Sjálfboðaliðar Rangárvallasýsludeildar sáu um mat í Heimalandi

19. apr. 2010

Íbúamiðstöðin í Heimalandi var opin í gær. Fjórir sjálfboðaliðar Rangárvallasýsludeildar Rauða krossins voru þar að störfum og tóku á móti um 130 íbúum og björgunarsveitarfólki með mat. Íbúafundur var þar klukkan 13 þar sem sýslumaður og sveitarstjórnarmenn tóku stöðuna og spjölluðu við fundargesti. Forsetinn Ólafur Ragnar Grímsson og Ragna Árnadóttir dómsmálaráðherra ásamt  sýslumanni og sveitarstjórnarmönnum voru viðstödd fundinn.

Þegar leið á daginn fór fólk heim til sín en fjöldahjálparstöðin var opin og sjálfboðaliðarnir skildu eftir kjötsúpa í potti fyrir þá sem vildu.