" Amma mín er handleggsbrotin... "

21. maí 2008

Það færist sífellt  í aukana að hópar leiti eftir því  að fá að kynningu á Rauða krossinum og starfsemi hans.  Kynningarnar eru auðvitað mismunandi eftir aldri og fjölda viðkomandi hverju sinni en líklega óhætt að segja að þær séu skemmtilegri eftir því sem hóparnir eru yngri. Þannig er t.d. næsta víst með yngstu börnin að þegar sagt er frá því að stofnandi  Rauða kross hreyfingarinnar Henry Dunant sé reyndar dáinn núna, þá þekkja alltaf nokkrir í salnum einhvern sem dó. Og þegar sagt er frá sjúkrabílunum eða hvernig maður lærir skyndihjálp þá eru einhverjir sem eiga skyldmenni eða kunningja sem hafa lent í stórkostlegum hremmingum.  Börnin eru sem sagt ævinlega einlæg og ófeimin við að spjalla og því sérstaklega gaman að fá þau í heimsókn.