11. jún. 2012 : Börn og umhverfi námskeið

13. apr. 2010 : Prjónað til góðs í dagvistinni á Höfn

Sú hefð hefur skapast á dagvist Heilbrigðisstofnunar Suðausturlands á Höfn að prjónað er til góðs á föstudögum. Prjónavaran sem kemur úr þeirri vinnu er gefin Rauða krossinum.

Ásgerður K. Gylfadóttir formaður Hornafjarðardeildar heimsótti dagvistina á föstudaginn og tók við 82 sokkapörum, 39 vettlingum, 19 húfum, einni peysu, einum trefli og fjórum þvottapokum. Auk þessa var afhentur peningur fyrir það sem dagvistarfólk hafði þegar selt hjá sér.

Hornafjarðardeild Rauða krossins mun bjóða þessar fallegu og vel unnu prjónavörur til sölu á opnu húsi deildarinnar sem auglýst verður síðar í apríl. Ágóðinn fer allur í Hjálparsjóð. Síðan verður það sem af gengur sent til úthlutunar á vegum fatasöfnunar Rauða krossins.

22. des. 2009 : Gjöf frá Norðlenska til Rauða krossins á Höfn

Fulltrúar Norðlenska afhentu í gær Rauða krossinum á Höfn í Hornafirði 10 matarpakka að gjöf og verður kræsingunum komið til þeirra sem eru þurfandi. Norðlenska hefur haft þetta fyrir sið undanfarin sex ár, í stað þess að senda jólakort, og hefur það mælst mjög vel fyrir.

„Við ákváðum fyrir sex árum að senda ekki jólakort heldur gefa peninga eða matarpakka til félaga sem koma þeim í hendur þeirra sem eru þurfandi. Við höfum gert þetta á þeim stöðum þar sem við erum með starfsemi," segir Reynir Eiríksson, framleiðslustjóri Norðlenska.