Sparifatasöfnun Rauða krossins laugardaginn 22. nóvember

19. nóv. 2008

Rauði krossinn leitar eftir aðstoð almennings til að gefa vel með farinn sparifatnað fyrir börn og fullorðna í sérstakri sparifatasöfnun laugardaginn 22. nóvember milli kl. 11:00-15:00.  Með því að gefa í söfnun Rauða krossins er hægt að veita fjölskyldum og einstaklingum tækifæri til að eignast spariföt fyrir jólin í fataúthlutun félagsins eða fá þau á hagstæðu verði í verslunum Rauða krossins.

Rauði krossinn hvetur alla til að kíkja í skápana og finna föt sem ekki eru lengur í notkun en gætu öðlast nýtt líf hjá nýjum eiganda. Tekið verður á móti sparifatnaðinum á átta stöðum á höfuðborgarsvæðinu og víðsvegar úti á landi.

Á höfuðborgarsvæðinu:
Í Reykjavík:
Laugavegur 116, gengið inn Grettisgötu megin
Vífilfell hf. Stuðlahálsi 1- inngangur við hlið hússins (verksmiðjumegin)
Menningarmiðstöðin Gerðuberg í Breiðholti, móttaka í hjólhýsi Rauða krossins

Hafnarfjörður, Strandgötu 24 - inngangur frá Fjarðargötu
Kópavogur, Hamraborg 11
Garðabær, Hrísmóum 4, Garðatorgi
Álftanes, Haukshúsið á Álftanesi
Mosfellsbær, Þverholti 7

Á landsbyggðinni:
Vestfirðir, húsnæði Ísafjarðardeildar Rauða krossins Háskólasetrinu
Egilsstaðir, húsnæði Héraðs- og Borgarfjarðardeildar Rauða krossins að Miðási 1-5
Fáskrúðsfjörður, húsnæði eldri borgara á Fáskrúðsfirði
Patreksfjörður, íþróttamiðstöðin Bröttuhlíð á Patreksfirði
Akranes, endurhæfingarklúbburinn Hver, Kirkjubraut 1

Fataúthlutun á höfuðborgarsvæðinu fer fram að Laugavegi 116 í Reykjavík, gengið inn úr porti frá Grettisgötu, á miðvikudögum milli kl. 10 og 14. Úthlutun á sparifötunum hefst miðvikudaginn 26. nóvember.

Suðurnesjadeild, Akureyrardeild og Skagafjarðardeild Rauða krossins úthluta einnig fatnaði í húsnæði deildanna. Þá útvega aðrar deildir fatnað ef til þeirra er leitað.

Verslanir Rauða krossins eru að Laugavegi 12 og Laugavegi 116 í Reykjavík, og að Strandgötu 24 í Hafnarfirði.