Fjöldi námskeiða í boði hjá Kópavogsdeild

1. feb. 2010

Kópavogsdeild býður reglulega upp á ýmis konar námskeið og hér á síðunni er hægt að fá upplýsingar og skrá sig á næstu námskeið. Þann 15. febrúar verður skyndihjálparnámskeið þar sem farið verður yfir grundvallaratriðið í skyndihjálp og endurlífgun. Námskeið í sálrænum stuðningi verður svo 1. mars en þar fræðast þátttakendur um gildi sálræns stuðnings í aðstæðum sem geta valdið áföllum.

Námskeiðið Slys og veikindi barna fer fram 8. og 10. mars. Þá verður meðal annars fjalla um varnir gegn slysum á börnum og orsakir slysa almennt, þroska barna og slys sem tengjast aldri. Í maí og júní verður svo námskeiðið Börn og umhverfi fyrir ungmenni á 12. aldursári og eldri. Á námskeiðinu er farið í ýmsa þætti sem varða umgengni og framkomu við börn auk slysavarna og skyndihjálpar.

Áhugasamir er eindregið hvattir til að skrá sig á námskeiðin með því að smella á hlekkina hér fyrir ofan eða hafa samband við deildina í síma 554 6626 eða með tölvupósti á kopavogur@redcross.is.  Þátttakendur á öllum námskeiðunum fá staðfestingarskírteini frá Rauða krossinum.