Tombóla

3. okt. 2011

Sara Ósk Stefánsdóttir, Heba Sól Stefánsdóttir, Kristrún Ösp Brynjarsdóttir og Sara Dögg Björnsdóttir héldu tombólu á dögunum fyrir utan Nóatún í Hamraborginni og söfnuðu alls 500 kr. Þær komu í Rauðakrosshúsið í Hamraborg 11 með afraksturinn en þær eru allar í Kópavogsskóla. Framlag þeirra rennur í sameiginlegan hjálparsjóð á landsvísu. Það er ráðstafað einu sinni á ári úr sjóðnum í verkefni í þágu barna í neyð erlendis. Tilkynnt er hvaða verkefni verður fyrir valinu í desember ár hvert.

Rauði krossinn metur mikils framtak sem þetta af hálfu yngstu sjálfboðaliða hreyfingarinnar. Þeir sem vilja afhenda Rauða krossinum afrakstur af fjársöfnun sinni geta komið í Rauðakrosshúsið í Kópavogi, Hamraborg 11, alla virka daga á milli kl. 9-15.