Austur- Húnavatnssýsludeild fer af stað með heimsóknaþjónustu

29. jan. 2008

Námskeið fyrir heimsóknavini var haldið á Blönduósi á mánudaginn og sóttu það sjö konur.
 
Í kjölfar námskeiðsins bætist Austur- Húnavatnssýsludeild Rauða krossins í hóp þeirra deilda sem bjóða upp á þjónustu heimsóknavina.
 
Námskeiðið var með hefðbundnu sniði. Farið var yfir tilgang verkefnisins og verklag. Leiðbeinandi var Guðný H. Björnsdóttir svæðisfulltrúi á Norðurlandi og Einar Óli Fossdal formaður Austur -Húnavatssýsludeildar sagði frá starfi deildarinnar.
 
Sjálfboðaliðar Rauð krossins heimsækja hundruð einstaklinga um allt land sem búa við félagslega einangrun. Þeir sjálfboðaliðar sem sinna heimsóknum eru bundnir trúnaði.