Æfð björgun úr vatni

23. apr. 2007

Skyndihjálparhópur sem myndaður var í vetur meðal deilda á Norðurlandi kom saman á laugardaginn og æfði björgun úr vatni.

Dagskráin byrjaði reyndar á erindi um sálrænan stuðning en síðan var hoppað út í sundlaug og tekið til við æfinguna. Það var létt yfir þátttakendum og greinilegt er að hópurinn er á réttri leið.

Hluti af hópnum mun taka þátt í flugslysaæfingu sem haldin verður á Sauðárkróki um næstu helgi, en síðan tekur við sumarfrí. Gert er ráð fyrir að taka upp þráðinn á haustdögum og verða þá æfingarnar byggðar í enn frekara mæli á verklegum æfingum.