Handverksmarkaður í dag, laugardag!

17. apr. 2010

Handverksmarkaður Kópavogsdeildar hefst kl. 11 í dag og þar er hægt að gera góð kaup á ýmis konar prjónavörum og öðru handverki sem sjálfboðaliðar deildarinnar hafa búið til. Þá er einnig til sölu handverk frá Mósambík eins og batik-myndir, skartgripir og töskur. Einnig er hægt að gera góð kaup á kökum og brjóstsykri sem hafa verið búnir til sérstaklega fyrir markaðinn. Lyklakippur sem yngstu þátttakendur deildarinnar í Rauða kross starfi – Enter-börnin – hafa handgert verða líka til sölu.

Markaðurinn er staðsettur í sjálfboðamiðstöð deildarinnar í Hamraborg 11, 2. hæð, og verður opinn til kl. 16 í dag. Það er tilvalið að kaupa handverk til að gefa t.d. í sumargjafir eða sængurgjafir og styrkja gott málefni í leiðinni!