Fjölmennt deildanámskeið

4. maí 2011

Að starfa í stjórn var yfirskrift deildanámskeiðs sem haldið var á Akureyri 3. maí s.l. Leiðbeinandi var  Ómar H. Kristmundsson, fyrrverandi formaður Rauða kross Íslands.  Fjallaði Ómar um mismundandi hlutverk stjórnamanna og hvernig auka má virkni og skerpa á hlutverkum. Fór hann yfir helstu hlutverk stjórna í almennum félögum; stefnu-, efirlits-, fjármögnunar- , mannauðs-, málsvara- og ráðningahlutverk, og vægi þeirra sem er mismikið og háð tegund stjórna.
Einnig var hópavinna þar sem þátttakendur fóru yfir hversu veigamikil hlutverkin eru mæld í fundartíma / fjölda funda og hversu veigamikil hlutverkin ættu að vera. Skoðað var hvort hlutverki hefði verið sinnt, hvort það væri veigalítið eða umfangsmikið.
Seinnihluti námskeiðsins fjallaði um  samsetningu stjórnar, verkaskiptingu, fundi þar sem hann lagði áherslu á að liðurinn önnur mál væri virtur, fundarframkvæmd, starfsdaga og fjárhagslega ábyrgð sem væri fyrst og fremst siðferðileg nema annað væri tekið fram.  Góðar umræður sköpuðust og var allmenn ánægja með námskeiðið.  Tuttugu og fimm þátttakendur komu frá fimm deildum á Norðurlandi.