. Rauði krossinn vinnur nú að því að skipuleggja áfallahjálp til íbúa á svæðinu ásamt heilbrigðisþjónustunni, kirkju, sveitarfélögum og almannavörnum.

Hjálparsími Rauða krossins 1717 var virkjaður þegar í gærkvöldi sem upplýsingasími fyrir almenning eins og jafnan er gert í almannaástandi. Fólki er því bent á að hringja í Hjálparsímann 1717 til að nálgast almennar upplýsingar og til að sækja sér sálrænan stuðning.

Um 1000 íbúar eru á hamfarasvæðinu, og njóta þeir aðstoðar sitthvorum megin við Skeiðarársand þar sem Vegagerðin hefur lokað veginum af öryggisaðstæðum. Klausturdeild og Hornafjarðardeild Rauða krossins sjá um aðstoð á svæðinu, en aðrar deildir verða virkjaðar eftir því sem þörf krefur þar sem sjálfboðaliðar eru margir hverjir einnig þolendur vegna öskufallsins og þurfa að huga að fjölskyldu og eigin aðstæðum.

Mikið öskufall er í Vestur Skaftafellssýslu. Almenningur er hvattur til að halda sig innandyra en nota grímur og hlífðargleraugu þegar menn eru utandyra.

Two shelters have been opened for inhabitants and tourists in the disaster area, one at the community centre in Kirkjubæjarklaustur at Klausturvegur 10 and at Hofgardur in Öræfi. The Icelandic Red Cross is organizing psychological support in the area together with health authorities, municipalities and the civil protection authorities.
The Red Cross Helpline 1717 serves as a source of general information for the public during times of emergency. For all information about the current situation in the area around Vatnajökull glacier simply dial 1717. If you are calling from abroad the number is + 354 551 7853 and you will be connected with the helpline. Calls from abroad are not free of charge.

Ashfall is ongoing in the area from east of Vík to Höfn. People are advised to stay inside, but use masks when travelling outside. Road 1 is closed east of Klaustur.

22. maí 2011 : Viðbrögð við eldgosi í Vatnajökli - The Icelandic Red Cross responds to the volcanic eruption in Vatnajökull glacier

Klausturdeild Rauða krossins hefur opnað þjónustumiðstöð í félagsheimilinu á Kirkjubæjarklaustri og Hornafjarðardeild er í viðbragðsstöðu vegna eldgossins í Vatnajökli. Mikið öskufall er í Vestur Skaftafellssýslu. Almenningur er hvattur til að halda sig innandyra en nota grímur og hlífðargleraugu þegar menn eru utandyra. Fjöldahjálparstöð opnaði á Höfn í gærkvöldi en lokaði um miðja nótt. Þangað leituðu björgunarsveitarmenn sem voru að störfum á svæðinu.

Rauði kross Íslands vill vekja athygli á að Hjálparsími Rauða krossins 1717 gegnir hlutverki upplýsingasíma fyrir almenning þegar náttúruhamfarir verða. Fólki er því bent á að hringja í Hjálparsímann 1717 til að nálgast almennar upplýsingar og til að sækja sér sálrænan stuðning.

The Icelandic Red Cross responds to the eruption in Vatnajökull glacier. Ashfall is ongoing in the area from east of Vík to Höfn. People are advised to stay inside, but use masks when travelling outside. Road 1 is closed east of Klaustur.

Icelandic Red Cross Helpline 1717 is open 24/7 for information about the current situation in the area around Vatnajökull glacier.

The Red Cross Helpline 1717 serves as a source of general information to the public during times of emergency. You can call it by simply dialing 1717 when in Iceland. The call is free of charge.

From abroad, you can call + 354 551 7853 and you will be connected with the helpline. Calls from abroad are not free of charge.

19. maí 2011 : Veist þú hvar þín fjöldahjáparstöð er staðsett??

Neyðarvarnarnefnd Hveragerðis- og Árnesingadeilda Rauða krossins fór í kynnisferð í síðustu viku til að meta aðstæður í fjöldahjálparstöðvum sem tilheyra þeirra svæði, sem er öll Árnessýsla.

Farið var í fjöldahjálparstöðvarnar á Selfossi, Eyrarbakka og Stokkseyri, Þorlákshöfn og Hveragerði, en á síðasta ári var nefndin búin að skoða stöðvarnar á Laugarvatni, Flúðum og Reykholti. Allar þessar fjöldahjálparstöðvar eru staðsettar í skólabyggingum. Stjórnendur skólanna tóku vel á móti nefndinni og sýndu þeim byggingar og aðstöðu.

2. maí 2011 : Viðbragðshópur höfuðborgarsvæðisins í heimsókn hjá slökkviliðinu

Sjálfboðaliðar í viðbragðshóp höfuðborgarsvæðisins heimsóttu slökkviliðið í síðustu viku. Hópurinn vinnur náið með slökkviliðinu á vettvangi og mikilvægt að báðir aðilar séu meðvitaðir um störf hvers annars. Þó nokkrir nýliðar voru í hópnum ásamt þaulreyndum sjálfboðaliðum viðbragðshópsins.

