Foreldrar og dagmæður á skyndihjálparnámskeiði

4. apr. 2008

Borgarfjarðardeild Rauða krossins hélt skyndihjálparnámskeið sem snýr að ungum börnum þann 26. mars. Foreldrar ungbarna og dagmæður Borgarbyggðar sátu námskeiðið alls 15 manns.

Fjallað var um fyrstu hjálp sem snýr að ungbörnum og hvernig bregðast á við slysum, því þau gera ekki boð á undan sér. Einnig æfðu þátttakendur blástursaðferðina og hjartahnoð á ungbarnabrúðum.

Námskeiðið heppnaðist einstaklega vel og er ætlunin að endurtaka það því færri komust að en vildu.