Rauðakrossfræðsla á Norðurlandi

21. maí 2010

Rétt fyrir síðustu mánaðamót heimsóttu þau Guðný Björnsdóttir, svæðisfulltrúi og Hafsteinn Jakobsson, framkvæmdastjóri Akureyrardeildar Grunnskólann á Siglufirði og voru með fræðslu um Rauða krossinn og þætti úr námskeiðinu „Viðhorf og virðing" fyrir elstu bekkingana. Samskonar ferð var svo farin í vikunni, en þá var Grunnskólinn á Hólmavík heimsóttur.

Nemendur tóku virkan þátt í námskeiðinu, bæði vildu þau fræðast um Rauða krossinn og starfsemi hans auk þess að vera með fjörug skoðanaskipti þegar lögð voru fyrir þau verkefni þar sem  þurfti að forgangsraða og taka afstöðu til ýmissa mála.

Alls sóttu þessa fræðslu hátt í 70 nemendur.

 


Sjá má fleiri myndir hér.