Gestgjafarnir tóku að vonum vel á móti sjálfboðaliðunum og byrjuðu á að sýna slökkvibíla og sjúkrabíla. Það tókst þó ekki betur en svo að í upphafi kynningar var slökkviliðið og sjúkrabílar kallaðir út og sjálfboðaliðarnir urðu því af tækjakynningunni.

11. apr. 2011 : Borgarfjarðardeild opnaði fjöldahjálparstöð vegna ofviðris og grjóthríðar

Borgarfjarðardeild Rauða krossins opnaði fjöldahjálparstöð í húsnæði Menntaskólans í Borgarfirði um kvöldmatarleytið í gær vegna mikils ofsaveðurs sem gekk yfir landið. Lokað var fyrir umferð um Holtavörðuheiði og Bröttubrekku og einnig þurfti að loka Borgafjarðarbrú vegna ofsaroks og grjóthríðar sem gekk yfir veginn við enda brúarinnar að sunnanverðu.

Milli 50 og 60 manns komu í fjöldahjálparstöðina og biðu af sér veðrið. Opnað var fyrir umferð um brúna á tíunda tímanum í gærkvöldi og héldu þeir sem voru á suðurleið för sinni áfram. Útvega þurfti fimm manns sem voru á norðurleið gistingu þar sem ekki var útlit fyrir að opnað yrði fyrir umferð um Holtavörðuheiði og Bröttubrekku í gærkvöldi.

29. mar. 2011 : Íbúar Grindavíkur fræðast um neyðarvarnir

Neyðarvarnarnefnd Grindavíkurdeildar Rauða kross Íslands stóð fyrir fræðslukvöldi fyrir íbúa Grindavíkur um opnun fjöldahjálparstöðvar í Hópsskóla.

Jón Brynjar Birgisson verkefnisstjóri neyðarvarna hélt fyrirlestur sem gaf sýn á þau fjölbreyttu verkefni sem fylgja því að opna fjöldahjálparstöð, en ástæður opnunar eru mismunandi.
 
Fróðlegt var að heyra raunverulegar reynslusögur en eins og allir vita þá hefur nýverið reynt töluvert á neyðarviðbrögð bæði í Árnes- og Rangárvallarsýslum en einnig víðar um land í gegnum tíðina vegna t.d snjóflóða og rútuslysa og á höfuðborgarsvæðinu þá oftast vegna bruna.

10. feb. 2011 : 112 dagurinn haldinn hátíðlegur hjá Rauða krossinum víða um land

Rauði kross Íslands tekur virkan þátt í 112 deginum, föstudaginn 11. febrúar, víða um land og minnir almenning á nauðsyn þess að kunna skyndihjálp. Þá verður Skyndihjálparmaður ársins 2010 einnig útnefndur, en þetta er í tíunda sinn sem Rauði kross Íslands veitir viðurkenningu einstaklingi sem tilnefndur hefur verið fyrir að sýna hárrétt viðbrögð á neyðarstundu og bjargað þannig lífi.

Fulltrúar Rauða krossins sitja þessa stundina þjóðfund um öryggis- og neyðarþjónustu ásamt um eitt hundrað starfsmönnum og sjálfboðaliðum viðbragðsaðila almannavarna. Markmið fundarins er að ræða framtíðarskipan öryggis- og neyðarþjónustu og hvernig þjónustan verði best sniðin að þörfum almennings. Fundur af þessu tagi hefur aldrei áður verið haldinn í tengslum við þessa mikilvægu þjónustu, og verða niðurstöður hans kynntar á hátíðardagskrá 112 dagsins.

18. jan. 2011 : Æfing og námskeið í neyðarvörnum á Norðurlandi

Húsavíkurdeild Rauða krossins og almannavarnir Þingeyinga stóðu fyrir sameiginlegri skrifborðsæfingu á Húsavík á föstudaginn. Þátttakendur voru um fjörutíu talsins og komu frá öllum viðbragðsaðilum á starfssvæðinu auk ráðgjafa frá landsskrifstofu Rauða krossins og almannavarnadeild ríkislögreglustjóra.

Æfð voru viðbrögð við rútuslysi á Melrakkasléttu. Þátttakendum var skipt í tvo hópa. Annar hópurinn tók að sér aðgerðastjórnun en hún felur í sér samhæfingu á öllum aðgerðum í héraði en hinn hópurinn tók að sér vettvangsstjórnun sem snýst um stjórnun aðgerða á slysstað.

16. des. 2010 : Viltu bregðast við í neyð?

Viðbragðshópur Höfuðborgarsvæðis getur bætt við sig fleiri sjálfboðaliðum. Viðbragðshópurinn sinnir neyðaraðstoð fyrir óslasaða þolendur á vettvangi bruna, vatnstjóna, rýmingar húsa og annarra alvarlegra atburða sem lenda utan skipulags almannavarna.

