Eldhugar fara í ferð í sjónvarpið á morgun, fimmtudag

17. okt. 2007

Eldhugar fara í ferð í sjónvarpshúsið á morgun, fimmtudag, og fá fræðslu um það sem gerist á bak við tjöldin í sjónvarpinu. Síðar í haust kemur svo leikari til Eldhugana og ætlar að aðstoða þá við að búa til sinn eigin sjónvarpsþátt í anda Kastljóssins. Spennandi.....

Eldhugar eru ungmenni á aldrinum 13-16 ára af íslenskum og erlendum uppruna sem hittast í sjálfboðamiðstöð Kópavogsdeildar Rauða krossins á fimmtudögum kl. 17.30-19.00. Eldhugar vinna skemmtileg og skapandi verkefni sem miða að því að byggja betra samfélag án mismununar og fordóma. Unnið er með hugtök eins og vinátta, virðing og umburðarlyndi í gegnum ljósmyndun, leiklist, kynningar á erlendum menningarheimum og margt fleira. Sjálfboðaliðar Rauða krossins taka þátt í og stýra starfinu í samstarfi við fagfólk á ýmsum sviðum sem einnig gefur vinnu sína.

Áhugasamir sem vilja taka þátt í Eldhugum eru eindregið hvattir til að hafa samband við Kópavogsdeild Rauða krossins í síma 554 6626 eða á kopavogur@redcross.is.