Heimsókn frá Lundarskóla

13. nóv. 2007

Strákarnir úr 6. K í Lundarskóla komu í gær í heimsókn til að kynna sér  starf Rauða krossins. Þeir fengu einnig fræðslu um skyndihjálp og  æfingu í því að veita endurlífgun.  Strákarnir voru ófeimnir við að spyrja og sumir voru ágætlega að sér um sögur og tilgang Rauða krossins. Nokkrar umræður sköpuðust  um það hvernig mætti forðast slys með því t.d. að nota hlífðabúnað við íþrótta- og tómstundaiðkun.  Að lokum var boðið upp á pissu og endað með því að skella sér í nokkra leiki.
Það voru foreldrar nemendanna  sem skipulögðu þessa dagskrá  en þau skiptast einmitt á að skipuleggja ýmsa viðburði þar sem markmiðið er að tengja betur nemend hópinn  og aðstandendur þeirra.

Þess má geta að  strákarnir vildu endilega styrkja Rauða krossinn með 3.200 krónum sem urðu afgangs þegar búið var að borga fyrir pitsurnar og eru þeim hér með færðar bestu þakkir fyrir stuðninginn og heimsóknina.