Hópfélagar taka bakvaktir eina viku í senn. Þeir taka námskeið áður en þeir hefja störf, m.a. í sálrænum stuðningi og úrlausnum eftir tjón. Hópurinn starfar undir Neyðarnefnd höfuðborgarsvæðis sem velur einstaklinga í hópinn. Sjálfboðaliðar þurfa að vera búnir að ná 23 ára aldri.

Næsta námskeið fyrir verðandi félaga í viðbragðshóp er fyrirhugað um miðjan febrúar og inntökuviðtöl hefjast síðustu viku í janúar.

16. nóv. 2010 : Fræðsla um rekstur fjöldahjálparstöðva á Suðurlandi

Neyðarvarnir eru eitt af mikilvægustu verkefnum hverrar Rauða kross deildar, enda bera deildir ábyrgð á fjöldahjálp á neyðartímum í sínu umdæmi. Allar deildir vinna neyðarvarnaáætlanir fyrir sitt starfssvæði og uppfæra þær reglulega. 

Rauði krossin hefur ákveðnu hlutverki að gegna í viðbrögðum við neyð í landinu. Fjöldahjálp og félagslegt hjálparstarf eru verkefni Rauða kross Íslands samkvæmt samningum við stjórnvöld og lögum um almannavarnir. Deildir opna fjöldahjálparstöðvar þegar á þarf að halda og starfrækja þær á meðan þörf er á. Þeir sem þangað leita fá margvíslegan stuðningur og aðstoð og þar er séð um skráningar og upplýsingagjöf eftir því sem við á.

22. okt. 2010 : Samstarfssamningur um neyðarmötuneyti

Fjölmargir gæddu sér á dýrindis veitingum síðastliðinn þriðjudag sem Félagar í Klúbbi matreiðslumeistara útbjuggu í tilefni af undirskrift samstarfssamnings Rauða kross Íslands, Menntaskólans í Kópavogi og Klúbbs matreiðslumeistara um starfsemi neyðarmötuneyta til að tryggja faglega umgjörð í framkvæmd og rekstri þeirra.

Neyðarmötuneyti eru meðal annars starfrækt tímabundið í fjöldahjálparstöðvum Rauða krossins, þjónustumiðstöðvum almannavarna og í aðstöðu fyrir hjálparlið í kjölfar náttúruhamfara eða annarra alvarlegra atburða.
 

18. okt. 2010 : Neyðarmötuneyti Rauða krossins, Klúbbs matreiðslumeistara og MK

Rauði kross Íslands, Menntaskólinn í Kópavogi og Klúbbur matreiðslumeistara hafa gert með sér samstarfsamning um starfsemi neyðarmötuneyta Rauða krossins til að tryggja faglega umgjörð í framkvæmd og rekstri þeirra.  Neyðarmötuneyti eru meðal annars starfrækt tímabundið í fjöldahjálparstöðvum Rauða krossins, þjónustumiðstöðvum almannavarna og í aðstöðu fyrir hjálparlið í kjölfar náttúruhamfara eða annarra alvarlegra atburða.

Samningurinn verður undirritaður í Menntaskólanum í Kópavogi þriðjudaginn 19. október kl. 15:00.  Þar munu félagar í Klúbbi matreiðslumanna mæta í fullum skrúða og reiða fram veitingar í boði Menntaskólans í MK – hótels og matvælasviðs.

15. okt. 2010 : Ráðstefna um framtíðarskipulag áfallahjálpar á Íslandi í kjölfar hamfara

Fjölmennt var á ráðstefnu um skipulag áfallahjálpar á Íslandi sem haldin var fimmtudaginn 14. október í Grensáskirkju. Haraldur Johannessen ríkislögreglustjóri setti ráðstefnuna kl. 12:30, og samstarfsaðilar undirrituðu nýja áætlun um segir til um framtíðarskipulag áfallahjálpar á Íslandi í kjölfar hamfara.

Á ráðstefnunni var farið yfir viðbrögð heilbrigðisþjónustunnar og félagsþjónustu sveitarfélaga eftir jarðskjálftana á Suðurlandi árið 2008.  Fjallað var um sálrænar afleiðingar skjálftanna og hvernig áfallahjálp nýttist íbúum þar.

17. jún. 2010 : Aðstoð vegna bruna í Írabakka

Sjálfboðaliði  úr Viðbragðshópi Rauða krossins aðstoðaði íbúa fjölbýlishúss við Írabakka þegar eldur kom upp í íbúð á fyrstu hæð um klukkan 22 í kvöld.


18. maí 2010 : Samstarfssamningur um neyðarvarnir á höfuðborgarsvæðinu

Á aðalfundi Rauða kross Íslands þann 15. maí skrifuðu deildir á höfuðborgarsvæðinu undir nýjan samstarfssamning um neyðarvarnir. Samningurinn fjallar um markmið og skyldur neyðarnefndarinnar á höfuðborgarsvæðinu en neyðarnefndinni er ætlað að samhæfa neyðarvarnastarf deildanna á svæðinu. Þetta er í annað skipti sem slíkur samningur er undirritaður en sá fyrri er frá árinu 2005.

