Aðstoð veitt vegna röskunar á flugi

11. maí 2010

Ósk um aðstoð frá Rauða krossinum kom frá starfsmönnum á Akureyrarflugvelli á laugardaginn þar sem að millilandaflug væri að færast yfir til Akureyrar vegna  ösku frá Eyjafjallajökkli, sem hindraði flug til Keflavíkur.
Fjöldi sjálfboðaliða deildarinnar gaf kost á sér til verksins og hófst þegar undirbúningur. Var þegar komið skipulag á  vakir því  gert var ráð fyrir að ástandið gæti varað í einhvern tíma.
Deildin fékk til afnota flugskýli þar sem að sett var upp aðstaða til að sinna farþegum.
Um tuttugu sjálfboðaliðar tóku þátt í aðgerðunum og stóðu sumir svo klukkustundum skipti enda stóðu aðgerðir fram á miðjan dag í gær.
Þeir farþegar sem komu í hlut deildarinnar að sinna  vor þeir sem voru að fara í flug og voru þetta hátt í þúsund manns í heildina. Sjálfboðaliðar deildarinnar buðu upp á samlokur, drykki, og  útdeilu teppum  til þeirra sem vildu. Komið var upp sérstakri svefnaðstöðu þar sem markaðstjöldum deilarinnar var tjaldað inni í flugskýlinu og þreyttir ferðalangar  gátu hvílt lúin bein á dýnum.
Oft var þröng á þingi en farþegar voru afskaplega þakklátir og áttu ekki til orð yfir því að fólk skyldi leggja þetta á sig í sjálfboðavinnu og fékk söfnunarbaukur deildarinnar að njóta þess frá sumum.
Einnig gat starfsfólk komið og fengið sér súpu og brauð á meðan á aðgerðum stóð enda mikið álag á þeim.