Samstarf deildanna hefur reynst vel og það hefur sýnt sig að deildirnar ná meiri árangri saman í neyðarvörnum en hver í sínu lagi.  Í nýja samningnum er gert ráð fyrir stofnun skyndihjálparhóps sem mun líta dagsins ljós á næsta ári. Fyrir er starfandi viðbragðshópur neyðarnefndarinnar sem sinnir neyðaraðstoð vegna atburða utan almannavarnaástands.

12. maí 2010 : Aðstoð veitt vegna röskunar á flugi

Ósk um aðstoð Rauða krossins barst frá starfsmönnum Akureyrarflugvallar á laugardaginn þegar millilandaflug færðist yfir til Akureyrar vegna ösku frá Eyjafjallajökli sem hindraði flug til Keflavíkur.

Fjöldi sjálfboðaliða Akureyrardeildar gaf kost á sér til verksins og hófst þegar undirbúningur. Skipulagi var komið á vakir því gert var ráð fyrir að ástandið gæti varað í einhvern tíma. Deildin fékk til afnota flugskýli þar sem sett var upp aðstaða til að sinna farþegum.

11. maí 2010 : Flugslysaæfing á Ísafjarðarflugvelli

Um 20 sjálfboðaliðar deilda Rauða krossins á norðarverðum Vestfjörðum tóku þátt í flugslysaæfingu á Ísafjarðarflugvelli á laugardaginni. Sjálfboðaliðarnir sáu um opnun fjöldahjálparstöðvar og söfnunarsvæðis aðstandenda auk þess að sinna skyndihjálp og aðhlynningu á söfnunarsvæði slasaðra. Þá tóku einnig gestir frá Akranesdeild Rauða krossins þátt í æfingunni.

Yfir 200 manns tóku þátt í æfingunni, sem gekk mjög vel. Einn helsti tilgangur hennar er að láta reyna á áreiðanleika áætlunarinnar með því að leiða saman þá viðbragðsaðila sem hafa hlutverk í áætluninni og síðan nýta þá reynsluna til að bæta áætlunina.

11. maí 2010 : Starfsmenn Arion banka hjálpuðu til við hreinsunarstarf undir Eyjafjöllum

103 starfsmenn Arion banka og liðsaukar Rauða kross Íslands lögðu sitt á vogarskálarnar og hjálpuðu til við hreinsunarstörf á Skógum, Þorvaldseyri, Rauðafelli, Raufarfelli og við Seljavallalaug undir Eyjafjöllum í síðustu viku.

Á annað hundrað starfsfólk bankans skráði sig sem liðsaukar hjá Rauða krossinum síðasta vetur. Liðsaukar gegna því starfi að vera viðbúnir ef Rauði krossinn þarf á sjálfboðaliðum að halda. Það var því sjálfsagt mál hjá bankanum að liðka til fyrir starfsmenn svo þeir gætu farið og gegnt sjálfboðaliðastörfum. Bankinn leggur mikið upp úr samfélagslegri ábyrgð sinni og telur þetta lið í því verki.

3. maí 2010 : Öskuhreinsun undir Eyjafjöllum – hlé meðan öskufall stendur yfir

Þriðji hópur sjálfboðaliða Rauða krossins kom til Reykjavíkur laust eftir fimm á föstudaginn eftir að hafa verið þar við öskuhreinsun yfir daginn. Hópinn skipaði 15 manns sem skipt var á þrjá bæi. 

Hreinsunarstarfið gekk vel til að byrja með en því miður fór ösku að rigna yfir þegar líða tók á daginn. Þrátt fyrir það var ánægja með dagsverkið og margir til í að endurtaka leikinn.

  Þeim sjálfboðaliðum sem lagt hafa hönd á plóginn við hreinsunarstarfið undir Eyjafjöllum er þakkað kærlega fyrir flott og mikilvægt starf. Þó svo að aska fari yfir svæðið aftur þá skiptir starfið mjög miklu máli fyrir bændur á svæðinu. Eins og staðan er í dag þá hefur verið gert hlé á hreinsun en mun það hefjast að nýju þegar aðstæður leyfa. 

29. apr. 2010 : Hreinsun ösku undir Eyjafjöllum

Níu sjálfboðaliðar Rauða krossins héldu austur til Eyjafjalla í morgun til hreinsunarstarfa á bæjunum  sem verst urðu úti í öskufallinu vegna eldgossins. Á morgun verður leikurinn endurtekinn en þá fer annar hópur sjálfboðaliða austur.

Margir hafa boðið fram aðstoð sína og eins og er er nægjanlegur fjöldi sjálfboðaliða til að manna þau störf sem sjáanleg eru framundan. 

26. apr. 2010 : Sjálfboðaliðar hreinsa til við bæina undir Eyjafjöllum

Á fimmta tug sjálfboðaliða Rauða krossins brást við með stuttum fyrirvara þegar leitað var til þeirra um aðstoð við hreinsunarstörf í gær við bæina undir Eyjafjöllum sem urðu hvað verst úti í öskufallinu vegna eldgossins í Eyjafjallajökli. Verkefnin fólust helst í að hreinsa ösku í kringum íbúðarhús og í görðum eða hvað annað sem bændur óskuðu eftir.

Óhætt er að segja að mikið verk blasti við hreinsunarfólki þegar það mætti á svæðið en það var ólýsanleg ánægja að sjá umhverfið lýsast upp og grænka þegar öskuleðjunni var mokað og sópað í burtu. Þakklæti heimamanna var svo stærsta umbunin og dagsverkið með því mest gefandi sem sjálfboðaliðar hafa færi á að takast á við.
 

23. apr. 2010 : Fjölmenni í veislu Rangárvallasýsludeildar

Sjálfboðaliðar Rangárvallasýsludeildar Rauða krossins efndu til veislu í félagsheimilinu Heimalandi undir Eyjafjöllum í gær. Sláturfélag Suðurlands, Emmess ís og Ölgerðin lögðu til veisluföngin. Á borðum var hangikjöt og ís og ávextir í eftirmat.

Árni Þorgilsson, formaður Rangárvallasýsludeildarinnar, taldi að rúmlega 200 manns hefðu komið í veisluna. Margir sjálfboðaliðar lögðu hönd á plóginn.

„Þetta tókst mjög vel og fólkið var mjög ánægt,“ sagði Árni. Hann sagði að nokkuð gott hljóð hefði verið í fólki og það hefði ekkert verið að flýta sér. „Menn vöknuðu á sumardaginn fyrsta og allt orðið bjart. Snjór yfir öllu og nokkuð létt yfir fólki.“

21. apr. 2010 : Sálrænn stuðningur og hátíðarmálsverður sumardaginn fyrsta

Sjálfboðaliðar Rangárvallasýsludeildar Rauða krossins munu sjá um hátíðarmálsverð í tilefni sumardagsins fyrsta í félagsheimilinu Heimalandi. Opið verður frá klukkan 11:00-17:00 og leggja Sláturfélag Suðurlands, Emmessís og Ölgerðin til veisluföngin.

Fjöldahjálparstöð hefur verið á Heimalandi þegar íbúum hefur verið gert að rýma svæðið vegna eldgossins. Síðan á laugardag hafa sjálfboðaliðar Rauða krossins séð um mat á Heimalandi svo að íbúar undir Eyjafjöllum geti komið saman, borðað og ráðið ráðum sínum.

Fulltrúar Rauða krossins hafa verið með erindi um sálræn eftirköst áfalla á sjö íbúafundum síðastliðna þrjá daga auk þess sem sálfræðingar Rauða krossins hafa verið með viðveru í Heimalandi og Vík í samstarfi við heilbrigðisstofnanir á Suðurlandi.

19. apr. 2010 : Rauði kross Íslands veitir íbúum á eldgosasvæðinu sálrænan stuðning

Rauði kross Íslands vinnur nú að því í samvinnu við heimamenn að veita íbúum og þeim sem orðið hafa fyrir áhrifum af völdum eldgossins sálrænan stuðning.

Sálfræðingur verður til viðtals í Heimalandi og í Vík á þriðjudag frá klukkan 12-14. Frekari viðvera sálfræðings verður auglýst síðar. Einnig var farið í Grunnskólann á Hvolsvelli og rætt við nemendur og kennara.

Boðið verður upp á opið hús fyrir þá sem eru staðsettir á höfuðborgarsvæðinu, í Rauðakrosshúsinu Borgartúni 25, á miðvikudaginn frá klukkan 14-16. Sálfræðingur úr áfallateymi Rauða krossins verður á staðnum og fjallar um sálrænan stuðning í kjölfar náttúruhamfara og veitir ráðgjöf um stuðning foreldra og forráðamanna við börn. Rauðakrosshúsið er opið fimm daga vikunnar frá klukkan 12-17. Þar er hægt að sækja í ráðgjöf og sálrænan stuðning.

19. apr. 2010 : Sjálfboðaliðar Rangárvallasýsludeildar sáu um mat í Heimalandi

Íbúamiðstöðin í Heimalandi var opin í gær. Fjórir sjálfboðaliðar Rangárvallasýsludeildar Rauða krossins voru þar að störfum og tóku á móti um 130 íbúum og björgunarsveitarfólki með mat. Íbúafundur var þar klukkan 13 þar sem sýslumaður og sveitarstjórnarmenn tóku stöðuna og spjölluðu við fundargesti. Forsetinn Ólafur Ragnar Grímsson og Ragna Árnadóttir dómsmálaráðherra ásamt  sýslumanni og sveitarstjórnarmönnum voru viðstödd fundinn.

Þegar leið á daginn fór fólk heim til sín en fjöldahjálparstöðin var opin og sjálfboðaliðarnir skildu eftir kjötsúpa í potti fyrir þá sem vildu.
 

16. apr. 2010 : Hjálparsími Rauða krossins 1717 gegnir hlutverki upplýsingasíma almennings vegna eldgoss/Red Cross Helpline 1717: public information centre for the current emergency

Rauði kross Íslands vill vekja athygli á að Hjálparsími Rauða krossins 1717 gegnir hlutverki upplýsingasíma fyrir almenning þegar náttúruhamfarir verða. Fólki er því bent á að hringja í Hjálparsímann 1717 til að nálgast almennar upplýsingar og til að spyrjast fyrir um afdrif skyldmenna og vina á hættusvæðinu. Þá er heimafólki sem ekki er á svæðinu eða nær ekki að komast í fjöldahjálparstöðvar Rauða krossins bent á að hringja í 1717 til að tilkynna um dvalarstað sinn.

Um 100 sjálfboðaliðar starfa við Hjálparsímann 1717, sem er gjaldfrjáls og opinn allan sólarhringinn. Þeir hafa fengið sérstaka þjálfun í upplýsingasöfnun og upplýsingaveitu þegar hamfarir dynja yfir. Eins er Hjálparsíminn mikilvægur hlekkur í skráningu Rauða krossins þegar rýma þarf svæði, og liggja þar allar upplýsingar jafnóðum fyrir um þá sem hafa gefið sig fram í fjöldahjálparstöðvum Rauða krossins á hættusvæðunum.

15. apr. 2010 : Fjöldahjálparstöðin i Drangshlíð opin

Á fjórða tug manna gistu í fjöldahjálparstöð Rauða krossins í Drangshlíð í nótt. Rýmingu var aflétt í gærkvöldi nema á 20 heimilum næst gosstöðvunum.

Samhæfingarstöðin í Skógarhlíð er mönnuð og fylgst verður vel með framvindu gossins.

Hjálparsími Rauða krossins 1717 er áfram starfræktur sem upplýsingarsími vegna eldgossins.

15. apr. 2010 : Fjöldahjálparstöð Rauða krossins á Hvolsvelli hefur opnað

Rauði kross Íslands hefur opnað fjöldahjálparstöð í grunnskólanum á Hvolsvelli vegna rýmingar í Fljótshlíð og Landeyjum. Hjálparsíminn 1717 er opinn sem upplýsingarsími.

Stórflóð er í Markarfljóti. Fólki hefur verið gert að yfirgefa svæðið strax, vegna upplýsinga um að stórt vatnsflóð sé að koma niður undan Gígjökli. Þá verða áhrifasvæði Eyjafjallajökuls rýmd strax. Vatn hefur flætt yfir varnargarða við Þórólfssfell í innanverðri Fljótshlíð stystu leið frá flóðasvæðinu. Stórir ísjakar eru í flóðinu.

15. apr. 2010 : Rýmingu aflétt og fjöldahjálparstöðinni lokað

Rýmingu vegna flóða úr Eyjafjallajökli er aflétt og fjöldahjálparstöð Rauða krossins á Hvolsvelli því lokað. Um 250 manns komu á fjöldahjálparstöðina en einnig var tekið á móti fólki á Búðarhóli og Hildisey í Fljótshlíð.

Sjö sjálfboðaliðar Rangárvallasýsludeildar Rauða krossins og tveir frá Árnesingadeildinni tóku á móti fólkinu í fjöldahjálparstöðinni. Starfsmenn Hvolskóla sáu um mat fyrir alla og Ölgerðin kom með drykki.
 

14. apr. 2010 : Rauði krossinn opnar fjöldahjálparstöðvar og virkjar Hjálparsímann 1717 vegna eldgoss

Rauði kross Íslands hefur virkjað neyðarvarnarkerfi sitt og opnað fjöldahjálparstöðvar í grunnskólanum á Hvolsvelli, Varmahlíð, Heimalandi og Drangshlíð vegna jarðskjálfta í Eyjafjallajökli. Þá hefur Hjálparsíminn 1717 verið opnaður sem upplýsingarsími fyrir aðstandendur sem vilja spyrjast fyrir um afdrif skyldmenna og fyrir heimafólk,sem ekki er á svæðinu, til að tilkynna um dvalarstað sinn.

Allir íbúar, sumarhúsaeigendur og ferðamenn skulu rýma svæðið samkvæmt leiðbeiningum. Fólk getur leitað skjóls og fengið frekari aðstoð í fjöldahjálparstöðvunum. Rauði krossinn biður sjálfboðaliða í Rangárvalladeild, Víkurdeild og deildir í Árnessýslu að koma til aðstoðar samkvæmt neyðarvarnarskipulagi félagsins.

Earth tremors are reported under the summit of the Eyjafjallajökull glacier, in the south of Iceland. The Department of Civil Protection and Emergency Management, in consultation with geophysicists from the Icelandic Meteorological Office, have already evacuated the areas to the south of the glacier as a precautionary measure. The authorities have contacted farms in this area and instructed them to move to Heimaland, Varmahlid and Drangshlid. The police in Hvolsvöllur and local rescue teams are supervising the evacuation. The main road, national route 1, is closed from Hvolsvöllur to Skógará. The National Emergency coordination centre in Skógarhlið, Reykjavik is operational and is monitoring the situation with geophysicists from the Icelandic Meteorological Office.

In light of the increased volcanic activity under the the summit of the Eyjafjallajökull glacier, in the south of Iceland, the Department of Civil Protection and Emergency Management, in consultation with geophysicists from the Icelandic Meteorological Office, have decided to evacuate the neighbouring areas, according to the Civil Protection evacuation plan and people are to move to the Red Cross Mass Care centres.

14. apr. 2010 : Fjöldahjálparstöðvar Rauða krossins opnar meðan þörf krefur

Fjórar fjöldahjálparstöðvar voru opnaðar í kjölfar rýmingar vegna eldgossins í Eyjafjallajökli.  Um 700 manns voru skráðir hjá Rauða krossi Íslands við rýmingu.

Um 30 manns eru enn í fjöldahjálparstöð Rauða krossins á Hvolsvelli, en milli 50-60 manns hafa verið þar í dag.  Í Drangshlíð dvelja 35 manns, og 3 eru enn í Varmahlíð, en enginn dvelur í Heimalandi eins og er.

Fjöldahjálparstöðvarnar verða opnar meðan þörf krefur, og þar stendur fólki til boða skjól og vistir.

Hjálparsími Rauða krossins 1717 er áfram starfræktur sem upplýsingarsími vegna eldgossins.  Þá útvegaði Rauði krossinn einnig túlka á ensku og pólsku í samhæfingarstöðina í Skógarhlíð til að þýða fréttir og fréttatilkynningar.

14. apr. 2010 : Yfir 400 manns skráðir í fjöldahjálparstöðvum Rauða krossins

Yfir 400 manns hafa nú skráð sig í fjöldahjálparstöð Rauða kross Íslands í grunnskólanum á Hvolsvelli. Þar eru nú staddir um 200 manns, og að sögn Hrafnhildar Björnsdóttur, stjórnanda fjöldahjálparstöðvarinnar, er verið að koma dýnum á staðinn svo fólk geti lagst fyrir.

Alls er um 700 manns gert að rýma svæðið.  Fjölmargir fá gistingu hjá vinum og ættingjum, en fólk nýtir sér einnig aðstoð Rauða krossins í fjöldahjálparstöðvunum á Hvolsvelli, í Varmahlíð, Heimalandi og Drangshlíð.
 
Þá hefur Hjálparsíminn 1717 verið opnaður sem upplýsingarsími fyrir aðstandendur sem vilja spyrjast fyrir um afdrif skyldmenna og fyrir heimafólk sem ekki er á svæðinu til að tilkynna um dvalarstað sinn.
 

13. apr. 2010 : Aðstoð við flugfarþega

Níu sjálfboðaliðar úr neyðarnefnd Suðurnesjadeildar Rauða krossins tóku í dag á móti farþegum flugvélar US Airlines eftir að tilkynnt var um óþægilegar efnagufur í farþegarými. Fjöldahjálparstjórar á höfuðborgarsvæðinu og áfallahjálparteymi Rauða kross Íslands voru jafnframt í viðbragðsstöðu. Þá voru starfsstöðvar Rauða krossins í aðgerðastjórn almannavarna og Samhæfingarstöðinni mannaðar.

Farþegarnir báru sig vel og í ljós kom að óþægindin voru að mestu bundin við áhafnarmeðlimi í eldhúsi flugvélarinnar og fengu þeir viðeigandi læknisaðstoð.
 
 

13. apr. 2010 : 120 fjöldahjálparstjórar á höfuðborgarsvæðinu

Á þriðja tug sjálfboðaliða sóttu fjöldahjálparnámskeið sem haldið var í Hafnarfjarðardeild Rauða krossins.

Farið var yfir almannavarnarkerfið og hlutverk Rauða krossins innan þess. Til hvers er ætlast af fjöldahjálparstjórum, og hverju þeir geta búist við að mæta þegar kallið kemur.  

22. mar. 2010 : Icelandic Red Cross responds to volcanic eruption

The Icelandic Red Cross responded swiftly when a volcano in Eyjafjallajokull glacier, in the south of the countrym erupted right before midnight on Saturday 20 March.  More than 40 volunteers and staff went into action upon receiving a text message half an hour later.  Red Cross branches in Southern Iceland immediately activated a well exercised emergency response plan, and opened up 3 shelters and registration points to receive 600 people evacuated from the designated danger zone within the vicinity of the volcano.

The volcanic eruption came by surprise as there was no immediate warning as scientists had anticipated.  However, a state of alert had been declared two weeks earlier due to frequent earthquakes and indications of volcanic activity in the area so the communities in the South were well prepared and quick to leap into action.
 

22. mar. 2010 : Rauði kross Íslands bregst við eldgosi á Fimmvörðuhálsi

Sjálfboðaliðar og starfsmenn Rauða kross Íslands brugðust hratt við þegar boð bárust um að eldgos væri hafið í Eyjafjöllum á fyrsta tímanum aðfararnótt sunnudags.

21. mar. 2010 : Rauði krossinn opnar fjöldahjálparstöðvar og virkjar Hjálparsímann 1717 vegna eldgoss

Rauði kross Íslands hefur virkjað neyðarvarnarkerfi sitt og opnað fjöldahjálparstöðvar á Hellu, Hvolsvelli og í Vík í Myrdal vegna eldgoss í Eyjafjallajökli. Þá hefur Hjálparsíminn 1717 verið opnaður fyrir aðstandendur sem vilja spyrjast fyrir um afdrif skyldmenna.

Allir íbúar, sumarhúsaeigendur og ferðamenn skulu rýma svæðið samkvæmt leiðbeiningum. Fólk getur leitað skjóls og fengið frekari aðstoð í fjöldahjálparstöðvunum. Rauði krossinn biður sjálfboðaliða í Rangárvalladeild, Víkurdeild og deildir í Árnessýslu að koma til aðstoðar samkvæmt neyðarvarnarskipulagi félagsins.

Evacuations due to volcanic eruption in Eyjafjallajökull-glacier area

The Icelandic Red Cross has opened reception areas and shelters in Hella, Hvolsvöllur and Vik i Mýrdal due to volcanic eruption in the area around Eyjafjallajökull.  The Red Cross 24-hour Helpline 1717 has also been activated for relatives seeking information about their loved ones.

All inhabitants, summerhouse owners and travellers in the area should evacuate according to a specific evacuation plan.
 

21. mar. 2010 : Yfir 500 manns hafa skráð sig í fjöldahjálparstöðvar á Hvolsvelli, Hellu og Vík

Hrafnhildur Björnsdóttir, stjórnandi fjöldahjálparstöðvar Rauða krossins á Hvolsvelli, segir að þar séu nú staddir um 60-70 manns en um 430 séu búnir að skrá sig. Fólk fari til vina og ættingja og þeir sem búi í Reykjavík fari þangað. Rauði krossinn beinir því til þeirra sem vantar gistingu muni þeir fá inni í grunnskólanum á Hellu en hún á ekki von á að þörf sé á því.

Þrjár fjöldahjálparstöðvar Rauða krossins hafa verið opnaðar á Hellu, Hvolsvelli og í Vík. Sjálfboðaliðar Rauða krossins hafa tekið þar á móti fólki og skráir. Hjálparsími Rauða krossins 1717 hefur verið virkjaður og tekur á móti símtölum frá aðstandendum öðrum sem vilja fá upplýsingar vegna gossins.

Rauði krossinn hefur einnig útvegað túlka á ensku og pólsku í samhæfingarstöðina í Skógarhlíð til aðstoðar við erlenda íbúa og ferðamenn.  

21. mar. 2010 : Rauði krossinn veitir yfir 100 manns skjól af hættusvæðinu

Lokið hefur verið að flytja um 600 manns af eldgossvæðinu og skrá það í fjöldahjálparstöðvum Rauða krossins á Hvolsvelli, Hellu og í Vík í Mýrdal.
 
Flestir hafa farið til aðstandenda, en Rauði krossinn hefur veitt rúmlega 100 manns skjól. Sextíu manns hefur verið komið í gistingu í Vík og um 20 gista í fjöldahjálparstöðinni á Hvolsvelli og um 40 í Heimalandi undir Eyjafjöllum.
 
Íbúum af svæðinu sem ekki hafa vísa gistingu er bent á að hafa samband við Hjálparsíma Rauða krossins 1717, og eins þeim sem vilja fá upplýsingar um afdrif ástvina og aðstandenda.

21. mar. 2010 : Rauði krossinn veitir sálrænan stuðning og skjól á hættusvæðinu

Yfir 40 sjálfboðaliðar og starfsmenn hafa staðið vaktina hjá Rauða krossinum í nótt. Um 17 manns gistu í fjöldahjálparstöðinni á Hvolsvelli, og um 78 fengu gistingu á Vík og 36 í Heimalandi undir Eyjafjöllum.

Sjálfboðaliðar og sérfræðingar Rauða krossins hafa veitt sálrænan stuðning á staðnum og  verður svo áfram meðan fjöldahjálparstöðvar eru opnar.

Rúmlega 600 manns af hættusvæðinu voru skráðir í fjöldahjálparstöðvum Rauða krossins á Hvolsvelli, Hellu og í Vík.  Opið er á þessum stöðum þurfi fólk að leita aðstoðar.

Hjálparsími Rauða krossins 1717 var virkjaður sem upplýsingasími strax upp úr miðnætti.  Mikið hefur verið hringt, og er fólki bent á að leita upplýsinga þar um afdrif aðstandenda.  Rauði krossinn útvegaði einnig enskan og pólskan túlk í samhæfingarstöðina í Skógarhlíð til að veita upplýsingar til íbúa og ferðamanna á svæðinu.